Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սուրբ Մեսրոպ Մաշտոց իրեն մեծագոյ նպատակը դարձուցած էր դպրոցներու հաստատումով՝ «Ճշմարտութիւն»ը եւ «Լոյս»ը նոր սերունդին հասցնելու պարտականութիւնը։

ՍԱԳՕ ԱՐԵԱՆ

22-24 հոկտեմբերին Քազանի մէջ նախատեսուած գագաթաժողովը միջազգային հետաքրքրութեան առարկայ:
BRICS-ը կը համախմբէ երկիրներ, որոնք կրնան պայմանաւորել հրատապ օրակարգի խնդիրները՝ բոլոր բարդ ծալքերով:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սրբոց Թարգմանչաց գործունէութիւնը իր ազդեցութիւնը ցոյց տուած է Հայոց Եկեղեցւոյ եւ հայ գրականութեան վրայ։ Ուստի, կը ներկայացնենք Մաղաքիա Արք. Օրմանեանի «Հայոց Եկեղեցին» գիրքէն հայ գրականութեան մասին շահեկան տողերը, յուսալով, որ հետաքրքրութեամբ պիտի դիմաւորեն մեր սիրելի՜ ընթերցող բարեկամներ։

ՀՐԱՅՐ ՏԱՂԼԵԱՆ

Այդ տարիներուն, երբ տակաւին արգիլուած էր իգական սեռի ներկայացուցիչներուն «ձայն բարձրացնել» եւ տակաւին լուրջ բանավէճի նիւթ էր անոնց ուսում ստանալու անհրաժեշտութեան հարցը, հայ ազգին մէջ յայտնուեցաւ Սիպիլը, որ տակաւին իր պատանի տարիքին, հազիւ 16-17 տարեկանին, հիմնեց Ազգանուէր հայուհեաց ընկերութիւնը, որուն հիմնական նպատակն էր կրթել գաւառներու հայ աղջիկները. ընկերութիւն, որ իր հիմնադրութենէն տարի մը ետք յաջողեցաւ Էրզրումի Քղի գաւառին մէջ հիմնել իր առաջին դպրոցը:

Համայնքային շրջանակները երէկ ժամադրուած էին Գումգաբուի Ս. Աստուածածին Աթոռանիստ Մայր եկեղեցւոյ մէջ, ուր կրօնական ու աշխարհիկ արարողութիւններ տեղի ունեցան՝ նախագահութեամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։

Գոհունակութեամբ վերահասու կ՚ըլլանք, թէ Աստուածաշունչի ընկերութեան Արաբական ծոցի երկիրներու մասնաճիւղի ընդհանուր քարտուղար տքթ. Հրայր Ճէպէճեան վերջերս ստացած է կարեւոր պարգեւ մը։ Այսպէս, Աստուածաշունչի ընկերութեան Արաբական ծոցի երկիրներու մասնաճիւղի խնամատար մարմինը որոշած է տքթ. Հրայր Ճէպէճեանը պարգեւատրել Լապիպ Մատանաթի յիշատակին հաստատուած կոչումով։

Հայաստանի Ազգային գրադարանը վերջերս ձեռք բերաւ երկու հազուագիւտ հրատարակութիւն։ «Արմէնփրէս»ի հաղորդումներով, անոնցմէ մին է Եփրեմ Ասորիի «Գիրք աղօթից»ը, իսկ միւսը՝ հայատառ թրքերէն Աստուածաշունչ մը։

Թուրքիա-Գերմանիա յարաբերութիւններուն մէջ կ՚ակնկալուի նոր սկիզբ մը՝ բարձր մակարդակի որոշումներով:
Էրտողան-Շոլց շաբաթավերջի բանակցութիւններու լոյսին տակ կ՚ուրուագծուին շօշափելի համագործակցութեան հեռանկարներ: Անգարայի եւ Պերլինի միջեւ պիտի վերակենդանացուի միջկառավարական խորհրդակցութեան դրութիւնը:

Թուրքիա եւ Գերմանիա կը շարունակեն անմիջական կապի մէջ մնալ՝ միջազգային հրատապ օրակարգի խնդիրներուն շուրջ։ Անգարա-Պերլին առանցքի համագործակցութիւնը կարեւոր նշանակութիւն ունի նաեւ տարածաշրջանային բնոյթով մարտահրաւէրներուն տեսակէտէ։