Արխիւ

Նոպէլեան մրցանակի դափնեկիր երկու գիտնականներուն շնորհուեցաւ պատուակալ տոքթորի կոչում: Պեն Ֆերինկա եւ Ֆրէյզըր Սթոտտարթ այցելեցին Երեւանի «Մխիթար Հերացի» պետական բժշկական համալսարան:

Վճռաբեկ ատեանի 8-րդ բաժանմունքը ուշագրաւ վճիռ մը արձակեց Թուրքիոյ կրթական կեանքին տեսակէտէ։ Ինչպէս ծանօթ է, 2013 թուականին կառավարութեան որոշումով դադրեցուած էր դպրոցներէ ներս ամէն առաւօտ աշակերտական երդում կատարելու ստիպողութիւնը։

Հայաստանեայց Առաքելական եւ Հռոմէական Կաթոլիկ քոյր եկեղեցիներու հովուապետները եղբայրաբար ողջագուրուեցան՝ փոխադարձ զօրակցութեան տրամադրութեամբ: Վատիկանի մէջ էքիւմենիք նշանակութեամբ տեսակցութիւն: Տ.Տ. Գարեգին Բ. Ամենայն Հայոց Կաթողիկոսը ջերմօրէն հիւրընկալուեցաւ Ֆրանսիսքոս Ա. Սրբազան Քահանայապետին կողմէ: Առաքելական պալատէն ներս փոխանակուեցան յուշանուէրներ:

Պէզճեան Մայր վարժարանի երդիքին տակ Թարգմանչաց տօնին առթիւ տեղի ունեցաւ հանդէս մը։ Տնօրէնուհի Թալին Նայիր ելոյթ մը ունենալով աշակերտներուն հերթական անգամ յիշեցուց հայ տառերու, լեզուի եւ մշակոյթի կենսական նշանակութիւնը։

Ամենայն Հայոց Վեհափառ Հայրապետը այսօր Վատիկանի մէջ կը տեսակցի Սրբազան Պապին հետ:
Նորին Սրբութիւնը երէկ երեկոյեան Հռոմի Սուրբ Վլաս եկեղեցւոյ մէջ մէկտեղուեցաւ տեղւոյն հայութեան հետ:

Այս տարի եւս Գատըգիւղի ընտանիքը, Ս. Թագաւոր եկեղեցւոյ քարոզիչ Տ. Յարութիւն Աբեղայ Տամատեանի եւ երէց Տ. Գրիգոր Ա. Քհնյ. Տամատեանի առաջնորդութեամբ, առիթն ունեցաւ մէկտեղուելու Ս. Թարգմանչաց Վարդապետաց տօնակատարութեան խորհուրդին շուրջ։ Թաղի Ս. Թագաւոր եկեղեցւոյ հովանաւորութեամբ կատարուած հանդիսութիւններով թէ՛ կրտսեր եւ թէ երէց սերունդի անդամներ հաղորդ դարձան Մշակոյթի շաբթուան փոխանցած պատգամին։

Գրեց՝ ԱՐԵՒԻԿ ՊԱՊԱՅԵԱՆ

Ա­շուն է. թա­խիծ…
Աշ­նան ա­միս­նե­րէն հոկ­տեմ­բե­րը՝ այս տա­րի  կար­ծես ո­րո­շած է հա­յու­թեան հետ դա­ժան խաղ խա­ղալ։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Ամէն գիտակից եւ խոհեմ մարդ կը սարսափի պարտքէն. ասիկա բնական է եւ հասկնալի՛, քանի որ պատքը բեռ մըն է մարդուն ուսերուն վրայ՝ որքան նիւթական, նո՛յնքան եւ աւելի՝ բարոյակա՛ն։ Արդարեւ, կեանքի պայքարը աւելի եւս կը դժուարանայ, երբ ուսերուն վրայ բեռը ծանրանայ, ճնշէ եւ անտանելի դարձնէ կեանքը, եւ հետզհետէ սպառի մարդուն դիմադրելու եւ տոկալու ուժը։

Ռուսաստանի նախագահ Վլատիմիր Փութին երէկ Մոսկուայի մէջ հիւրընկալեց Ամերիկայի Միացեալ Նահանգներու Ազգային անվտանգութեան խորհրդական Ճոն Պոլթընը։ Միջազգային աղբիւրներու հաղորդումներով, Փութինի եւ Պոլթընի զրոյցը անցաւ որոշ չափով լարուած մթնոլորտի մը մէջ։