Արխիւ

Երէկ երեկոյեան Գարակէօզեան Տան Գնալը կղզիի Կազդուրման կայանի տնօրէնութեան նախաձեռնութեամբ կազմակերպուած մարզական փառատօնը առիթ հանդիսացաւ աննախընթաց խանդավառութեան։ Այս ծրագիրը ձօնուած է երանաշնորհ պատրիարք Տ. Մեսրոպ Արք. Մութաֆեանի յիշատակին։ Կազդուրման կայանը վերջին տարիներուն մեր համայնքի նոր սերունդին արձակուրդ ապահովելու առընթեր, Գնալը կղզիի մէջ ընկերամշակութային շարժումներու ծնունդ կու տայ, ինչ որ ունի կարեւոր նշանակութիւն։

Թուրքիոյ հայոց 85-րդ պատրիարքի ընտրութեան Նախաձեռնարկ մարմինը Գումգաբուի մէջ գումարեց իր անդրանիկ նիստը՝ նախագահութեամբ Տ. Սահակ Եպսկ. Մաշալեանի:
Դիւանը կազմուեցաւ գլխաւորութեամբ Խոսրով Քէօլէդաւիթօղլուի: Պատկան իշխանութիւնները կ՚իրազեկուին հերթական անգամ՝ մինչ գործընթացի շարունակութեան այլեւս կ՚ակնկալուին աւելի գործնական քայլեր։
Առաջին ժողովի լոյսին տակ յայտնի կը դառնայ, որ հսկայական աշխատանք մը պէտք է կատարուի եկեղեցիներու ընտրացուցակներու այժմէականացման ու կատարելագործման համար։

ՅԱԿՈԲ ՊԱԼԵԱՆ

Ֆրանսացի ուսուցիչ եւ գրող Ժան-Փոլ Պրիկելի ահազանգ կը հնչեցնէ ֆրանսերէնի նահանջի եւ ձեւազեղծման ի տես: Իր յօդուածին խորագիրն է. «Պաշտօնական լեզուն ֆրանսերէնն է, ոչ կլուպի-պուլկան»: Եթէ ֆրանսացին կ՚ահազանգէ, ի՞նչ պէտք է մտածէ եւ ընէ հայը, Հայաստան եւ սփիւռք(ներ), երբ օտար բառերով խճողել հայերէնը կամ օտար լեզուով խօսիլ եւ գրել յառաջդիմութիւն կը համարուին, այսինքն՝ դասակարգ կը փոխենք, կ՚ըլլանք բանգէտ եւ ազնուական, կը ծալենք եւ կը նստինք վրան մեր ինքնութիւն-հարազատութեան:

Տեսակցեցաւ՝ ԱՆՈՒՇ ԹՐՈՒԱՆՑ

Շաբաթավերջին տեղի ունեցաւ համահայկական իրադարձութիւն մը. Երեւանի մէջ բացուեցաւ երկար սպասուած Լուսանկարչութեան թանգարանը, որ կը կրէ 20-րդ դարուն Հայաստանի մէջ գործած նշանաւոր նկարիչ Անդրանիկ Քոչարի անունը: Թէեւ այս նախաձեռնութիւնը համահայկական բնոյթ ունի, սակայն անհատական ջանքերով մէջտեղ եկած է: Անդրանիկ Քոչարի որդին՝ արուեստագէտ Վահան Քոչար, երկար տարիներու աշխատանքի հետեւանքով իրականացուցած է նախ իր հօրը, ապա իր փափաքը՝ ունենալ թանգարան մը, որուն մէջ կը ցուցադրուին աշխարհի տարածքին ապրած եւ ստեղծագործած հայ նշանաւոր լուսանկարիչներուն գործերը:

«Ստեղծարար Հայաստան»ը («Creative Armenia») եւ Հայ բարեգործական ընդհանուր միութիւնը (ՀԲԸՄ) սիրով կը յայտարարեն 2020-ի «Creative Armenia-AGBU Fellowship»երու մեկնարկը՝ մէկամեայ ծրագիր, որ ստեղծուած է նպաստելու աշխարհի նորարար հայ արուեստագէտներուն: Նիւթական եւ խորհրդատուական ամբողջական փաթեթ տրամադրող այս ծրագիրը նորարար արուեստագէտներուն ստեղծագործական վերելքի հասնելու հնարաւորութիւն կ՚ընձեռէ:

Սուրիոյ գծով Ամերիկայի Միացեալ Նահանգներու յատուկ ներկայացուցիչ Ճէյմս Ճեֆրի երէկ շփումներ ունեցաւ մայրաքաղաք Անգարայի մէջ, ուր հիւրընկալուեցաւ ամենաբարձր մակարդակի վրայ։
«Անատոլու» գործակալութեան հաղորդումներով, ամերիկացի բարձրաստիճան պաշտօնատարին կողմէ գլխաւորուած պատուիրակութիւնը այցելեց Արտաքին գործոց նախարարութիւն։

Համայնքային եւ եկեղեցական մարմիններու ատենապետներու մասնակցութեամբ 17 յուլիս 2019, չորեքշաբթի, Պատրիարքարանի դահլիճին մէջ կայացած հաւաքոյթին կազմուած Պատրիարքական ընտրութեան նախաձեռնարկ մարմինը իր անդրանիկ նիստը գումարեց 22 յուլիս 2019, երկուշաբթի, ժամը 17.00-ին՝ նախագահութեամբ Պատրիարքական տեղապահ Բարձր. Տ. Սահակ Եպիսկոպոս Մաշալեանի։

ՍԱԳՕ ԱՐԵԱՆ

Այս օրերուն Հայաստանէ ներս հանրայնացուած հիմնական խնդիրները անմիջական կապ ունի բնութեան մէջ երեւելի դարձած բազում հիմնահարցերու հետ։ 

«Ռենքօ» իտալական ընկերութիւնը ամենամեծ ներդրումը կը կատարէ Հայաստանի շուկայէն ներս:
Արտադրուելիք հզօրութիւնը ուժանիւթի համակարգէն ներս պիտի օգտագործուի նաեւ տարածքաշրջանային ծրագրերու համար: