Թրքահայ կեանք

Ամենապատիւ Ս. Պատրիարք Հօր խօսքը Ապրիլի 24-ին՝ Մեծ Եղեռնի 105-րդ տխուր տարելիցին առթիւ:
Ն.Ա.Տ. Սահակ Բ. «Մենք ունինք քալելու ճամբաներ, հասնելիք կապոյտ հորիզոններ եւ կերտելիք փայլատեսիլ ապագայ մը»:

Յանուն Ն.Ա.Տ. Սահակ Պատրիարք Սրբազան Հօր, Կրօնական ժողովոյ անդամներէն ու Միջեկեղեցական յարաբերութեանց պատասխանատու Տ. Տրդատ Ա. Քհնյ. Ուզունեան, 22 ապրիլ 2020, չորեքշաբթի երեկոյեան, մասնակցեցաւ բանախօսութեան մը, որ կը կազմակերպուէր միջկրօնական երկխօսութեան ծիրէն ներս։ Սոյն հանդիպումը տեղի ունեցաւ հեռակայ դրութեամբ։

Վաղը առաւօտ Ս. Պատարագ պիտի մատուցուի Ս. Աստուածածին Աթոռանիստ Մայր եկեղեցւոյ երդիքին տակ:
Ամեն. Սրբազան Պատրիարք Հայրը պիտի նախագահէ Գումգաբուի մէջ կայանալիք 24 Ապրիլի արարողութիւններուն:

Քորոնաժահրի համաճարակի դէմ պայքարի ծիրին մէջ ներկայ շաբթուան ամբողջ երկրորդ կէսին՝ մինչեւ երկուշաբթի, չորս օր փողոց դուրս գալու արգելք հաստատուած է Թուրքիոյ բոլոր մեծ քաղաքներուն մէջ՝ ներառեալ Իսթանպուլը։ Այս իրավիճակին մէջ ԺԱՄԱՆԱԿ օրաթերթը անխափան կը շարունակէ իր գործունէութիւնը։

Ծանօթ է մեր համայնքի անդամներուն, թէ համաշխարհային տարածում գտած քորոնաժահրի համաճարակը նաեւ իր ազդեցութիւնը գործած է մեր երկրէն ներս։ Համաճարակի յառաջացուցած կեանքի պայմանները դուռ բացած են, որ օժանդակութեան աշխատանքներ կազմակերպուին համայն երկրի տարածքին։

ՅԱՐՈՒԹԻՒՆ ԱԲԵՂԱՅ ՏԱՄԱՏԵԱՆ

Աթոռանիստ բառական իմաստով կը նշանակէ՝ Եկեղեցի, ուր հաստատուած է իշխանութեան մը աթոռը։ Պոլսական հասկացողութեամբ՝ աթոռանիստ կը նշանակէ, Գումգաբուի Ս. Աստուածածին եկեղեցին, ուր հաստատուած է՝ Պոլսոյ Պատրիարքական Աթոռոյ իշխանութիւնը։

ԳՐԻԳՈՐ Ա. ՔՀՆՅ. ՏԱՄԱՏԵԱՆ

Քրիստոս յարեաւ ի մեռելոց,
Զատկական Ճրագալոյցի Սուրբ Պատարագի ժամերէն սկսեալ զիրար կ՚ողջունենք Սուրբ Յարութեան աւետիսով։ Ծանօթ է բոլորիս, թէ այս տարի Քրիստոսի Սուրբ Յարութեան տաղաւարը ստիպուեցանք տօնել մեր ընտանեկան յարկերէն ներս, ֆիզիքապէս հեռու՝ մեր տաճարներէն, մնալով անհաղորդ՝ Փրկչի Սուրբ Մարմնոյն եւ Արեան հետ։ Սակայն գոհութիւն Աստուծոյ գիտութեան ընձեռած միջոցներով գոնէ կրցինք բարոյապէս փոխադրուիլ Տիրոջ Ս. Սեղանին առջեւ, հետեւելով մատուցուած Սուրբ Պատարագին։

Քորոնաժահրի համաճարակի դէմ պայքարի ծիրին մէջ այս շաբաթավերջին փողոց դուրս գալու արգելք հաստատուած է Թուրքիոյ բոլոր մեծ քաղաքներուն մէջ՝ ներառեալ Իսթանպուլը։ Այս իրավիճակին մէջ ԺԱՄԱՆԱԿ օրաթերթը անխափան կը շարունակէ իր գործունէութիւնը։

Քորոնաժահրի համաճարակի մթնոլորտին մէջ մեր համայնքը այս շրջանին ցաւ կ՚ապրի՝ իր շարքերէն տխուր կորուստներով։ Համընդհանուր ուշադրութեան եւ հետաքրքրութեան առարկայ կը դառնայ վարակեալներու ընդհանուր վիճակն ու դարմանման ընթացքը։

Խոր ցաւով վերահասու եղանք, թէ մեր համայնքի անդամներէն մին եւս զոհ գացած է քորոնաժահրի համաճարակին։ Այսպէս, ոչ եւս է Արա Թէլլէր, որ շուրջ 80 տարեկան հասակին կնքեց իր մահկանացուն Շիշլիի «Էթֆալ» հիւանդանոցին մէջ, ուր դարմանման տակ էր շուրջ ամիսէ մը ի վեր։