Ատրպէյճանի բանակը, կրակի խտութեան երէկուան յարաբերական թուլացումէն վերջ, այս առաւօտ վերստին սաստկացուց յարձակումները Հայաստանի սահմաններուն դէմ: Նախայարձակ գործողութիւնները, ըստ վերջին լուրերուն, թափով կ՚ընթանան Վերին Շորժայի եւ Ջերմուկի ուղղութեամբ:
Դիւանագիտական որոնումներ. ՄԱԿ-ի Անվտանգութեան խորհուրդը այսօր կը քննարկէ ստեղծուած հրատապ կացութիւնը:
Ատրպէյճանի զօրքերը կէս գիշերին Հայաստանի սահմանի ամբողջ երկայնքով լայնածաւալ յարձակման ձեռնարկեցին. կան նահատակներ, վիրաւորներ, կը թիրախաւորուին նաեւ քաղաքացիական ենթակառուցուածքներ: Վարչապետը երեսփոխաններու հարցումներուն կը պատասխանէ խորհրդարանէն ներս, ուր ներկայ է նաեւ ընդդիմութիւնը:
Ուշ գիշերին տեղի ունեցած Անվտանգութեան խորհուրդի ժողովէն վերջ երեւան դիմեց Մոսկուային, ՄԱԿ-ին եւ ՀԱՊԿ-ին՝ ինքնիշխան տարածքի դէմ ոտնձգութեան ծանր պայմաններուն ներքեւ։ Նիկոլ Փաշինեան հեռախօսազրոյցներ ունեցաւ Վլատիմիր Փութինի, Էմմանիւէլ Մաքրոնի, Շարլ Միշելի եւ Իպրահիմ Ռայիսիի հետ։ Արարատ Միրզոյեան իրադրութիւնը արժեւորեց Սերկէյ Լաւրովի եւ Քերըն Տոնֆրիտի հետ։ Պաշտպանութեան նախարարութիւնը կոչ ուղղած է, որպէսզի ռազմական գործողութիւններու մասին տեսանիւթերը շրջանառութեան մէջ չդրուին եւ հանրութիւնը հետեւի պաշտօնական լրահոսին։
Türkiye Ermeni Vakıflar Birliği (ERVAB) ve Surp Pırgiç Ermeni Hastanesi Yönetim Kurulu Başkanı Bedros Şirinoğlu, JAMANAK'a açıklamalarda bulunarak İçişleri Bakanı Süleyman Soylu ve azınlık cemaatleri temsilcilerinin toplantısını ve sonrasında Ermeni toplumu içinde oluşan ortamı değerlendirdi. Başkan Şirinoğlu'nun açıklamaları şöyle:
Ներքին գործոց նախարար Սոյլու շաբաթավերջին ամբողջ երկու ժամ ծաւալուն խորհրդակցութիւն մը ունեցաւ Թուրքիոյ ոչ-իսլամ փոքրամասնութիւններու հոգեւոր առաջնորդներուն եւ համայնքային վաքըֆներու աշխարհական վարիչներուն հետ՝ խումբ մը բարձրաստիճան դիւանակալներու ներկայութեամբ:
Ամենապատիւ Ս. Պատրիարք Հօր եւ Պետրոս Շիրինօղլուի մասնակցութեամբ առնուած որոշումները ընտրական նոր կանոնադրութեան հրապարակումէն վերջ յառաջացած խնդիրներուն մեծամասնութիւնը կրնան հարթել: Ժողովի ընթացքին գոյացած լայնախարիսխ փոխըմբռնումը կ՚ապահովէ նաեւ թրքահայ կեանքէն ներս յառաջացած տարակուսանքներու յաղթահարումը, նաեւ կրնայ կանխել զարտուղի, ինքնագլուխ նախաձեռնութիւնները: Այժմ կը սպասուի բանաւոր պայմանաւորուածութիւններու գրաւոր պաշտօնական բանաձեւման:
Հայաստանի Արտաքին գործոց նախարար Արարատ Միրզոյեան երէկ ընդունեց ԵԱՀԿ-ի Մինսքեան խմբակի ամերիկացի նորանշանակ համանախագահ, Կովկասի հարցերով Ամերիկայի Միացեալ Նահանգներու պետական քարտուղարի նորանշանակ աւագ խորհրդական Ֆիլիփ Ռիքերը, որ այս օրերուն կ՚իրականացնէ տարածաշրջանային այցելութիւն մը, որու շրջանակներէն ներս շփումներ ունեցաւ Երեւանի մէջ։
Մեներգչուհի Սիպիլ այսօր նոր ստեղծագործութիւնով մը կը ներկայանայ երաժշտական աշխարհին։ Ան թէեւ որպէս պոլսահայ մեներգչուհի սկսաւ իր ճանապարհորդութեան, սակայն, վաղուց արդէն համայն հայութեան կողմէ իւրացուած արժէքի մը վերածուած է, նաեւ միջազգային բեմահարթակի վրայ ուշադրութիւն կը գրաւէ։
Պաքինկըմի պալատէն գոյժ. 96-ամեայ Էլիզապէթ Բ. մահկանացուն կնքեց՝ եօթ տասնամեակ գահակալելէ վերջ:
Յուղարկաւորութիւնը տասն օր վերջ Լոնտոնի մէջ կը ծրագրուի - Անգլիոյ թագաւոր կը դառնայ 73-ամեայ Չարլզ Գ.:
Հայկական բարեգործական ընդհանուր միութեան (ՀԲԸՄ) Կեդրոնական վարչութեան նախագահ Պերճ Սեդրակեան այս օրերուն կ՚այցելէ Լիբանան։ Պէյրութի մէջ ան կ՚ունենայ զանազան շփումներ։
Երեւանի Գրողներու տան մէջ վերջին օրերուն մեծարանքի հանդիսութիւն մը տեղի ունեցաւ՝ ի պատիւ քուէյթահայ հասարակական գործիչ ու բարերար, նաեւ գրող Կիրակոս Գույումճեանի, որ սփիւռքի եզակի դէմքերու շարքին կը դասուի ու կը ջանայ մղիչ ուժ մը ըլլալ՝ Հայաստան-սփիւռք համագործակցութեան խթանման ճանապարհին։
Հայաստանի վարչապետ Նիկոլ Փաշինեան երէկ Ռուսաստանի նախագահ Վլատիմիր Փութինի հետ հանդիպում մը ունեցաւ Վլատիվոսթոքի մէջ, ուր երկու ղեկավարները կը գտնուէին մասնակցելու համար «Բազմաբեւեռ աշխարհի ճանապարհին» նիւթով կազմակերպուած Արեւելեան տնտեսական 7-րդ համաժողովին։
