Լրահոս

Համաշխարհային թատրոնի օրուան առթիւ երէկ արուեստագէտներ պարգեւատրուեցան Երեւանի մէջ:
«Արտաւազդ» 22-րդ տարեկան մրցանակաբաշխութիւնը այս անգամ ձօնուած էր Վահէ Շահվերտեանի յիշատակին:

Երեւանի մէջ վերջերս տեղի ունեցաւ «Միայնակ ընդդէմ ճակատագրի. ֆութպոլային դիւանագիտութեան յետնաբեմը» գիրքին շնորհանդէսը։ Թուրքիա-Հայաստան յարաբերութիւններուն եւ շուրջ 15 տարի առաջուած ֆութպոլային դիւանագիտութեան ձօնուած գիրք մըն է այս մէկը, որու հեղինակն է Սամուէլ Ֆարմանեան։

Երկրագունդի բնակչութիւնը առաւելագոյն մակարդակին պիտի հասնի 2050 թուականին։ Այսպէս, երկրագունդի բնակչութիւնը մինչեւ 2050 թուականը կրնայ հասնիլ 8.6 միլիառի սահմանին, իսկ մինչեւ 2100 թուականը նուազիլ՝ հասնելով 7 միլիառի, եթէ պահպանուին զարգացման ներկայ միտումները:

Երուանդ Ազատեան տասնամեակներ շարունակ անփոխարինելի ծառայութիւն մտուցած էր հայ մամուլին:
Սփիւռքահայ յայտնի ազգային գործիչը շաբաթավերջին Տիթրոյիթի մէջ մահացաւ՝ յետ կարճատեւ հիւանդութեան:

Հակառակ 44-օրեայ պատերազմէն վերջ հաստատուած հրադադարին, Ատրպէյճանի բանակը հրադադարի խախտումները կը շարունակէ Արցախի մէջ։ Շաբաթավերջին Ատրպէյճանի զինեալ ուժերը հերթական անգամ խախտեցին 9 նոյեմբեր 2020 թուականի եռակողմանի հրադադարի յայտարարութիւնով ստանձնուած պարտաւորութիւնները։

«Եւրօ-2024»ի որակաւորման փուլի հանդիպումներուն ծիրէն ներս D խմբակի մրցում Երեւանի մէջ:
Մարմնամարզի եւ երիտասարդութեան նախարար Քասապօղլու եւս հետեւեցաւ հարեւան ազգային հաւաքականներու խաղին:

Սէուտական Արաբիոյ եւ Իրանի միջեւ գոյացած համաձայնութիւնը աստիճանաբար կը պայմանաւորէ նաեւ Մերձաւոր ու Միջին Արեւելքի, ինչպէս նաեւ արաբական աշխարհի իրադրութիւնը։ Թեհրանի եւ Ռիատի միջեւ արդէն յայտարարուած ձիւնահալէն վերջ, ներկայիս գործընթաց մըն ալ կը հասուննայ Ռիատ-Դամասկոս առանցքին վրայ յարաբերութիւններու բնականոնացման ուղղութեամբ։

ՇԱՀԱՆ ԳԱՆՏԱՀԱՐԵԱՆ

Ամերիկայի Միացեալ Նահանգներու արտաքին գործոց նախարարին յայտարարութիւնը, թէ Հայաստանն ու Ատրպէյճանը շուտով կրնան ստորագրել խաղաղութեան համաձայնագիր՝ կ՚ընդգծէ Ուաշինկթընի ներգրաւուածութեան տարողութիւնը: Ուաշինկթըն մինչ այդ յայտարարած էր, որ միջնորդի դեր չ՚ուզեր ստանձնել, որեւէ պարտադրանք չունի կամ փաստաթուղթի նախագիծ չէ մշակած:

Հայաստանի արտաքին գործոց նախարար Արարատ Միրզոյեան յայտարարեց, որ Թուրքիոյ հետ համաձայնութիւն գոյացած է՝ որպէսզի մինչեւ 2023 թուականի զբօսաշրջութեան եղանակին սկիզբը բացուի երկու երկիրներու սահմանը երրորդ երկիրներու քաղաքացիներուն եւ դիւանագիտական անցագրի տէր անձերուն համար։

Երեւանի մէջ այսօր տեղի կ՚ունենայ Թուրքիոյ եւ Հայաստանի ֆութպոլի ազգային հաւաքականներուն միջեւ հանդիպում մը։ Այս մրցումը կը զուգադիպի՝ երկու երկիրներու միջեւ սկիզբ առած յարաբերութիւններու բնականոնացման գործընթացի ժամանակաշրջանին։