Թրքահայ կեանք

Պէ­յօղ­լուի քա­ղա­քա­պե­տու­թեան նա­խա­ձեռ­նու­թեամբ, ներ­կա­յիս Թաք­սի­մի հրա­պա­րա­կին վրայ կազ­մա­կեր­պուած է փա­ռա­տօն մը, ո­րուն հա­մար նա­խա­տե­սուած է յիս­նօ­րեայ ծրա­գիր մը։ Պէ­յօղ­լուի յիս­նօ­րեայ փա­ռա­տօ­նը թէեւ ա­ռա­ջին ան­գամ կը կազ­մա­կեր­պուի, սա­կայն կ՚ար­ժա­նա­նայ մօ­տիկ հե­տաքրքրու­թեան։ Յայ­տա­գի­րը կ՚ընդգր­կէ շարք մը են­թա­կայ տօ­նա­վա­ճառ­ներ, ո­րոնք կեան­քի կը կո­չուին հեր­թա­կա­նու­թեամբ։

Ե­րէկ, հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Գում­գա­բուի Ս. Աս­տուա­ծա­ծին Ա­թո­ռա­նիստ Մայր ե­կե­ղեց­ւոյ թա­ղա­յին խոր­հուր­դի ա­տե­նա­պետ Հրանդ Մոս­կո­ֆեա­նը, ան­դամ­նե­րէն Նուր­հան Ճէմ­ճէ­մը եւ Պէզ­ճեան Մայր վար­ժա­րա­նի հիմ­նադ­րի ներ­կա­յա­ցու­ցիչ Սե­ւան Կիւ­րիւ­նը։

Թուր­քիոյ Հայ Կա­թո­ղի­կէ Հա­սա­րա­կու­թեան Վի­ճա­կա­ւոր Տ. Լե­ւոն Արք Զէ­քիեան ան­ցեալ Կի­րա­կի Թա­քսի­մի Ս. Յով­հան Ոս­կե­բե­րան ե­կե­ղեց­ւոյ մէջ մա­տոյց Ս. Պա­տա­րագ եւ խօ­սե­ցաւ քա­րոզ մը։ Ս. Պա­տա­րա­գի ըն­թաց­քին Զէ­քիեան Գե­րա­պայ­ծառ ծայ­րա­գոյն վար­դա­պե­տի գա­ւա­զան շնոր­հեց Հայր Վար­դան Գա­զան­ճեա­նին, որ Պէյ­րու­թէն ե­կած ըլ­լա­լով՝ մի­ջո­ցէ մը ի վեր կը պաշ­տօ­նա­վա­րէ քա­ղա­քիս մէջ, Հայ Կա­թո­ղի­կէից  Ար­քե­պիս­կո­պո­սա­րա­նի հո­վա­նա­ւո­րու­թեան ներ­քեւ։

Հրաչ եւ Յակոբ Քըրմըզեան եղբայրները ի յիշատակ իրենց ծնողաց Սկիւտարի գերեզմանատան Ս­. Խաչ թաղամասէն ներս ապահովեցին շքեղ շիրիմի մը կառուցումը:
Արքունի ճարտարապետներու Պալեան գերդաստանի անդամներու նորակերտ դամբարանի պաշտօնական բացման առթիւ հանդիսաւոր արարողութիւն: Պատրիարքական Ընդհանուր Փոխանորդ Տ. Արամ Արք. Աթէշեանի գլխաւորութեամբ կատարուեցաւ հոգեհանգստեան պաշտօն: Ներկայ էին նաեւ Իսթանպուլի գլխաւոր քաղաքապետ Քատիր Թոփպաշ, Մշակոյթի նախարարութեան խորհրդատու Էօմէր Արըսօյ եւ Վաքըֆներու ընդհանուր տնօրէն Ատնան Էրթէմ: Բարերարներուն յանձնուեցաւ օրհնութեան գիր մը՝ Պատրիարքական Աթոռին կողմէ:

