Եկեղեցական

Վեհափառ Հայրապետը երէկ հիւրընկալեց նորանշանակ պապական նուիրակը:
Ֆրանսիսքոս Ա. Քահանայապետը փոխանցեց իր սէրն ու զօրակցութիւնը՝ Նորին Սրբութեան:

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Ամերիկայի Միացեալ Նահանգներու Հրէական կոմիտէի միջկրօնական գործերու բաժնի տնօրէն րաբբի Տէյվիտ Շլոմօ Ռոզէնը, որ միեւնոյն ժամանակ Իսրայէլի գլխաւոր րաբբիութեան խորհրդականն է։ Հիւրին ուղեկցեցան Տ. Խաժակ Արք. Պարսամեան եւ ԱՄՆ-ի Հայկական միութեան նախագահ Էնթընի Պարսամեան։

Աստուածամուխ Ս. Գեղարդը շաբաթավերջին Սուրբ Էջմիածնի աւանդատուն-թանգարանէն դուրս բերուելով հաւատացեալներու օրհնութեան եւ երկրպագութեան տրամադրուեցաւ։ Նկատի ունենալով, որ Մայր Աթոռի դիւանատունը գրաւած խումբ մը մոլեռանդ ցուցարարներ պնդած էին, որ Ս. Գեղարդը վաճառուած է, ապա Վեհափառ Հայրապետի տնօրինութեամբ շաբաթավերջին Ս. Գեղարդը հերթական անգամ վերաբերուեցաւ հաւատացեալներու օրհնութեան եւ երկրպագութեան համար։

Տ. ԳՐԻԳՈՐ Ա. ՔՀՆՅ. ՏԱՄԱՏԵԱՆ

Հոգեւոր ուրախութեամբ կը տօնենք տարւոյն երրորդ տաղաւարը, ժողովրդական աւանդական կոչումով Վարդավառը, իսկ եկեղեցական տօնացոյցին համաձայն Քրիստոսի Պայծառակերպութեան տօնը։ Հայ քրիստոնէական իրականութեան մէջ Վարդավառի տաղաւարին ուրախութեան մէջ իրարու հետ կ՚ընդելուզուին մեր ժողովուրդի նախաքրիստոնէական շրջանի աւանդութիւններն ու քրիստոնէական հաւատքի սկզբունքները։

ՄԱՐԻԱՆԱ ՊԵՐԹԻԶԼԵԱՆ-ՂԱԶԱՐԵԱՆ

Քրիստոս  այլակերպեցաւ, որպէսզի  ցոյց տայ իր աշակերտներուն անոնց խոստացուած արքայութիւնն ու փառքը: Հանեց զանոնք լերան գագաթը եւ ցոյց տուաւ, թէ Ինք ինչպէս պիտի գայ վերջին օրը՝ աստուածութեան փառքով ու մարմնով եւ ըսելու համար, թէ Ինք ո՛չ Եղիան է, ո՛չ Մովսէսը, ո՛չ ալ մարգարէներէն մին:

Մայր Աթոռ Սուրբ Էջմիածնի մէջ երէկ տեղի ունեցաւ Ամենայն Հայոց Կաթողիկոսութեան ուսումնական հաստատութիւններու մանկավարժական ժողովը։ Ամենայն Հայոց Տ.Տ. Գարեգին Բ. Կաթողիկոսը նախագահեց այս նիստին։

Կիլիկեան Աթոռի գահակալը հիւրընկալեց ասորի եւ ղպտի պատրիարքները:
Դաւանակից եկեղեցիները կը գործակցին՝ Մերձաւոր Արեւելքի մարտահրաւէրներուն դէմ:

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Աւստրալիոյ Եկեղեցիներու հոգեւոր առաջնորդներու էքիւմենիք պատուիրակութիւնը։ Այս միջեկեղեցական պատուիրակութեան գլուխը կը գտնուէր Սիտնիի Բիւզանդական կաթողիկէ եկեղեցւոյ առաջնորդ Ռապըրթ Արքեպիսկոպոս Ռապաթ։

Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմէն խումբ մը ուխտաւորներ այս օրերուն կ՚այցելեն Հայաստան։ Շաբաթավերջին ուխտաւորներու խումբը Մայր Աթոռ Սուրբ Էջմիածնի մէջ հիւրընկալուեցաւ Ամենայն Հայոց Տ.Տ. Գարեգին Բ. Կաթողիկոսին կողմէ։ Ուխտաւորները գլխաւորեց Սանթա-Քլարիթայի Ս. Սարգիս եկեղեցւոյ հովիւ Տ. Սերովբէ Քհնյ. Ալանճեան, որ Վեհափառ Հայրապետին ներկայացուց ուխտաւորները։

Ամենայն Հայոց Տ.Տ. Գարեգին Բ. Կաթողիկոսի հայրապետական բարձր տնօրինութեամբ՝ Տ. Կորիւն Աբեղայ Առաքելեան ազատուեցաւ Ս. Գայիանէ վանքի վանահօր պարտականութիւններէն։ Այս կապակցութեամբ Մայր Աթոռի լուսարարապետութեան թելադրուեցաւ Հայր Կորիւնի կեցութիւնը մայրավանքէ ներս։