Հարթակ

Ս. ԳՐԻԳՈՐ ՏԱԹԵՒԱՑԻ՝ ՏԻՐՈՋ ԹԱՂՄԱՆ ՄԱՍԻՆ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սուրբ վարդապետները կ՚ըսեն. «Քրիստոս եկաւ եւ Խաչի վրայ մեր մեղքերը վերցուց՝ որպէսզի մենք Անոր արդարութեամբ ապրինք. Ան որ կը մեռնէր, փոքր չէր, այլ մարմին առած Աստուած էր»։ Ո՛չ թէ մեղաւորներու մեղքը այնչափ էր, որչափ Անոր արդարութիւնը՝ որ մեզ արդարացուց եւ եկաւ Իր Հոգին դնելու մեզի համար եւ երբ կամեցաւ դարձեալ վերցուց այնտեղէն, այլ Տիրոջ թաղման մասին մարգարէները նախապէս գուշակեցին, նախ այն՝ որ կ՚ըսէ. «Եւ Աստուած իր բոլոր գործերը եօթներորդ օրը լմնցուց եւ եօթներորդ օրը հանգստացաւ իր բոլոր գործերէն». (ԾՆՆԴ. Բ 2)։

ԱԿՆԱՐԿ - 113 - ԱՒԱԳ ՀԻՆԳՇԱԲԹԻ ԵՒ ԽՐԱՏ ՍԻՐՈՅ ՄԱՍԻՆ

Պատրաստեց եւ արեւմտահայերէնի վերածնեց՝ ՎԱՐԱՆԴ ՔՈՐԹՄՈՍԵԱՆ

Այսօր մեր սիրելի ընթերցողներուն պիտի ներկայացնենք, նախ՝ թերթիս սիւնակագիրներէն՝ Արժ. Տ. Մաշտոց Քահանայ Գալփաքճեանի Աւագ հինգշաբթի օրուան մասին կատարած նկարագրութիւնը, ապա՝ երանելի Յովհաննէս Պլուզ Վարդապետին սիրոյ մասին գրած խրատը, որ իւրաքանչիւր տարի, Աւագ հինգշաբթի օրը, Ոտնլուայի արարողութեան ընթացքին մեր Սուրբ Եկեղեցւոյ խորաններէն կ՚ընթերցուի։

ՔՈՄՖՈՐԹԱՅԻՆ ԳՕՏԻ

ՍԵՒԱՆ ՍԵՄԷՐՃԵԱՆ

Ձեզ թող չվրդովեցնէ «քոմֆորթային» բառը. 
Թարգմանելը դժուար չէր, չթարգմանլելը՝ անհրաժեշտ։ 
Սովորութիւնս չէ լրատուական միջոցներուն վրայ որեւէ անձնաւորութեան ի մի բերած խօսքերը բառացիօրէն մէջբերել ու արծարծել. մինչ հիմա առաւելագոյնը՝ ըսուածը յիշած ու ընկալողին ձգած եմ մնացածը…

ՄՏԱԴՐՈՒԹԻՒՆՆԵՐ, ՎԱՐՔԵՐ ԵՒ ԺԱՄԱՆԱԿԻ ԵՐԵՒՈՅԹԸ

ՊԻԱՆՔԱ ՍԱՐԸԱՍԼԱՆ

Գիտե՞նք արդեօք, թէ մեզ ի՛նչ կ՚ուրախացնէ եւ ի՛նչ կը տխրեցնէ։ Ի՞նչ յուզական վիճակներու ծանօթ ենք: Կրնա՞նք զայրանալ մէկու մը, որ չենք ճանչնար։ Ինչո՞ւ մեր նոր հանդիպած մարդու մը սովորական թուացող պահուածքը մեզ կ՚անհանգստացնէ:

ՀԱՆԴԻՊՈՒՄԸ… ԵՒ…

ԳԷՈՐԳ ՊԵՏԻԿԵԱՆ

Մարտի վերջին երեքշաբթի առաւօտն էր, երբ ճշդուած ժամուն, միտքս լեցուած անօրինակ կարօտով, հայկական այդ դպրոցը գացի: Կ՚երթայի յատուկ հրաւէրով մը, հանդիպելու վարժարանի երկրորդականի բարձրագոյն երկու կարգերու երկսեռ աշակերտներուն հետ:

ԱԿՆԱՐԿ - 112 - ԼՈՒՌ ԿԱՄ ՅՈՒԶԱԿԱՆ ԱՄՈՒՍՆԱԼՈՒԾՈՒԹԻՒՆ

Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Վերջին մէկ-երկու տասնամեակներուն ամուսնալուծութիւնը կարծէք սովորական երեւոյթի մը վերածուած է, որովհետեւ ամուսնութիւնը երկու կողմերուն իրերհասկացողութենէն աւելի երկու կողմերու միջեւ կնքուած պայմանագիրի մը վերածուած է, որ շատ յաճախ տարբեր չէ աշխատանքային որեւէ մէկ պայմանագիրէ:

ՀԱՆԴԷՍԸ

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Իմ խեղճ եւ աշխատասէր եղբայրներ.
Ներեցէ՛ք ինծի, որովհետեւ այս կեանքին մէջ երկու ժամ անտեսեցի ձեզ, այն ալ երբ տկարացայ եւ արձակուեցայ ձեր նկատմամբ անցեալին ունեցած իմ բոլոր պարտաւորութիւններէս եւ ընդունեցի զբօսաշրջութեան նախարարին հրաւէրը, ներկայ գտնուելու «ալ-Մերիտեան» պանդոկէն ներս իր կազմակերպած ընթրիքին:

ՀԱՐՑՈՒՄՆԵՐՈՒ ՊԱՏԱՍԽԱՆՆԵՐ ԱՌԱԿԱՑ ԳԻՐՔԷՆ ԵՒ ԲԱՑԱՏՐՈՒԹԻՒՆՆԵՐ

ՎԱՐԱՆԴ ՔՈՐԹՄՈՍԵԱՆ

Հարցում. Նկատելի է, որ երբ աղքատ մը պայմաններու կամ պարագաներու բերումով հարստութեան տիրանայ, կամ դիրքի ու պաշտօնի բարձրանայ, կը մոռնայ իր անցեալը, իր աղքատութիւնը, իր կրած նեղութիւնները, եւ կը սկսի դաժան կերպով վարուիլ աղքատներուն հետ:

Էջեր