Գարակէօզեան Տան խումբ մը սաներ երէկ այցելեցին Գատըգիւղի Ս. Թագաւոր եկեղեցին՝ ուղեկցութեամբ իրենց հայերէնի ուսուցիչներուն։ Այս այցելութիւնը կազմակերպուած էր Ս. Թարգմանչաց տօնին առթիւ եւ անոր նպատակն էր աշակերտներուն ծանօթացնել Ս. Թագաւոր եկեղեցին՝ պատմութիւնով եւ առաքելութիւնով հանդերձ։
Տեղապահ Տ. Սահակ Եպսկ. Մաշալեան թափով յառաջ կը տանի իր նախընտրական ծրագիրը եւ ժողովրդական հանդիպումներով կը ջանայ լսելի դարձնել պատգամները:
Նորին սրբազնութիւնը երէկ երեկոյեան Պաքըրգիւղի մէջ կազմակերպուած զրոյցին ժամանակ հերթական անգամ բաժնեց իր դիտարկումները՝ համայնքային կեանքի ընդհանուր ընթացքին շուրջ:
Այս շաբաթավերջին տեղի պիտի ունենայ Կեդրոնական վարժարանին ի նպաստ տարեկան աւանդական սիրոյ սեղանը։ Սա շատ կարեւոր փուլ մըն է վարժարանին համար, որովհետեւ Կեդրոնականն ալ այս շրջանին միւսներուն նման կը դիմագրաւէ ծանր դժուարութիւններ։
Կրօնական ժողովի ատենապետ Տ. Արամ Արքեպսկ. Աթէշեան նախագահեց Ս. Վարդանանց եկեղեցւոյ երէկուան կրօնական եւ աշխարհիկ արարողութիւններուն:
Ֆէրիգիւղի ընտանիքը անանտեսելի զօրակցութիւն մը ապահովեց Մէրամէթճեան վարժարանին համար: Արձանագրուած յաջողութեան մէջ կարեւոր դեր ունեցաւ՝ կարգադիր յանձնախումբի ատենապետուհի Մոնիք Երկանեան, որ ահազանգ հնչեցուց համայնքային առկայ հարցերուն շուրջ:
Թաղային խորհուրդը ի յիշատակ յուշանուէր մը պատրաստած էր Շիշլիի քաղաքապետ Մուամմէր Քեսքինի համար: Դպրոցի սաները ներկաներուն կողմէ գնահատուեցան իրենց ելոյթներով:
Պատրիարքական տեղապահ Տ. Սահակ Եպսկ. Մաշալեան անցեալ շաբաթավերջին օդային ճամբով մեկնեցաւ Մարտին՝ ուղեկցութեամբ Տ. Շիրվան Քհնյ. Միւրզեանի։ Նորին սրբազնութիւնը նոյն իրիկուն ներկայ գտնուեցաւ ընթրիքի սեղանի մը, միւս եկեղեցիներու ներկայացուցիչներուն եւ պետական աւագանիին հետ։
Գատըգիւղի Արամեան սանուց միութեան մէջ շաբաթավերջին տեղի ունեցաւ ոգեւոր հաւաքոյթ մը։ Սա թէեւ անմիջական շրջանակի համար նախատեսուած երեկոյթ մըն էր, սակայն Գատըգիւղի ընտանիքին տեսակէտէ ունէր զգացական նշանակութիւն։
Մէրամէթճեան վարժարանի տարեկան պիւտճէն հաւասարակշռելու համար կը սարքուի սիրոյ սեղան:
Ֆէրիգիւղի ընտանիքը զօրակոչի ձեռնարկած է թաղի դպրոցի կայուն երթը, որակն ու մակարդակը երաշխաւորելու համար:
Գատըգիւղի Արամեան-Ունճեան վարժարանին մէջ խանդավառ ձեռնարկներով նշուեցաւ Սրբոց Թարգմանչաց տօնը։ Հայ մշակոյթի շաբթուան ծիրին մէջ դպրոցէն ներս գործադրուեցաւ բազմակողմանի յայտագիր մը, որուն ներգրաւուած էին վարժարանի բոլոր դասարաններէն աշակերտներ։
Պատրիարքական տեղապահ Տ. Սահակ Եպսկ. Մաշալեան երէկ Գումգաբուի մէջ հիւրընկալեց Պէյքոզի Ս. Նիկողայոս եկեղեցւոյ թաղային խորհուրդի ատենապետ Վարուժան Մաղաքեանն ու իր գործակից ընկերուհիները։ Այս առթիւ անոնք նորին սրբազնութիւնը հրաւիրեցին նախագահելու եկեղեցւոյ տօնախմբութեան, որ այս տարի տեղի պիտի ունենայ 23 նոյեմբերին։
Պատրիարքական տեղապահ Տ. Սահակ Եպսկ. Մաշալեան երէկ Գումգաբուի մէջ հիւրընկալեց Արսէն Քովանն ու Արման Պըչաքճըն, որոնք իրեն ներկայացան յանուն Մխիթարեան եւ Սահակեան սանուց միութիւններուն։ Անոնք տեղեկութիւններ փոխանցեցին իրենց ջանքերով կազմակերպուած՝ մօտալուտ «Ծիրան» խորագրեալ համերգին շուրջ։
