CRR-ի երդիքին տակ, Հարպիյէ, կիրակի երեկոյեան տեղի ունեցաւ «Թրքական երաժշտութեան մէջ հայ յօրինողներ» խորագրեալ հերթական համերգը։ Երկար տարիներէ ի վեր կը կազմակերպուին նմանաբնոյթ համերգներ, որոնք միշտ ալ կ՚արժանանան հետաքրքրութեան։
Գոհունակութեամբ վերահասու կ՚ըլլանք, թէ Հայաստանի Ազգային գրադարանը վերջերս թուայնացուցած է ԺԱՄԱՆԱԿ օրաթերթի «Քառասնամեայ յիշատակարան»ը։ Այս մէկը 1948 թուականին հրատարակուած էր, թերթիս հիմնադրութեան 40-ամեայ յոբելենական շրջանին՝ բանասէր Թորոս Ազատեանի ծաւալուն ուսումնասիրութեան հիման վրայ։
Անգարայի աղբիւրները՝ Երեւանի հետ յարաբերութիւններու բնականոնացման գործընթացին մասին:
Յառաջիկային օրակարագի վրայ կրնայ գալ Թուրքիոյ եւ Հայաստանի միջեւ ուղիղ առեւտուրի վերսկսման նիւթը:
Թուրքիոյ, Ռուսաստանի եւ Սուրիոյ արտաքին գործոց նախարարներուն միջեւ նախատեսուած հանդիպման հաւանականութիւնը կը շարունակէ օրակարգի վրայ մնալ՝ հնարաւոր ժամկէտներու արծարծումով հանդերձ։ Անգարա-Մոսկուա-Դամասկոս առանցքին վրայ դիւանագիտական երթեւեկը այս շրջանին աշխուժացած է էականօրէն։
Համաշխարհային դրամատունը այս տարուան տեղեկագրին մէջ կը կանխատեսէ բազում դժուարութիւններ:
Երեք մեծ տնտեսութիւններու՝ ԱՄՆ-ի, ԵՄ-ի եւ Չինաստանի պարագային կը նախատեսուի աճի նոյնաժամանակ դանդաղեցում:
Աւելի քան ամիսէ մը ի վեր շրջափակուած Արցախէ ներս մարդասիրական աղէտը տակաւ կը հասնի մտահոգիչ համեմատութիւններու։ Կարմիր խաչի ջանքերով շաբաթավերջին 9 հիւանդ Լեռնային Ղարաբաղէն Հայաստան փոխադրուեցաւ բուժման համար։
Մինչ համաշխարհային օրակարգը ծանրաբեռնուած է կլիմայական աղէտի եւ բնապահպանական մարտահրաւէրներու վերաբերեալ մտահոգիչ խնդիրներով, ՄԱԿ-ի կողմէ հրապարակուած նոր զեկոյցի մը մէջ մատնանշուեցաւ յարաբերաբար դրական լուր մը։ Այսպէս, երկագունդի պաշտպանիչ օզոն շերտը թէեւ դանդաղ, սակայն նկատելի կերպով կը վերականգնուի։
Քաղաքակրթութիւններու խորհրդանշան դարձած աշխարհի մեծ քաղաքները կը բնորոշուին նաեւ իրենց կոթողային շէնքերով։ Պետական կառոյցներ, համալսարաններ, դատարաններ, սակարաններ, վարժարաններ, եւ այլն… Ճիշդ է, որ անոնք կը պայմանաւորեն մարդոց վստահութիւնը հանրային դրութեան նկատմամբ, նաեւ հասարակութեան ընդհանուր համակարգին հանդէպ վերաբերմունքը կը ձեւաւորեն։
Ռամիի պատմական զօրանոցը արդէն ընդարձակ գրադարանի մը վերածուած է՝ ինն տարուան վերանորոգութենէ մը վերջ։ Օսմանեան շրջանի այս հսկայական զօրանոցը այժմ վերածուած է Թուրքիոյ մեծագոյն գրադարանին։
Արդէն ամիսէ մը աւելի պաշարուած Լեռնային Ղարաբաղէն միշտ կը հասնին հրատապ լուրեր, որոնք կը ցոլացնեն մարդասիրական ծանր տագնապի հասած համեմատութիւնները։ Արցախի Պետական նախարար Ռուբէն Վարդանեան երէկ յայտարարեց, որ ուժանիւթի մատակարարման հարցով բարդ իրավիճակ մը ստեղծուած է։
