Թուրքիա-Հայաստան յարաբերութիւններու բնականոնացման գործընթացը կը շարունակուի ընդհանուր առմամբ դրական սպասումներու մթնոլորտով։ Անգարա֊Երեւան յարաբերութիւններու կարգաւորման ուղղութեամբ բանակցութիւններ վարելու համար նշանակուած յատուկ ներկայացուցիչներուն՝ Սերտար Քըլըչի եւ Ռուբէն Ռուբինեանի երկրորդ հանդիպումը այսօր տեղի կ՚ունենայ Վիեննայի մէջ։
Մինչ Թուրքիա-Հայաստան յարաբերութիւններու բնականոնացման գործընթացը կը շարունակէ քաղաքական օրակարգը զբաղեցնել առաջնահերթօրէն, Անգարա աշխատանքները յառաջ կը տանի թրքահայ համայնքային շրջանակները իրադարձութիւններէն տեղեակ պահելով եւ անոնց տրամադրութիւնները շօշափելով։ Անգարա-Երեւան յարաբերութիւններու կարգաւորման բանակցութիւններուն մէջ Թուրքիոյ յատուկ ներկայացուցիչ դեսպան Սերտար Քըլըչ այս ամբողջին մէջ երէկ քաղաքավարական այցելութիւն մը տուաւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանին։
«Հայաստան-Ատրպէյճան հարցերու լուծման կողմանկից են Ռուսաստանն ու անոնց բոլոր հարեւանները»:
Փութին Ալիեւի հետ հանդիպման ընթացքին յայտնեց, որ Լեռնային Ղարաբաղի հիմնախնդրին շուրջ այսօրուան կացութիւնը գոհացուցիչ է: Մոսկուայի եւ Պաքուի միջեւ ստորագրուեցաւ դաշնակցային համագործակցութեան մասին հռչակագիր:
Հայաստանի Անվտանգութեան խորհուրդը երէկ Երեւանի մէջ ժողով մը գումարեց՝ վարչապետ Նիկոլ Փաշինեանի գլխաւորութեամբ։ Բացի խորհուրդի բուն անդամներէն, նիստին մասնակցեցան նաեւ Հանրապետութեան նախագահի ժամանակաւոր պաշտօնակատար Ալէն Սիմոնեան եւ Ազգային ժողովի նախագահի ժամանակաւոր պաշտօնակատար Յակոբ Արշակեան։
Ուքրայնայի տագնապով պայմանաւորուած մտահոգութիւնը հետզհետէ կը խորանայ միջազգային բեմահարթակի վրայ։ Ռուսաստանի կողմէ Տոնեցքի եւ Լուկանսքի ինքնահռչակ հանրապետութիւններու ճանաչումը տակն ու վրայ ըրած է աշխարհը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց՝ պատմական Անի քաղաքի համակիրներէ բաղկացեալ խումբ մը։ Այսպէս, Պատրիարքարան այցելեցին Ալի Կիւրպիւզ Սատըքօղլու, Էրպիլ Հիւրեուրթ, Իհսան Աքքուշ, Օսման Պաշչիֆթճի, Էօզկիւր Տենիզ եւ Իրմա Աբգար։
Փաշինեանի հետ երէկուան հեռախօսազրոյցէն վերջ, Փութին այսօր Մոսկուայի մէջ կը հիւրընկալէ Ալիեւը:
Ռուսաստանի եւ Ատրպէյճանի միջեւ կը ստորագրուի դաշնակցային համագործակցութեան մասին հռչակագիր մը:
Ռուսաստան ճանչցաւ Տոնեցքի եւ Լուկանսքի անկախութիւնը եւ իր բանակը մտաւ Ուքրայնայի տարածք:
Միջազգային հանրութիւնը կ՚ընդդիմանայ սաստկօրէն: Անգարա անընդունելի ու մերժելի կ՚որակէ Մոսկուայի որոշումը:
Հայաստանի «Իմ քայլը» բարեգործական հիմնադրամի գործադիր տնօրէն Մխիթար Հայրապետեան վերջերս աշխատանքային այցելութիւն մը տուաւ Քաթար։ Յիշեալ հիմնադրամի աղբիւրները երէկ Երեւանէն տեղեկացուցին, որ ան հանդիպում մը ունեցած է Քաթարի արքունիքէն շէյխուհի Հինտ Պինթ Համատ Ալ-Թանիի հետ, որ Քաթարի ներկայ էմիրի հարազատ քոյրն է եւ գործադիր տնօրէնուհին՝ Քաթարի հիմնադրամին։
Ամերիկայի Միացեալ Նահանգներու մէջ, Սթենֆրտի համալսարանի հրատարակչութենէն լոյս տեսած է յայտնի պատմաբան Պետրոս Տէր-Մաթոսեանի «Ատանայի արհաւիրքը» գիրքը։ «Էրեբունի» կայքէջի հաղորդումներով, բազմալեզու տասնհինգ արխիւներէ ներս շուրջ տասնամեակ մը տեւած ուսումնասիրութիւններու արդիւնքը կը հանդիսանայ այս հատորը, որ ձօնուած է աւելի քան 22 հազար զոհ խլած 1909-ի Ատանայի ջարդերուն։
