Պատրիարքարանի աղբիւրները երէկ տեղեկացուցին, որ Էսաեան վարժարանի տնօրէնուհիներու պաշտօնազրկումով ծնունդ առած տագնապին վերաբերեալ նախատեսուած խորհրդակցութիւնը այս հինգշաբթի տեղի պիտի ունենայ Գումգաբուի մէջ։
Գոհունակութեամբ վերահասու կ՚ըլլանք, թէ մանուկներու համար կազմակերպուած նկարչութեան մրցումի մը արդիւնքով դափնեկիր դարձած է մեր համայքէն Լուսին Ենիեորկան։ «Իմ գունաւոր աշխարհս» խորագրեալ «Մոփարթ» կոչուած այս մրցոյթը կազմակերպուած է՝ նախաձեռնութեամբ «Մոփաք» ընկերութեան, որ կ՚արտադրէ թուղթեր ու տետրակներ։
Գուզկունճուքի Ս. Գրիգոր Լուսաւորիչ եկեղեցւոյ մուտքի դրան խաչը պոկած յանցագործը երէկ ոստիկանութեան կողմէ յանձնուեցաւ դատական իշխանութիւններուն։ CNN Türk-ի հաղորդումներով՝ Մազլում Տ. (26), կասկածեալի կարգավիճակով ոստիկանութեան կողմէ երէկ ուղարկուեցաւ Իսթանպուլի Անատոլուի ափի արդարադատական ատեանը, որ կը գտնուի Գարթալի մէջ։
Գուզկունճուքի Սուրբ Գրիգոր Լուսաւորիչ եկեղեցւոյ ցաւալի դէպքին արձագանգները կը շարունակուին բոլոր հարթութիւններու վրայ:
Իրաւապահ մարմինները երէկ օրուան երկրորդ կէսին իսկոյն գտան յանցագործը, որու հարցաքննութիւնը սկսաւ: Իշխանութիւններու կողմէ վճռական յայտարարութիւննե կատարուեցան՝ մեղմացնելով առկայ մտահոգութիւնը: Տ. Թաթուլ Ծ. Վրդ. Անուշեան տեղւոյն վրայ տեղեկութիւններ քաղեց ստեղծուած իրավիճակին շուրջ:
Տիարպաքըրի ՀՏՓ-ական երեսփոխան Կարօ Փայլան Ազգային մեծ ժողովէն ներս օրակարգի վրայ բերաւ Գուզկունճուքի Ս. Գրիգոր Լուսաւորիչ եկեղեցւոյ վերջին դէպքը։ Ինչպէս ծանօթ է, ան վերջին շրջանին խորհրդարանէ ներս իրերայաջորդ հարցադրումներով օրակարգի վրայ կը բերէ թրքահայ համայնքի վերաբերեալ զանազան հրատապ խնդիրները։
Սիրելի Արա Գօչունեան,
Կը հետեւիմ ԺԱՄԱՆԱԿ-ին, գրեթէ օրը օրին։
Այս օրերուն, զիս շատ կը յուզէ տնօրէնուհիներուն՝ այսպիսի օրերուն մանաւանդ, անակնկալ հեռացումը իրենց նուիրական պաշտօնէն։
Սկիւտարի գաւառապետ Մուրատ Սեֆա Տեմիրեիւրէք այս առաւօտ այցելեց Գուզկունճուքի Սուրբ Գրիգոր Լուսաւորիչ եկեղեցին՝ իր հետ ունենալով Սկիւտարի անվտանգութեան տնօրէնը եւ Գուզկունճուքի թաղապետը։ Թաղային խորհուրդի ատենապետ Եդուարդ Այվազեան ջերմ մթնոլորտի մը մէջ հիւրընկալեց բարձրաստիճան պաշտօնատարները, որոնց այցելութիւնը զօրակցութեան ու կարեկցանքի բնոյթ կը կրէր։
ՍԻԼՎԱ ԳՈՒՅՈՒՄՃԵԱՆ (*)
ՄԱՍՆԱԳԻՏԱԿԱՆ ԽՈՐՀՐԴԱԾՈՒԹԻՒՆ ՈԼՈՐՏԻ ՆՈՒԻՐԵԱԼԷ
Վարի տողերը կը ցոլացնեն պոլսահայ համայնքի ներկայ վիճակին մասին համառօտ կարծիքս, որ առընչուած կը նկատեմ Էսաեան վարժարանի բազմամեայ տնօրէններ՝ Սաթենիկ Նշանի եւ Առլին Եշիլթեփէի անակնկալ պաշտօնազրկման հետ:
Էսաեանը մեր դարաւոր կրթական օճախներէն մին եղած է եւ հասցուցած՝ շրջանի մտաւորական կին սերունդը:
Սուրբ Փրկիչ Ազգային հիւանդանոցի հոգաբարձութեան ատենապետ Պետրոս Շիրինօղլու վերջին օրերուն առցանց ուղիղ եթերի մը ընթացքին մեկնաբանութիւններով հանդէս եկաւ համայնքային շարք մը հարցերու շուրջ։ Այս ամբողջին մէջ ան պնդեց, որ համայնքէն ներս կարգ մը շրջանակներ վերջին պատրիարքական ընտրութեան արդիւնքը չեն մարսած եւ այժմ հրահրած են Էսաեան վարժարանի տնօրէնուհիներու պաշտօնազրկման խնդիրը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան քառօրեայ տօնական դադարէն առաջ համայնքային առկայ հրատապ հարցերուն շուրջ նամակ մը ուղարկեց Հանրապետութեան նախագահ Ռեճեփ Թայյիպ Էրտողանին։ Թրքահայ ազգային-եկեղեցական կեանքի այժմու հրատապ հարցերուն շուրջ ծանօթագրութիւններու ձեւաչափով գրութիւն մըն էր այս մէկը։
