Գարակէօզեան Տան խնամակալութեան ատենապետ, յայտնի համայնքային բարերար Տիգրան Կիւլմէզկիլ, որ երէկ երեկոյեան մասնակցեցաւ Տ. Արամ Արք. Աթէշեանի ի նպաստ կազմակերպուած զօրակցութեան հաւաքոյթին, ԺԱՄԱՆԱԿ-ի համար հակիրճ խորհրդածութիւններ ըրաւ պատրիարքական ընտրութեան գործընթացին շուրջ։ Ստորեւ կը ներկայացնենք Տիգրան Կիւլմէզկիլի յայտարարութեան թրքերէն բնագիրը։
Ս. Թարգմանչաց տօնին առթիւ, անցեալ շաբաթավերջին, Արամեան սանուց միութեան կազմակերպութեամբ տեղի ունեցաւ «Հայֆեսթ»ը։ Յետմիջօրէին, փոքր թէ մեծ տարիքէ անհատներ մասնակցեցան սոյն գործունէութեան։ Այնուհետեւ, գծագրութեամբ, ձեռագործով, զանազան խաղերով եւ մանկապատանեկան զանազան աշխատանոցներով տեղի ունեցաւ մշակութային գործունէութիւն։
Թուրքիոյ հայոց 85-րդ պատրիարքի ընտրութեան Նախաձեռնարկ մարմինը երէկ երեկոյեան Գումգաբուի մէջ գումարեց իր հերթական ժողովը։ Այս առաւօտ, Նախաձեռնարկ մարմնի բանբեր իրաւաբան Սարօ Պենկլեան մեզի ամփոփ տեղեկութիւններ փոխանցեց երէկ երեկոյեան տեղի ունեցած նիստին ժամանակ ծաւալուած քննարկումներուն կապակցութեամբ։
Պատրիարքական տեղապահ Տ. Սահակ Եպսկ. Մաշալեան նախագահեց Աթոռանիստ Մայր եկեղեցւոյ կրօնական եւ աշխարհիկ աւանդական արարողութիւններուն:
Պէզճեան Մայր վարժարանի ի նպաստ կազմակերպուած տարեկան սիրոյ սեղանը համախմբեց համայնքային շրջանակները: Դպրոցի սաներուն ելոյթները արժանացան ծափահարութիւններու:
Կրօնական ժողովի ատենապետ Տ. Արամ Արք. Աթէշեան երէկ նախագահեց Պէշիկթաշի Ս. Աստուածածին եկեղեցւոյ կիրակնօրեայ արարողութիւններուն։ Զանազան թաղերէ փութացած հոծ թիւով հաւատացեալներ լեցուցած էին եկեղեցին, ուր ունկնդրեցին նորին սրբազնութեան պատգամին։
Ս. Թարգմանչաց տօնին առթիւ, շաբաթ օր, Պատրիարքական տեղապահ Տ. Սահակ Եպսկ. Մաշալեան նախագահեց Օրթագիւղի Ս. Աստուածածին եկեղեցւոյ արարողութիւններուն։ Նոյն օրը նորին սրբազնութիւնը այցելեց նաեւ երանաշնորհ պատրիարք Տ. Մեսրոպ Արք. Մութաֆեանի շիրիմը։
Ս. Թարգմանչաց տօնին առթիւ, շաբաթ օր, Սամաթիոյ Ս. Գէորգ եկեղեցւոյ մէջ տեղի ունեցան աւանդական արարողութիւններ, որոնց նախագահեց Կրօնական ժողովի ատենապետ Տ. Արամ Արք. Աթէշեան։ Ս. Պատարագը մատոյց Տ. Եղիշէ Վրդ. Ուչքունեան։ Ներկայ էին նաեւ վեղարաւոր հայրեր եւ մեր քահանայից դասէն ներկայացուցիչներ։
Գարակէօզեան Տան խումբ մը սաներ նախընթաց օր այցելեցին Պատրիարքարան։ Վարժարանի 5-7-րդ դասարանի սաներէն բաղկացեալ այս խումբը վերահսկեցին տնօրէնուհի Արուսեակ Մոնէ եւ ուսուցիչներ։
Օրթագիւղի Թարգմանչաց վարժարանի 4-րդ եւ 5-րդ դասարանի սաները երէկ այցելեցին Գուզկունճուքի Ս. Գրիգոր Լուսաւորիչ եկեղեցին։ Սրբոց Թարգմանչաց տօնին առթիւ կազմակերպուած էր այդ ուղեւորութիւնը, որու ընթացքին աշակերտները վերահսկեցին ուսուցչական կազմէն Մուրատ Մարաշ, Պիանքա Պոյաճըօղլու եւ Այլին Թոփուզ։
Թուրքիոյ հայոց 85-րդ պատրիարքի ընտրութեան գործընթացի փուլերը կեանքի կը կոչուին մի առ մի՝ կանոնադրութեան մէջ նախատեսուած ձեւով։ Այսպէս, Պատրիարքական Աթոռը արդէն նամակներ ուղարկած է թեկնածու սրբազաններուն՝ պահանջելով, որ յստակեցնեն իրենց դիրքորոշումը։
