Արխիւ

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց պուլկարահայ խումբ մը ուխտաւորներ՝ գլխաւորութեամբ Պուլկարիոյ Փազարճըք քաղաքի Ս. Ստեփանոս եկեղեցւոյ վարչութեան ատենապետ Նշան Պզտիկեանի։

Գոհունակութեամբ վերահասու կ՚ըլլանք, թէ Հայաստանի մէջ ճատրակի գծով ուշագրաւ վերելք մը կ՚արձանագրէ Յովակ Քորթմոսեան։ Խոստմնալից այս պատանին թերթիս սիւնակագիրներէն Վարանդ Քորթմոսեանի որդին է՝ իբր այդ ԺԱՄԱՆԱԿ-ի ընտանիքի հարազատներէն։

Հայաստանի հեղեղներու պատճառով կառավարութիւնը կ՚ակնկալէ միջազգային աջակցութիւն:
Նախարար Գնել Սանոսեան. «Ենթակառուցուածքներու պարագային այլեւս գոյութիւն չունին խոշոր վնասներ»:

Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Հնդկաստանի վարչապետ Նարենտրա Մոտիի հետ։ Այս վերջնոյն կողմէ գլխաւորուած Ազգային ժողովրդավարական դաշինքը Հնդկաստանի վերջին խորհրդարանական ընտրութիւններէն յաղթական դուրս եկած է եւ այս կապակցութեամբ Փաշինեան շնորհաւորեց իր պաշտօնակիցը։

ՊԻԱՆՔԱ ՍԱՐԸԱՍԼԱՆ

Փիլիսոփայութեան պատմութեան մէջ կան մտածողներ, ըստ որոնց մարդկութիւնը ոստումներ կը կատարէ եւ սրընթաց կը զարգանայ օր ըստ օրէ։ Նման փիլիսոփաներ իրենց յաջորդելիքներու առջեւ նոր հորիզոններ, ուղիներ կը բանան, սահմանները անդրանցնելու ձեւեր կ՚առաջարկեն եւ կը խրախուսեն, կը ներշնչեն մտածելու համար։

ՀՐԱՅՐ ՏԱՂԼԵԱՆ

Կան անուններ, որոնք ողջ հայ ազգի պատմութեան ընթացքին պիտի յիշուին. գրեթէ ամէ՛ն սերունդ պիտի խօսի ու անմահ պահէ անոնց յիշատակը, սակայն անդին շատ մը ուրիշներ դաւաճան ճակատագիրի զոհը դառնալով պիտի մոռցուին. օրինակի համար, յառաջիկայ մի քանի տասնեակ սերունդները պիտի շարունակեն յիշել Կոմիտասը, Վահրամ Փափազեանը, Արամ Խաչատուրեանը, Իսահակեանն ու Ահարոնեանը եւ ուրիշներ, սակայն շատ ուրիշներ պիտի տրուին մոռացութեան:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մասնակցեցաւ Շուէտի ազգային տօնին առթիւ քաղաքիս մէջ կազմակերպուած պաշտօնական ընդունելութեան, որ տեղի ունեցաւ մասնակցութեամբ՝ հոգեւոր առաջնորդներու, դիւանագէտներու, գործարարներու, մտաւորականներու, հասարակական գործիչներու եւ հիւրերու։

Երէկ, հաճոյքն ունեցանք խմբագրատանս մէջ հիւրընկալելու Եշիլգիւղի ընտանիքին կողմէ ներկայացուցիչներ։ Հարկ է նշել, որ այս շաբաթավերջին թաղի Սահակ-Մեսրոպ դպրաց դաս-երգչախումբի 111-րդ տարեդարձին առթիւ կրօնական եւ աշխարհիկ արարողութիւններ նախատեսուած են։

Ատրպէյճանի արտաքին գործոց նախարար Ճէյհուն Պայրամով յայտարարեց, որ Հայաստանի հետ ենթադրեալ խաղաղութեան համաձայնագրի նախագիծին մէջ առկայ չլուծուած հարցերու թիւը նուազած է։