Ամենայն Հայոց Տ.Տ. Գարեգին Բ. Կաթողիկոսը շաբաթավերջին Մայր Աթոռ Սուրբ Էջմիածնի մէջ հիւրընկալեց խումբ մը սփիւռքահայ կրթական մշակներ, որոնք այս ամառ Երեւանի մէջ մասնակցութիւն կը բերեն Հայաստանի Կրթութեան ու գիտութեան նախարարութեան կողմէ կազմակերպուած ուսուցիչներու վերապատրաստման ծրագրին։ Սփիւռքահայ կրթական մշակներուն ուղեկցեցաւ Երեւանի «Խաչատուր Աբովեան» պետական մանկավարժական համալսարանի վերատեսուչ Փրոֆ. Ռուբէն Միրզախանեան։
Պատրիարքական տեղապահ Տ. Գարեգին Արք. Պեքճեան երէկ քահանայական ձեռնադրութիւն մը կատարեց Հայաստանի մէջ։ Ինչպէս հաղորդած էինք, Նորին Սրբազնութիւնը Ապարանի Ս. Խաչ եկեղեցւոյ մէջ քահանայ ձեռնադրեց Վանանդ Սրկ. Պաղտասարեանը, որ յառաջիկայ շրջանին ծառայութեան պիտի կոչուի Հայաստանեայց Առաքելական Եկեղեցւոյ Գերմանիոյ Թեմէն ներս։
Ամենայն Հայոց Տ.Տ. Գարեգին Բ. Կաթողիկոսը նախընթաց օր Մայր Աթոռ Սուրբ Էջմիածնի մէջ ընդունեց Հայ մարմնակրթական ընդհանուր միութեան (ՀՄԸՄ) Լոնտոնի մասնաճիւղի անդամները։ ՀՄԸՄ-ի ներկայացուցիչներուն ուղեկցեցաւ Հայաստանեայց Առաքելական Եկեղեցւոյ Անգլիոյ Թեմակալ Առաջնորդ Տ. Յովակիմ Եպիսկոպոս Մանուկեան։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Գերմանիայէն՝ Քէօլնի համալսարանէն խումբ մը կաթոլիկ եւ բողոքական աստուածաբաններ ու գիտնականներ։ Այս խումբը կը գլխաւորէ Կաթոլիկ Եկեղեցւոյ Գերմանիոյ Եպիսկոպոսաց ժողովի պետ Մաթթիաս Քոփփ։ Այս վերջինը Նորին Սրբութեան ներկայացուց ուխտաւորները՝ ուրախութիւն յայտնելով հերթական այցելութեան համար դէպի Մայր Աթոռ Սուրբ Էջմիածին։
Ամենայն Հայոց Տ.Տ. Գարեգին Բ. Կաթողիկոսը շաբաթավերջին Մայր Աթոռ Սուրբ Էջմիածնի մէջ ընդունեց Հայաստանեայց Առաքելական Եկեղեցւոյ Հիւսիսային Ամերիկայի Արեւելեան եւ Արեւմտեան Թեմերու կամաւորական ծրագրերու մասնակիցները։
Պատրիարքական Տեղապահ Բարձր. Տ. Գարեգին Ս. Արքեպսկ. Պեքճեանի նախագահութեամբ 4 Յուլիս 2017, Երեքշաբթի օր, Պատկ. Կրօնական Ժողովի անդամներու, համայնքային եւ թաղային մարմիններու ներկայացուցիչներու մասնակցութեամբ Պատրիարքարանի դահլիճին մէջ կայացած հաւաքոյթով կազմուեցաւ Թուրքիոյ Հայոց 85-րդ պատրիարքի ընտրութեան Նախաձեռնարկ մարմինը։
Թուրքիոյ Հայոց 85-րդ Պատրիարքի Ընտրութեան Նախաձեռնարկ Մարմինը կազմելու առաջադրութեամբ Պատրիարքական Տեղապահ Բարձր. Տ. Գարեգին Ս. Արքեպս. Պէքճեանի հրաւէրով Պատկ. Կրօնական Ժողովի անդամներ, համայնքային եւ թաղային մարմիններու ներկայացուցիչներ Պատրիարքարանի դահլիճին մէջ հաւաքուեցան 4 Յուլիս 2017, Երեքշաբթի, ժամը 17.00-ին։
Ամենայն Հայոց Տ.Տ. Գարեգին Բ. Կաթողիկոսը շաբաթավերջին Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Հիւսիսային Ամերիկայի Արեւելեան Թեմէն խումբ մը ուխտաւորներ։
Մայր Աթոռ Սուրբ Էջմիածնի մէջ տեղի ունեցաւ Գէորգեան հոգեւոր ճեմարանի 2016-2017 ուսումնական տարուայ փակման արարողութիւնը, որուն նախագահեց Ամենայն Հայոց Տ.Տ. Գարեգին Բ. Կաթողիկոսը։ Հանդիսութեան ներկայ էին Մայր Աթոռ Սուրբ Էջմիածնի միաբաններ, հոգեւոր-կրթական հաստատութիւններու տեսչական, ուսուցչական անձնակազմը եւ ճեմարանի սաները։
Ամենայն Հայոց Տ.Տ. Գարեգին Բ. Կաթողիկոսի նախագահութեամբ, երէկ տեղի ունեցաւ, Հառիճի վանքէն ներս գործող Թրբանճեան ընծայարանի հիմնանորոգուած մասնաշէնքի բացման հանդիսաւոր արարողութիւնը, որու ընթացքին ստեղծուեցաւ մեծ ոգեւորութիւն։ Ընծայարանը վերանորոգուած է ու կը գործէ Լոս Անճելըսէն՝ Ճերալտ եւ Փաթրիսիա Թրբանճեաններու ազնիւ բարերարութեամբ։
