«Աւրորա» մարդասիրական նախաձեռնութեան կողմէ Վենետիկի մէջ շաբաթավերջին կազմակերպուած ձեռնարկներու շարքի արձագանգները կը շարունակուին։ Այս ամբողջին մէջ առանձնացաւ «Առողջապահական անվտանգութիւն. քորոնաժահրի համավարակի մարդասիրական մարտահրաւէրները» խորագրեալ քննարկումը, որ մաս կազմեց «Aurora Dialogues»ի շարքին։
Լիզպոնի «Գալուստ Կիւլպէնկեան» հիմնարկի Հայկական համայնքներու բաժանմունքը կը շարունակէ հետեւողական գործունէութիւն ծաւալել՝ արեւմտահայերէնի յարատեւութիւնը ապահովելու ու մանաւանդ՝ նոր սերունդի կողմէ անոր իւրացումը խրախուսելու նպատակով։ Հիմնարկի աղբիւրները տեղեկացուցին, որ վերջին շրջանին «Երդիք» առցանց նոր ծրագրի օգտագործումը սկսած է։
Արդի արուեստի հետամուտները այս օրերուն ուշադրութեամբ կը հետեւին «Contemporary Istanbul 2021» մեծ ցուցահանդէսին, որ այս տարի 16-րդ անգամ կազմակերպուած է։ «Tersane İstanbul»ի համալիրէն ներս կազմակերպուած ձեռնարկին մասնակցութիւն կը բերեն նաեւ հայազգի արուեստագէտներ։
Վենետիկի մէջ շաբաթավերջին պաշտօնապէս յանձնուեցաւ 2021 թուականի «Աւրորա» մրցանակը։ Սա տարեկան այս մրցանակի 6-րդն էր։
Հայաստանի վարչապետ Նիկոլ Փաշինեան շաբաթավերջին հիւրընկալեց Վրաստանի վարչապետ Իրակլի Ղարիպաշվիլին, որ աշխատանքային այցելութիւն մը տուաւ Երեւան։ Երկու վարչապետները քննարկեցին Հայաստան-Վրաստան համագործակցութեան օրակարգն ու հեռանկարները։
ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Հռոմէն.-
Աւարտելով իր քառօրեայ ուղեւորութեան ծրագիրը, Ամենայն Հայոց Տ.Տ. Գարեգին Բ. Կաթողիկոսը երէկ կէսօրուան ժամերուն հրաժեշտ առաւ Հռոմէն, ուր ունեցած շփումներուն ընթացքին իրեն ընկերացած էր նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Ինչպէս հաղորդած էինք, այցելութեան վերջին օրը Վեհափառ Հայրապետը հանդիպում մը ունեցաւ Վատիկանի Արեւելեան եկեղեցիներու քահանայապետական խորհուրդի նախագահ Կարտինալ Լէոնարտօ Սանտրիի հետ։
«Բարիդրացիութիւն, տարածքային ամբողջականութիւն, ասոնք շատ լաւ խօսքեր են։ Ի՞նչ կը նշանակէ «դրական ազդակ»՝ Անգարայի տեսանկիւնէն եւ Երեւանի տեսանկիւնէն։ Չեմ կարծեր, թէ այդ տեսանկիւնները այսօր ստեղծուած իրավիճակին կը համընկնին։ Լաւ է, որ խաղաղութեան մասին կը խօսուի, լաւ է, որ բանակցային գործընթացի մը սկսելու ակնարկներ կան, սակայն, պէտք է զգոյշ վերաբերիլ։ Խաղաղութիւնը միշտ ողջունելի բան է, բայց պէտք է հասկնալ, թէ ի՛նչ գին կը վճարես անոր համար»:
