Լրահոս

Համաշխարհային հայկական գագաթաժողովը համախմբած է յիսուն երկրէ շուրջ վեց հարիւր մասնակից:
Վարչապետ Նիկոլ Փաշինեան. «Հայաստան-սփիւռք յարաբերութիւնները խոր փոփոխութիւններու կ՚ենթարկուին»:

«India Narrative» կայքէջը ծաւալուն յօդուածով մը անդրադարձաւ Հայաստանի Պաշտպանութեան նախարար Սուրէն Պապիկեանի վերջերս Հնդկաստան կատարած այցելութեան։ Այսպէս, կ՚ակնկալուի, որ պաշտպանութեան ոլորտէ ներս երկու երկիրներու համագործակցութիւնը վերելք արձանագրէ։

Համազգայինի Երեւանի «Սօս Սարգսեան» թատերախումբի խաղացանկը նոր ներկայացմամբ համալրուած:
Դերասանները բեմին վրայ կը պատմեն՝ իրենց կեանքին մէջ պատահած զանազան դէպքեր եւ իրադարձութիւններ:

ԱՆՈՒՇ ԹՐՈՒԱՆՑ

Հայաստանէն բիւր մղոններ հեռու լոյս կը տեսնէ ԺԱՄԱՆԱԿ օրաթերթը, բայց ամենօրեայ ներկայութիւն է հայրենի հողին վրայ: Հայաստանով ապրող, շնչող եւ հայեացքը դէպի մեր չքնաղ հայրենիքը յառած 115-ամեայ թերթը բազում տօնական օրեր ունեցած է նաեւ Հայաստանի մէջ եւ տակաւին պիտի ունենայ…

Հայաստանի վարչապետ Նիկոլ Փաշինեան, Ռուսաստանի նախագահ Վլատիմիր Փութին եւ Ատրպէյճանի նախագահ Իլհամ Ալիեւ հոկտեմբերի 31-ին պիտի տեսակցին Սոչիի մէջ:
«Ի հեճուկս եռակողմանի աշխատանքային խումբին մէջ ձեռք բերուած պայմանաւորուածութիւններուն, Պաքուի կողմէ ինչ-որ միջանցքի մասին յայտարարութիւններ կը կատարուին, Մոսկուայի մէջ ալ կան անհասկնալի մարդիկ, որոնք կը փորձեն այդ պատումը զարգացնել, նախագահին, արտաքին գործոց նախարարին եւ փոխ-վարչապետին կողմէ կատարուած յայտարարութիւններուն, ստորագրուած փաստաթուղթերուն»:
Խորհրդարանի ամպիոնէն. «Անկեղծ պէտք է ըսեմ՝ կը փափաքիմ, որ խաղաղութեան պայմանագիրը ստորագրուի մինչեւ տարեվերջ։ Թշնամանքը եւ ընդհանրապէս իրավիճակը պէտք է կառավարուի»:

Հայաստանի եւ Ատրպէյճանի միջեւ խաղաղութեան հաստատման նպատակով տարուած միջնորդական աշխատանքը այս շրջանին զերծ չի մնար Ռուսաստան-Արեւմուտք մրցակցութենէն։

Հայաստանի Արտաքին գործոց նախարար Արարատ Միրզոյեան, որ այցելեց Վատիկան, երէկ ընդունուեցաւ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապին կողմէ։

Կը տեղեկանանք, որ «Yapı Kredi» հրատարակչութիւնը լոյս ընծայած է «Օսմանեան շրջանին գոհարեղէնն ու հայ ոսկերիչները» գիրքը, որու հեղինակն է Արսէն Եարման։ Երկու հաստափոր հատորներէ բաղկացեալ ծաւալուն ուսումնասիրութեան մը արդիւնքն է այս կոթողային գործը, որու իմաստն ու նշանակութիւնը կը բիւրեղանան ինչպէս բովանդակութեան խորութեամբ, այնպէս ալ տեսանիւթերու ճոխութեամբ ու հարստութեամբ։

Յատուկ ներկայացուցիչներու համաձայնութիւններուն գործադրութեան համար աշխատանք պիտի սկսի:
Թուրքիոյ եւ Հայաստանի պետական մարմիններու պաշտօնատարներ յառաջիկային պիտի տեսակցին սահմանին վրայ:

Հայաստանի Անվտանգութեան խորհուրդի քարտուղար Արմէն Գրիգորեան երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Ճօ Պայտընի յատուկ օգնական Ամանտա Սլոթի հետ, որ միեւնոյն ժամանակ Ազգային անվտանգութեան խորհուրդի Եւրոպայի հարցերով աւագ տնօրէնուհին է։