Արխիւ

Երէկ, Էսաեան վարժարանին մէջ տեղի ունեցաւ երաժշտութեան փառատօն մը, որ ձօնուած էր Կոմիտաս Վարդապետին։ Հաստատութեան հիմնադրութեան 130-ամեայ յոբելեանի շրջանակներէն ներս կազմակերպուած էր ձեռնարկը, որու ընթացքին ստեղծուեցաւ բարձր տրամադրութիւն։

Երէկ երեկոյեան, սփիւռքահայ յայտնի մտաւորական տքթ. Յակոբ Այնթապլեան ասուլիսի մը մասնակցեցաւ Կեդրոնական սանուց միութեան մէջ։ Ձեռնարկին ներկայ էին Տ. Յովակիմ Վրդ. Սերովբեան եւ Կեդրոնականի ընտանիքէն վարիչներ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սիրելի՜ ընթերցող բարեկամներ, փորձա՞ծ էք բնաւ լսել լռութեան ձայնը։ Արդարեւ, լռութիւնը՝ ներքին խաղաղութեան ամենէն ազդու միջոցն է. առանձնութեան մէջ լռութիւն, որ մարդուս ներքին խաղաղութիւն մը կը պատճառէ։ Այս իմաստով, լռութիւնը բազմաթիւ օգուտներ ունի, երբ մարդ կարենայ լռութեան ձայնը լսել…

Հայաստանի ազգային ժողովի փոխ-նախագահ Ռուբէն Ռուբինեան յայտնեց, որ Երեւան այժմ կը փորձէ փոխել Հարաւային Կովկասի տարածաշրջանային թափը։ «Երեւանեան երկխօսութիւն» երկրորդ միջազգային համաժողովի շրջանակներէն ներս մասնակցած ասուլիսին ժամանակ ան ընդգծեց, որ անվտանգութեան ոլորտէ ներս միայն մէկ աղբիւրի վրայ յենուիլը պարզապէս չ՚աշխատիր։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ այցելեց Ֆէնէրի յունաց պատրիարքարանը։ Ան ընդունուեցաւ Ուղղափառաց Տ.Տ. Պարթոլոմէոս Ա. Ծայրագոյն Պատրիարքին կողմէ։

Ֆէրիգիւղի Մէրամէթճեան վարժարանէն Լուսին Չաղլը, Ալին Աթաքէր, Լիտիա Ալթունեան, Լիսա Մարիա Տալ, Հելենա Չիլ եւ Ասիա Աթաքէր մասնակցեցան Շիշլիի շրջանին կազմակերպուած մտախաղերուն։

Տ.Տ. Գարեգին Բ. Ամենայն Հայոց Կաթողիկոսը արդէն Զուիցերիոյ մէջ է։ Վեհափառ Հայրապետը մայրաքաղաք Պեռնի մէջ կը մասնակցի՝ «Կրօնական ազատութիւն. հայկական հոգեւոր, մշակութային եւ պատմական ժառանգութեան պահպանումը Լեռնային Ղարաբաղի մէջ» խորագրեալ միջազգային համաժողովի մը, որ կազմակերպուած է Եկեղեցիներու համաշխարհային խորհուրդի եւ Զուիցերիոյ Բողոքական եկեղեցւոյ կողմէ։

Հայաստանի Կրթութեան, գիտութեան, մշակոյթի եւ մարմնամարզի նախարարութեան աջակցութեամբ եւ «Արհեստաւորներու միութիւն» մշակութային հիմնադրամի նախաձեռնութեամբ, վերջերս կազմակերպուեցաւ նկարչութեան միջազգային մրցոյթ մը։

Էսաեան վարժարանի երդիքին տակ երէկ տեղի ունեցաւ՝ պոլսահայ կրթական համակարգի ներկայացուցիչներուն մասնակցութեամբ խորհրդակցութիւն մը։ Ինչպէս հաղորդած էինք, մեր համայնքի կրթական մշակներէն Լենա Չաքըր, Մելիսա Ինկիլիզօղլու եւ Արփէն Չընար, որոնք Էսաեան եւ Թարգմանչաց վարժարաններուն մէջ կը պաշտօնավարեն, վերջերս Գերմանիա այցելած էին՝ միջազգային ծրագրի մը մասնակցելու համար։