Դեսպան Դաւիթ Յովհաննիսեան. «Թուրքիոյ համար երրորդական նշանակութիւն ունին Հայաստանի հետ յարաբերութիւնները։ Հայ-թրքական յարաբարութիւնները Թուրքիոյ եւ Ամերիկայի Միացեալ Նահանգներու, Թուրքիոյ եւ Ռուսաստանի միջեւ յարաբերութիւններ են։ Թուրքիոյ կողմէ դրական ազդակներ կ՚ըլլան, եթէ Հայաստան համաձայն գտնուի միջանցքին: Դրական ազդակներ կ՚ըլլան, եթէ Հայաստան ընդունի Ատրպէյճանի առաջարկած խաղաղութեան պայմանագրի նախագիծը: Արդեօք Հայաստան կրնա՞յ համաձայնիլ այդ բանին: Արդեօք այն ուժերը, որոնք շահագրգռուած են տարածքաշրջանի իրավիճակով, կրնա՞ն համաձայնիլ, որ նման պայմաններու համաձայնի Հայաստան: Պատերազմին ո՛վ ինչի հասաւ, Թուրքիա իսկապէս շահած է»:
Լուտվիկ վան Պեթհովենի 10-րդ սիմֆոնին աւարտին հասած է հանճարեղ յօրինողի մահէն 194 տարի վերջ։ «Daily Mail»ի հաղորդմամբ՝ ստեղծագործութիւնը աւարտին հասցուած է արհեստական բանականութեան օգնութեամբ:
ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Հռոմէն.-
«Մենք կու գանք երկրէ մը, ուր Ամենակալի նախախնամութեան ձեռքով պատմութեան ընթացքին ամէն քարի տակ ու աւազահատիկի մէջ խտացած է քրիստոնէական վկայութիւնը»:
Համաքրիստոնէական քարոզիչ:
Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսը Սրբազան Պապին եւ Տիեզերական Պատրիարքին հետ նախագահեց էքիւմենիք արարողութեան, որու ընթացքին խօսք ուղղեց հաւատացեալներու հոծ բազմութեան: Վեհափառ Հայրապետը Սուրբ Գիրքէն մէջբերումներ ըրաւ հայերէնով:
Հռոմի պատմական «Քոլոսէում»ին շուրջ Սուրբ Էճիտիօ համայնքին կսղմէ կազմակերպուած միջեկեղեցական աղօթքին եւ յաջորդած միջկրօնական հաւաքին ներկայ էր նաեւ Գերմանիոյ վարչապետ Անկելա Մերքել: Արձակման փուլին հոգեւոր պետերը սիրոյ ողջոյն փոխանցեցին մանուկներու հետ:
«Խաչի ճանապարհով անցնելու տէրունաւանդ փորձառութեան վրայ խարսխուած է խաղաղութիւնը, որ Աստուծոյ հետ հաշտութիւնն է՝ հաճութեան եւ համերաշխութեան մարդկային կեանքի մէջ հաստատումով»:
Հայաստանեայց Առաքելական Եկեղեցին ամբողջ կշիռը ի գործ կը դնէ՝ միջազգային հաւաքականութեան եւ համաքրիստոնէական ընտանիքին ուշադրութիւնը հրաւիրելու համար՝ յետպատերազմեան շրջանին Հայաստանի եւ Արցախի կողմէ դիմագրաւուած ծանր մարտահրաւէրներուն վրայ, գերիներու ազատ արձակումով հանդերձ:
Ամենայն Հայոց Վեհափառ հայրապետը ծաւալուն ելոյթով մը հանդէս եկաւ Հռոմի «Լա Նուվոլա» համագումարներու կեդրոնի երդիքին տակ, Սուրբ Էճիտիօ համայնքին կողմէ կազմակերպուած «Ժողովուրդները՝ որպէս եղբայր, ապագայ երկրագունդը. կրօններն ու մշակոյթները երկխօսութեան մէջ» հաւաքի շրջանակներէն ներս:
«Աշխարհի վրայ շատեր ամէն օր կ՚ենթարկուին տիրապետելու մոլուցքէն, անարդարութենէ ծագած բռնութեան զանազան դրսեւորումներու, որոնք կը ստեղծեն՝ ատելութեան ծնունդ տուող հոգեւոր ամայութիւն»:
