Եկեղեցական

Երուսաղէմի Հայոց Պատրիարքարանէն շաբաթավերջին հասան զգայացունց լուրեր։ Այսպէս, Սուրբ Աթոռի դիւանը տեղեկացուց, որ կարգալոյծ հռչակուած է Տ. Պարէտ Ծայրագոյն Վարդապետ Երէցեան։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց շուրջ 150 համալսարանականներ, որոնց շարքին կը գտնուէին թէ՛ ուսանողներ եւ թէ շրջանաւարտներ։

Պատրիարքական Աթոռի միաբաններէն Տ. Յարութիւն Վրդ. Տամատեան երէկ պատարագեց Թորոնթոյի Ս. Երրորդութիւն եկեղեցւոյ մէջ։ Ներկայ էին նաեւ առաջնորդական փոխանորդ Տ. Զարեհ Աւ. Քհնյ. Զարգարեան եւ Տ. Հայարի Քհնյ. Թանաշեան։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Հնդկաստանի դեսպան Նիլաքշի Սահա Սինհայը։ Վեհափառ Հայրապետը շնորհաւորեց նորանշանակ դեսպանը եւ անոր արդիւնաշատ առաքելութիւն մաղթեց Հայաստանի մէջ։

Մեծի Տանն Կիլիկիոյ Տ.Տ. Արամ Ա. Կաթողիկոսը նախընթաց օր հանդիպում մը ունեցաւ Լիբանանի Մարոնիտ եկեղեցւոյ Ռաի Պատրիարքին հետ։ Տեսակցութիւնը տեղի ունեցաւ Լիբանանի Մարոնիտ եկեղեցւոյ կեդրոնատեղիին՝ Պըքերքէի մէջ։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Ֆրանսայի Օ-տը-Ֆրանս շրջանի խորհուրդի նախագահ Զաւիէ Պերթրանի կողմէ գլխաւորուած պատուիրակութիւնը, որ վերջին օրերուն այցելեց Երեւան, ուր հիւրընկալուեցաւ Հայաստանի ղեկավարութեան կողմէ։

Գերմանիոյ Քէօլն քաղաքին մէջ վերջին օրերուն տեղի ունեցաւ միջազգային համաժողով մը, որ կազմակերպուած է՝ «Արցախի վտանգուած քրիստոնէական մշակոյթը» նիւթին շուրջ։ Այս համաժողովի կազմակերպիչներն էին Գերմանիոյ Կաթողիկէ եպիսկոպոսաց ժողովը, Գերմանիոյ Աւետարանական եկեղեցին եւ Հայաստանեայց Առաքելական Եկեղեցւոյ Գերմանիոյ թեմը։

Տ.Տ. Գարեգին Բ. Ամենայն Հայոց Կաթողիկոսը վերջին օրերուն Մայր Աթոռ Սուրբ Էջմիածնի մէջ հիւրընկալեց Ֆինլանտիոյ Լուտերական-Աւետարանական եկեղեցիէն պատուիրակութիւն մը։

Պատրիարքական Աթոռի միաբան Տ. Յարութիւն Վրդ. Տամատեան, որ շուրջ ամիսէ մը ի վեր կը գտնուէր Հայաստանեայց Առաքելական Եկեղեցւոյ Գանատայի թեմէն ներս, շաբաթավերջին հրաժեշտ առաւ Մոնրէալէն։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Արժանթինէն պատուիրակութիւն մը, որու անդամներու շարքին էին հասարակական գործիչներ, լրագրողներ, իրաւաբաններ եւ գործարարներ։