Կրօնական Ժողովի Ատենապետ Տ. Սահակ Եպսկ. Մաշալեան երէկ նախագահեց Ս. Յովհաննէս եկեղեցւոյ աւանդական արարողութիւններուն:
Կէտիկփաշայի Զուարթնոց Դպրաց Դաս-երգչախումբին տարեդարձը այս տարի նշուեցաւ արտասովոր խանդավառութեամբ եւ յիշատակներու վերաթարմացմամբ:

Ամ­րան ա­միս­նե­րուն Մեծ կղզիի Ս. Աս­տուա­ծա­ծին Հայ Կա­թո­ղի­կէ ե­կե­ղեց­ւոյ կող­մէ յա­ռաջ տա­րուե­ցան շարք մը աշ­խա­տանք­ներ՝ համախմ­բե­լու հա­մար մա­նուկ­նե­րը։ Կա­թո­ղի­կէ Հա­յոց Վի­ճա­կա­ւոր Տ. Լե­ւոն Արք. Զէ­քիեա­նի օրհ­նու­թեամբ սկսան աշ­խա­տանք­նե­րը, ո­րոնց շրջագ­ծով ար­ժէ­քա­ւոր ա­րուես­տա­գի­տու­հի Նա­թա­լի Դա­ւի­թեա­նի մա­կա­նին ներ­քեւ ստեղ­ծուե­ցաւ ման­կա­պա­տա­նե­կան թա­տե­րա­խումբ մը։

Սկիւ­տա­րի գե­րեզ­մա­նա­տան Ս. Խաչ թա­ղա­մա­սէն ներս վա­ղը տե­ղի պի­տի ու­նե­նայ ար­քու­նի ճար­տա­րա­պե­տաց Պա­լեան գեր­դաս­տա­նի ան­դամ­նե­րուն նո­րա­կերտ յու­շար­ձան-դամ­բա­րա­նին պաշ­տօ­նա­կան բա­ցու­մը։ Այս շի­րի­մը կա­ռու­ցուած է Հրաչ եւ Յա­կոբ Քըր­մը­զեան եղ­բայր­նե­րու բա­րե­րա­րու­թեամբ, ի յի­շա­տակ ի­րենց հո­գե­լոյս ծնո­ղաց՝ Շնոր­հիկ եւ Վահ­րամ Քըր­մը­զեան­նե­րու, ո­րոնք ան­ցեա­լի մէջ ե­ղած են Սկիւ­տա­րի բնա­կիչ­ներ։

Պո­մոն­թիի Մխի­թա­րեան վար­ժա­րա­նին մէջ ե­րէկ ե­րե­կո­յեան հան­դի­սա­ւոր ա­րա­րո­ղու­թիւ­նով մը բա­ցուե­ցաւ Մխի­թար Աբ­բա­հօր ի յի­շա­տակ պատ­րաս­տուած ցու­ցա­տախ­տակ մը, որ զե­տե­ղուե­ցաւ դպրո­ցի շէն­քի մուտ­քը։

Գո­հու­նա­կու­թեամբ վե­րա­հա­սու կ՚ըլ­լանք, թէ Ֆէ­րի­գիւ­ղի Մէ­րա­մէթ­ճեան վար­ժա­րա­նի ա­շա­կեր­տու­հի­նե­րէն Քրիս­տին Ծա­ռուկ վեր­ջերս շատ փայ­լուն յա­ջո­ղու­թիւն մը ար­ձա­նագ­րած է՝ կօ­շիկ­նե­րու գծագր­ման մրցոյ­թի մը մէջ։

Ե­րէկ, Գուզ­կուն­ճու­քի Ս. Գրի­գոր Լու­սա­ւո­րիչ ե­կե­ղեց­ւոյ մէջ մա­տու­ցուե­ցաւ շաբ­թուան հեր­թա­կան Ս. Պա­տա­րա­գը՝ ձե­ռամբ Տ. Շա­հէն Քհնյ. Օ­հա­նեա­նի։ Հա­ւա­տա­ցեալ­նե­րու հոծ բազ­մու­թիւն մը ներ­կայ գտնուե­ցաւ ա­րա­րո­ղու­թեան, ո­րու եր­գե­ցո­ղու­թիւն­նե­րը կա­տա­րուե­ցան Մու­րատ Իչ­լի­նալ­չա­յի ա­ռաջ­նոր­դու­թեամբ։