Արխիւ

Սուրիոյ շաբաթավերջի իրադարձութիւնները առիթ հանդիսացան, որպէսզի միջազգային բեմահարթակի վրայ ուշադրութիւնը վերստին թեքուի Թուրքիոյ վրայ։ Անգարայի ղեկավարութիւնը երկար ժամանակէ ի վեր անդրդուելի քաղաքականութիւն մը կը վարէր Դամասկոսի պարագային։

ՍԱԳՕ ԱՐԵԱՆ

Վերջին ամիսներու իրադարձութիւնները՝ յղի ապագայի վերաբերեալ մտահոգիչ հաւանականութիւններու:
Պէյրութի հայաբնակ թաղամասերուն բաժին վիճակած ռիսքերը կ՚ուրուագծեն այնպիսի հորիզոններ, որոնք կը պայմանաւորուին՝ բոլորին տեսակէտէ մաշեցուցիչ առկայ սպասողական վիճակի եւ նուրբ քաղաքական իրադրութեան պայմաններով:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Անգարայի մօտ Եւրոմիութեան առաքելութեան նորանշանակ ղեկավար դեսպան Թոմաս Հանս Օսսոուսկիի այցելութիւնը։

​Հայաստանի պաշտպանութեան նախարար Սուրէն Պապիկեան նախընթաց օր Ուաշինկթընի մէջ հանդիպում մը ունեցաւ Ամերիկայի Միացեալ Նահանգներու պաշտպանութեան նախարար Լոյտ Օսթինի հետ։ Փենթակոնէ ներս տեղի ունեցաւ հանդիպումը, որու ընթացքին Սուրէն Պապիկեան մանրամասնութիւններ ներկայացուց Հայաստանի բանակէն ներս ձեռնարկուած բարեփոխումներուն վերաբերեալ։

Մինչ Սուրիոյ մէջ բուռն իրադարձութիւնները կը շարունակուին, Թուրքիա-Ռուսաստան-Իրան առանցքին վրայ ալ շփումները կը խտանան։ Արտաքին գործոց նախարար Հաքան Ֆիտան այսօր Տոհայի մէջ կը մէկտեղուի Ռուսաստանի արտաքին գործոց նախարար Սերկէյ Լաւրովի եւ Իրանի արտաքին գործոց նախարար Ապպաս Արաղչիի հետ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Արդարը արմաւենիի պէս պիտի ծաղկի, Լիբանանի եղեւինի պէս պիտի մեծնայ։ Տէրոջը տանը մէջ տնկուածները մեր Աստուծոյն սրահներուն մէջ պիտի ծաղկին, ծերութեան ատեն ալ պտուղ պիտի տան, պարարտ եւ կանանչ պիտի մնան, որպէսզի պատմեն թէ Տէրը ուղիղ է։ Անիկա իմ Վէմս է եւ անիրաւութիւն չկա՛յ Անոր քով»։

ՏԻԳՐԱՆ ԳԱԲՈՅԵԱՆ

Կանաչ լուացումը կեղծ տպաւորութիւն կամ ապակողմնորոշիչ տեղեկատուութիւն փոխանցելու գործընթաց մըն է այն մասին, թէ ինչպէ՞ս շրջակայ միջավայրին եւ բնապահպանութեան համար անվտանգ կրնան ըլլալ՝ ընկերութեան մը կամ երկրի արտադրանքները:

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Գերմանիոյ նորանշանակ դեսպան Քլաուտիա Պուշը։ Վեհափառ Հայրապետը դեսպանը շնորհաւորեց նշանակման կապակցութեամբ եւ բարեյաջող առաքելութիւն մաղթեց՝ ի նպաստ երկու ժողովուրդներու կապերու առաւել զօրացման։

ԳԷՈՐԳ ՊԵՏԻԿԵԱՆ

Դարձեալ Տիթրոյիթ եմ. սակայն ո՛չ ամէն անգամուայ նման, այլ՝ իբրեւ սգաւոր: Եկած եմ յարգանքի վերջին տուրք-բաժինս տալու ինձմէ տարիքով քիչ մը աւելի փոքր եղբօրս՝ Երուանդին: Եկած էի հրաժեշտ տալու այն հարազատիս, որ լաւ ճանչցած էր ժամանակի ողբերգանական ահազանգը: