Լրահոս

Ար­դա­րա­տու­թեան նա­խա­րար Պե­քիր Պոզ­տաղ այս ա­ռա­ւօտ յայ­տա­րա­րու­թիւն­նե­րով հան­դէս ե­կաւ TRT-էն։ Այս առ­թիւ ան յայտ­նեց, որ սահ­մա­նադ­րու­թեան բա­րե­փոխ­ման ուղ­ղեալ հան­րա­քուէին հա­մար որ­պէս թուա­կան կը նա­խա­տե­սուի Ապ­րի­լի 16-ը։

Ի­րա­նի Նա­խա­գահ Հա­սան Ռու­հա­նի կը պատ­րաս­տուի այ­ցե­լել Մոս­կուա, ուր պի­տի հիւ­րըն­կա­լուի Ռու­սաս­տա­նի Նա­խա­գահ Վլա­տի­միր Փու­թի­նի կող­մէ։ Կը հա­ղոր­դուի, որ այ­ցե­լու­թիւ­նը նա­խա­տե­սուած է յա­ռա­ջի­կայ Մար­տի վեր­ջա­ւո­րու­թեան։

Հայաստանի կառավարութիւնը զարկ կու տայ երկրի ենթակառուցուածքներու կատարելագործման:
Ճանապարհաշինութեան, հեռահաղորդակցութեան եւ տեղեկատուութեան փորձագիտութիւններու բնագաւառները առաջնահերթ:

Նախկին Խորհրդային Միութեան վերջին ղեկավարին ուշագրաւ յօդուածը՝ Time-ի մէջ:
Միխայիլ Կորպաչովի դիտարկումներով, աշխարհ կարծես թէ կը պատրաստուի պատերազմի մը:

Ռու­սաս­տա­նի Ար­տա­քին գոր­ծոց նա­խա­րար Սէր­կէյ Լաւ­րով յայ­տա­րա­րեց, որ Ուք­րայ­նոյ հա­կա­մար­տու­թեան հար­ցին շուրջ Ա­մե­րի­կա­յի Միա­ցեալ Նա­հանգ­նե­րու Նա­խա­գահ Տա­նըլտ Թրամ­փի տե­սա­կէ­տը ո­րա­կա­պէս տար­բեր է՝ նախ­կին նա­խա­գահ Պա­րաք Օ­պա­մա­յի բաղ­դատ­մամբ։

Օքս­ֆոր­տի հա­մալ­սա­րա­նը կը նա­խա­տե­սէ ի­րա­կա­նաց­նել հայ­կա­կան ձե­ռագ­րե­րու թուայ­նաց­ման ձեռ­նարկ մը։ Վեր­ջերս, Վիեն­նա­յի հա­մալ­սա­րա­նի Պատ­մա­կան եւ ու­սում­նա­սի­րու­թիւն­նե­րու ֆա­քիւլ­թէի Բիւ­զան­դա­կան եւ յու­նա­կան ժա­մա­նա­կա­կից ու­սում­նա­սի­րու­թիւն­նե­րու ամ­պիո­նը կազ­մա­կեր­պեց հա­յա­գի­տա­կան ու­սում­նա­սի­րու­թիւն­նե­րու ձօ­նուած ձեռ­նարկ մը։ «Ար­մէնփ­րէս»ի հա­ղոր­դում­նե­րով, մաս­նա­կից­նե­րու շար­քին էր Վիեն­նա­յի մօտ Հա­յաս­տա­նի դես­պան Ար­ման Կի­րա­կո­սեան։

Րէճէպ Թայյիպ Էրտողան եւ Տանըլտ Թրամփ կէս գիշերին ունեցան հեռախօսազրոյց մը ու կը պատրաստուին Մայիսին հանդիպիլ Պրիւքսելի մէջ:
Թուրքիա եւ Միացեալ Նահանգներ վերահաստատեցին իրենց յանձնառութիւնը՝ ահաբեկչութեան դէմ համատեղ պայքարի ուղղութեամբ: Ամերիկացի ղեկավարը շեշտեց ռազմավարական գործընկերութիւնը: Սուրիոյ տագնապը երկու դաշնակիցներու յարաբերութիւններուն մէջ միշտ առաջնահերթ: Ուաշինկթընի հետ համաձայնութիւն գոյացաւ դէպի Էլ Պապ ու Ռաքքա գործողութիւններու համար: Անգարա վաղը պիտի հիւրընկալէ CIA-ի նախագահ Մայք Փոմփէոն:

Ար­ցա­խի ճա­կա­տին վրայ առ­կայ  լա­րուա­ծու­թիւ­նը վեր­ջին օ­րե­րուն կ՚ա­ւել­նայ հե­տե­ւո­ղա­կա­նօ­րէն։ Ե­րէկ մտա­հո­գիչ նոր ի­րա­դար­ձու­թիւն­ներ տե­ղի ու­նե­ցան՝ Ատր­պէյ­ճա­նի զի­նեալ ու­ժե­րուն կող­մէ հրա­դա­դա­րի հեր­թա­կան խախտ­ման հե­տե­ւան­քով։

Հա­յաս­տա­նի Նա­խա­գահ Սերժ Սարգ­սեան ե­րէկ ըն­դու­նեց Ե­րե­ւա­նի մօտ Թայ­լան­տի նո­րան­շա­նակ դես­պան Քրիանկ­սաք Քի­թի­չայ­սէ­րը, որ յանձ­նեց իր հա­ւա­տար­մա­գի­րը։ Հարկ է նշել, որ Թայ­լան­տի դես­պա­նին նստա­վայ­րը կը գտնուի Մոս­կուա­յի մէջ։

Շուէտի կողմէ խորհրդարանական պատուիրակութիւն մը երէկ շփումներ ունեցաւ Երեւանի մէջ:
ԵՄ-Հայաստան նոր շրջանակային համաձայնութեան շուրջ բանակցութիւններուն ընթացքը հետաքրքրութեան առարկայ: