Եկեղեցական

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը պատրաստուի այցելել Մայր Աթոռ Սուրբ Էջմիածին։ Գումգաբուի աղբիւրները երէկ հաղորդեցին, որ յառաջիկայ շաբաթավերջին նախատեսուած Սրբալոյս Միւռոնի օրհնութեան եւ Սուրբ Էջմիածնի Մայր Տաճարի վերաօծման արարողութիւններուն մասնակցութիւն պիտի բերէ Ամեն. Ս. Պատրիարք Հայրը։

Երէկ, Տ.Տ. Գարեգին Բ. Ամենայն Հայոց Կաթողիկոսը Մայր Աթոռ Սուրբ Էջմիածնի մէջ ընդունեց՝ մօտալուտ Միւռոնօրհնութեան եւ Մայր Տաճարի վերաօծման արարողութիւններու կազմակերպչական աշխատանքներուն ներգրաւուած կամաւոր երիտասարդները։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Հայց. Առաքելական Եկեղեցւոյ Հիւսիսային Ամերիկայի Արեւմտեան թեմի սպասաւորներէն տիրացուի Կարէն Սրկ. Համամճեանն ու իր հայրը՝ Համօ Համամճեանը։

Ամենայն Հայոց Կաթողիկոսութեան Տեղեկատուական համակարգի նախաձեռնութեամբ մամլոյ ասուլիս՝ մայրավանքի «Վաչէ եւ Թամար Մանուկեան» մատենադարանէն ներս:
Մայր Աթոռ Սուրբ Էջմիածնի մօտալուտ սրբազան արարողութիւնները պիտի թարմացնեն Հայց. Առաքելական Եկեղեցւոյ աշխարհասփիւռ հօտին հոգեւոր միասնականութեան զգացումը, ինչ որ հաւաքական պատասխանատուութեան վերանորոգ գիտակցութեան նոր անկիւնադարձ մը սահմանելու հեռանկարը ունի՝ առկայ ճակատագրական ժամանակներուն:
Միւռոնօրհնութեան եւ Մայր Տաճարի վերաօծման ընդառաջ, Տ. Արշակ Արք. Խաչատրեան եւ Տ. Նաթան Արք. Յովհաննիսեան այս առաւօտ զրուցեցին զանգուածային լրատուամիջոցներու ներկայացուցիչներուն հետ:

Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ ընդունեց Իսրայէլի մօտ Ամերիկայի Միացեալ Նահանգներու դեսպանատան Պաղեստինի գործերու գծով բաժանմունքի նորանշանակ ղեկավար Հենս Ուեչսէլը, որուն կ՚ընկերանային դեսպանութենէն այլ պատասխանատուներ։

Խաչվերացի տօնին առթիւ երէկ աւանդական արարողութիւններ տեղի ունեցան Գնալի բարձունքին։ Ս. Գրիգոր Լուսաւորիչ եկեղեցւոյ մէջ պատարագեց եւ քարոզեց Տ. Յարութիւն Վրդ. Տամատեան։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Խա­չա­նի­շը՝ Քրիս­տո­սի կնի­քը կը դրոշ­մէ ա­նոր վրայ, որ Ի­րեն պի­տի պատ­կա­նի, ան նաեւ կը նշա­նա­կէ փրկու­թեան այն շնորհ­քը՝ զոր Քրիս­տոս մե­զի հա­մար ձեռք ձգեց Իր Խա­չով։
Նոր Ուխ­տին խո­րա­նը՝ Տի­րոջ Խաչն է, որ­մէ կը բխին զատ­կա­կան խոր­հուր­դին սուրբ խոր­հուրդ­նե­րը։ 

ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ

Խաչվերացի տաղաւարի հոգեւոր ուրախութիւնը անգամ մը եւս կը համակէ մեզ, երբ կը յիշենք Խաչը եւ Խաչեալը եւ խաչին նկատմամբ ցուցաբերուած նախանձախնդիր կեցուածքը բոլոր անոնց, որոնք լաւագոյնս ըմբռնած էին իմաստը անկրկնելի Սուրբ Պատարագին, որ մէկ անգամ մատուցուեցաւ, որուն զօրութիւնը անանց է եւ յաւիտենական։

Վեհ. Հայրապետին նախագահութեամբ, Մայր Աթոռ Ս. Էջմիածնի մէջ բարձր մակարդակի խորհրդակցութիւն:
Նորին Սրբութիւնը ընդգծեց, որ Միւռոնօրհնութեան եւ Մայր Տաճարի վերաօծման պատրաստութիւնները ամփոփման փուլի մէջ են:

Տ.Տ. Գարեգին Բ. Ամենայն Հայոց Կաթողիկոսը նախընթաց օր Մայր Աթոռ Սուրբ Էջմիածնի մէջ ընդունեց ՄԱԿ-ի ընդհանուր քարտուղարի տեղակալ Միկէլ Անխէլ Մորաթինոսը, որ նաեւ Քաղաքակրթութիւններու դաշինքի բարձր յանձնակատարն է։