Լրահոս

ՎՐԱՍՏԱՆԻ ԱՐՏԱՔԻՆ ԳՈՐԾՈՑ ՆԱԽԱՐԱՐ ՃԱՆԵԼԻԾԷ ԵՐԷԿ ԱՅՑԵԼԵՑ ԵՐԵՒԱՆ

Վրաստանի Փոխ-վարչապետ ու արտաքին գործոց նախարար Միխէյիլ Ճանելիծէ երէկ շփումներ ունեցաւ Երեւանի մէջ, ուր հիւրընկալուեցաւ ամենաբարձր մակարդակի վրայ։ Հայաստանի Արտաքին գործոց նախարար Եդուարդ Նալպանտեան ջերմ մթնոլորտի մը մէջ տեսակցեցաւ իր վրացի պաշտօնակցին հետ։

ՍՏԵՂԾԵԼ ԱՆՀՐԱԺԵՇՏ ՄԻՋԱՎԱՅՐ

Հայաստանի Ազգային ժողովի արտաքին յարաբերութիւններու մշտական յանձնաժողովի նախագահ Արմէն Աշոտեան յայտարարեց, որ Լեռնային Ղարաբաղի հակամարտութեան կարգաւորման ուղղութեամբ առարկայական բանակցութիւններու վերսկսման համար նախ պէտք է վերականգնուի բանակցային գործընթացի միջավայրը։

ՆԱԹՕ-Ի ԿՈՂՄԷ ԱՀԱԶԱՆԳ

Հիւսիսային Քորէայի հիւլէական հրթիռներու փորձարկումները կը շարունակեն խորապէս մտահոգութիւն պատճառել միջազգային հանրութեան։ Այս մթնոլորտին մէջ շաբաթավերջին ՆԱԹՕ-ի կողմէ կատարուեցաւ ուշագրաւ յայտարարութիւն մը։ Այսպէս դաշինքի մօտեցումը այն է, որ համաշխարհային մակարդակով պատասխան մը պէտք է տրուի Հիւսիսային Քորէային։

ԽԱՂԱՂՈՒԹԻՒՆ

Ռուսաց պատրիարքին միջնորդութեամբ տեսակցեցան Վեհ. Հայրապետը եւ Ատրպէյճանի շէյխիւլիսլամը:
Ն.Ս.Օ.Տ.Տ. Գարեգին Բ. «Մեր տարածքաշրջանէն ներս այլընտրանք չունի Լեռնային Ղարաբաղի հակամարտութեան կարգաւորումը՝ բացառապէս բանակցութիւններու միջոցաւ։ Այլընտրանք չունի նաեւ Արցախի մեր հաւատաւոր ժողովուրդի ազատ ու անկախ կեանքը։ Իւրաքանչիւր փամփուշտ, որ կ՚արձակուի Աստուծոյ արարածի դէմ, նաեւ Աստուծոյ դէմ է»:

ՀԱՄԱՏԵՂ ՅԱՅՏԱՐԱՐՈՒԹԻՒՆ

Այսօր մենք՝ ատրպէյճանցի եւ հայ ժողովուրդներու հոգեւոր առաջնորդներս, կրկին հանդիպեցանք Մոսկուայի մէջ, Համայն Ռուսիոյ Քիրիլ Պատրիարքի հրաւէրով քննարկելու ղարաբաղեան հակամարտութեան խաղաղ կարգաւորման ուղիները, առանց որոնց հնարաւոր չէ հասնիլ Կովկասէ ներս հաշտութեան եւ անվտանգութեան։

Էջեր