Նոր տարուան առթիւ Վեհափառ Հայրապետին պատգամը. «Թոյլ չտանք, որ ազգային կեանքի մէջ սերմանուի ատելութիւն ու պառակտում, արմատաւորուի կործանարար յարմարուողականութիւնն ու անտարբերութիւնը։ Ապրինք հաւատքով զարդարուն կեանքով, իրարու հանդէպ սիրով, որպէսզի զգանք Աստուծոյ շնորհաբեր ներկայութիւնը»:
«Հայաստանը այն միակ սրբազան վայրն է, ուր ամբարուած են բոլոր ժամանակներու հայ սերունդներու աղօթքներն ու երազները, ուր շարունակ պիտի կերտուի հայոց ինքնութիւնը»:
Տ.Տ. Գարեգին Բ. Ամենայն Հայոց Կաթողիկոսը Ամանորը դիմաւորեց Արցախէն բռնի տեղահանուած ընտանիքներուն հետ։ Վեհափառ Հայրապետին գլխաւորութեամբ, Մայր Աթոռ Սուրբ Էջմիածնի մէջ Նոր տարուան առթիւ կազմակերպուեցաւ միաբանական ընթրիք, որուն մասնակցեցան նաեւ Արցախէն դուրս եկած այն ընտանիքները, որոնք ապաստան գտած են Ամենայն Հայոց Կաթողիկոսութեան հովանիին ներքեւ։
Պէյօղլուի Ս. Երրորդութիւն եկեղեցւոյ մէջ երէկ Տ. Յարութիւն Վրդ. Տամատեան մատոյց տարեվերջի Ս. Պատարագը, որուն ներկայ գտնուեցաւ նաեւ Տ. Գէորգ Աւ. Քհնյ. Չընարեան։ Պատարագիչ հայր սուրբը խօսեցաւ նաեւ օրուան քարոզը։
Պատրիարքական Աթոռի հոգեւորականաց դասը, ըստ ընկալեալ սովորութեան, Ամանորը ողջունեց՝ Գումգաբուի Ս. Աստուածածին Աթոռանիստ Մայր եկեղեցւոյ մէջ կազմակերպուած հաւաքով։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի նախագահութեամբ տեղի ունեցան երեկոյեան ժամերգութիւն եւ գոհաբանական աղօթք։
Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսը 2024-ին կը թեւակոխէ իր գահակալութեան 25-ամեակի յոբելենական շրջանը։ Լուսաւորչահաստատ, առաքելահիմն ընդհանրական հայրապետութեան գահուն վրայ Նորին Սրբութիւնը հասած է քառորդ դարը բոլորելու եզրին։
ՅԱՐՈՒԹԻՒՆ ՎՐԴ. ՏԱՄԱՏԵԱՆ
Դեկտեմբեր ամսուան սկիզբով արդէն իսկ Արեւելքէն սկսեալ աշխարհի զանազան երկիրներու մէջ սկսած է Քրիսմըսի շրջանը, որ առիթ կ՚ընծայէ հսկայ տօնածառերու զարդարման եւ լուսաւորման։ Մարդիկ լուսաճաճանչ փողոցներու մէջ կը տեսնեն, թէ տարբեր ու վերանորոգ եռուզեռ մը կը տիրապետէ առհասարակ։ Խաւարապատ աշխարհի մէջ կարծէք մութը պահ մը կը դադրի եւ մարդկային կեանքի մէջ կը ծիածանի թարմ շունչ մը։
ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ
Ամանոր է այսօր։ Ժամը 24.00-ին, ժամացոյցի սլաքներու միացումով մեր ապրած օրերը կը կամրջուին Ամանորի հետ եւ անմիջապէս յետոյ ապրուած երկվայրկեանը արդէն իսկ կը դառնայ սեպհականութիւնը Նոր տարուան՝ բանալով նոր վարագոյր մը մեզ սպասող անծանօթ ապրումներու, նոր էջ մը սպասուած ապագայ օրերու ուրախ եւ տխուր պատահարները պատմութեան յանձնելու համար։
ՅՈՎԱԿԻՄ ԱԲՂ. ՍԵՐՈՎԲԵԱՆ
Անցեալներս առիթն ունեցայ մասնակցելու երկու նորահասներու տօնածառ զարդարելու աշխատանքին եւ յիշեցի, թէ երբ նոյն տարիքի էինք, ի՜նչ մեծ ուրախութեամբ ու գոհունակութեամբ այդ զարդարանքը կը կատարէինք:
ԿՈՐԻՒՆ ԱՒ. ՔՀՆՅ. ՖԷՆԷՐՃԵԱՆ
Սուրբ Գիրքի Ծննդոց բաժինը ստեղծագործութեան մասին հետեւեալը կը գրէ.
«Աստուած ըսաւ. «Երկնքի հաստատութեանը մէջ լուսաւորներ թող ըլլան, որպէսզի ցերեկը գիշերէն զատեն եւ նշաններու ու ատեններու եւ օրերու ու տարիներու համար ըլլան։
Հին քաղաքի «Կովերու պարտէզ» ազգապատկան կալուածի տագնապը կը ծնի բռնութիւններ եւ ոտնձգութիւններ:
Հայութիւնը փուշի վրայ: Հայ Երուսաղէմէն ահազանգ:
Սրբոց Յակոբեանց զինուորեալ միաբանութեան անդամները Հայկական թաղամասն ու համազգային իրաւունքները յամառօրէն կը պաշտպանեն՝ զէնքի սպառնալիքներու դէմ:
Երեսուն դիմակաւորներու երէկուան ներխուժման եւ ահաբեկման հետեւանքով կան քանի մը ծանր վիրաւորներ:
