Եկեղեցական

ՖՐԱՆՍԱՑԻ ԾԵՐԱԿՈՒՏԱԿԱՆՆԵՐՈՒ ԱՅՑԸ

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Ֆրանսայի Ծերակոյտին կողմէ պատուիրակութիւն մը, որ վերջին օրերուն այցելեց Երեւան։ Պատուիրակութեան գլուխը կը գտնուէր ծերակուտական Պրունօ Ռեթայօ։

ՇՆՈՐՀԱՒՈՐԱԿԱՆ ԱՅՑԵԼՈՒԹԻՒՆՆԵՐ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի տնօրինութեամբ, երէկ Տ. Արամ Արք. Աթէշեան եւ Տ. Յովակիմ Աբեղայ Սերովբեան Ս. Զատկի առթիւ շնորհաւորական այցելութիւններ տուին Ասորի Ուղղափառ եւ Ասորի Կաթոլիկ եկեղեցիներու պատրիարքական փոխանորդներուն։

ՅԻՇԵԼՈՎ ՎԵՐԱՆՈՐՈԳՈՒԵԼՈՒ ԿԱՐԵՒՈՐՈՒԹԻՒՆԸ

ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ

Քրիստոս յարեաւ ի մեռելոց,
Եօթը շաբթուան Մեծ պահոց ապաշխարութեան շրջանին յաջորդեց Սուրբ Յարութեան առթած հոգեւոր ուրախութիւնը, որով քառասուն օրեր պիտի ողջունենք զիրար, Սուրբ Յարութեան աւետիսի բառերով։ Մեղքով վիրաւորուած մարդկային կեանքին կրած ցաւը կը դարմանուէր ապաշխարութեամբ, պատրաստուելով Սուրբ Յարութեան աւետիսին։

Տ. ԱՐԱՄ ԱՐՔ. ԱԹԷՇԵԱՆ ՎԱՏԻԿԱՆԻ ՄԷՋ ՏԵՍԱԿՑԵՑԱՒ ՍՐԲԱԶԱՆ ՊԱՊԻՆ ՀԵՏ

Կը տեղեկանանք, որ Տ. Արամ Արք. Աթէշեան վերջին օրերուն անձնական այցելութիւն մը տուած է Հռոմ։ Պատրիարքարանի աղբիւրները հաղորդեցին, որ նախընթաց օր նորին սրբազնութիւնը Վատիկանի մէջ հանդիպում մը ունեցած է Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապին հետ։

ԱՒԻՆԵԱՆ ՄԱՅՐ ԱԹՈՌԻ ՄԷՋ

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Երեւանի փոխ-քաղաքապետ Տիգրան Աւինեանը։ Հանդիպման ընթացքին անդրադարձ կատարուեցաւ քաղաքամայր Երեւանի մէջ Հայ Եկեղեցւոյ առաքելութեան արդիւնաւորման ի նպաստ ձեռնարկուած քայլերուն՝ մասնաւորապէս եկեղեցիներու եւ եկեղեցական կառոյցներու բարւոք պահպանման եւ տարածքներու բարեկարգման խնդիրներուն։

Էջեր