Արխիւ

Ներքին գործոց նախարար Սիւլէյման Սոյլուի հետ Թուրքիոյ ոչ-իսլամ փոքրամասնական համայնքներու ներկայացուցիչներուն շաբաթավերջի հանդիպման արձագանգները կը շարունակուին։ Ժողովի մասնակիցները ընդհանուր առմամբ ունին դրական տպաւորութիւններ եւ տոգորուած են լաւատեսութեամբ։ Խորհրդակցութեան մասնակիցներէն ԱՔ կուսակցութեան կեդրոնական գործադիր մարմնի անդամ տքթ. Սեւան Սվաճըօղլու ժողովէն վերջ մեզի յայտնեց, որ նախարարը արդէն մանրամասնօրէն տեղեակ էր բոլոր խնդիրներուն՝ մանաւանդ, որ կուսակալութեան մէջ նախօրէին տեղի ունեցած խորհրդակցութեան մանրամասնութիւններն ալ յանձնուած էին իր նկատառման։ Այս տեսանկիւնէն ալ դրական համարեց տեսակցութիւնը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մարքօ Փոլօ՝ այս նշանաւոր ճամբորդը, ամբողջ քառորդ դար ապրած է մեծ արկածախնդրութիւն մը, հեռու Եւրոպայէն եւ անոր քաղաքակրթութենէն։ Այդպիսի փորձառութիւն մինչ այդ, այսինքն մինչեւ Միջնադարի 13-րդ դարը, ոչ ոք ապրած է տակաւին։

ՏԻԳՐԱՆ ԳԱԲՈՅԵԱՆ

Բնականաբար, բոլոր ազգերն ու ժողովուրդները իրենք զիրենք կը համարեն քաղաքակրթութիւններու կերտիչ, միաժամանակ տարբեր ժողովուրդներու միջեւ եղած բնածին մրցակցութիւնները կը մղեն՝ զանոնք ըլլալու ստեղծագործ ու յառաջադէմ, թէեւ տարբեր ժամանակներու մէջ, տարբեր միջոցներով օգտագործուած է ստեղծարար ըլլալու հասկացողութիւնն ալ:

ԱՆՈՒՇ ԹՐՈՒԱՆՑ

Մեծն Բրիտանիոյ վարչաքաղաքական մէկ մասի՝ Սքոթլանտի իր նստավայրին՝ Պալմորալ ամրոցին մէջ, հինգշաբթի` 8 սեպտեմբերին մահացաւ աշխարհի ամենաերկար գահակալած միապետներէն մէկը՝ Անգլիոյ Էլիզապէթ Բ. թագուհին: Աշխարհի ուշադրութիւնը այս օրերուն ուղղուած է դէպի Մեծն Բրիտանիա, ուր յատուկ արարողակարգ մը տեղի պիտի ունենայ Էլիզապէթ Բ. թագուհիին մահուան առթիւ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Ս. Խաչ դպրեվանքի մէջ մասնակցեցաւ վերամուտի արարողութեան։ 2022-2023 կրթական շրջանի սկիզբին առթիւ Ամեն. Ս. Պատրիարք Հայրը իր օրհնութիւնները տուաւ Ս. Խաչ դպրեվանքի ընտանիքին։

ՊԻԱՆՔԱ ՍԱՐԸԱՍԼԱՆ

Մարդու «մարդ» ըլլալու պայքարէն ի վեր արտաքին աշխարհը ապահով դարձնելու համար գործադրած ջանքերը հաւասար չեն իր ներաշխարհը գեղեցկացնելու ջանքերուն։ Մինչ մտաւոր եւ հոգեւոր զարգացումը դանդաղ քայլերով կ՚ընթանայ, մարդը թէ՛ վնաս եւ թէ՛ օգուտ կը պատճառէ բնութեան, հասարակութեան, մարդոց՝ ինքն իրեն։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Սկիւտարի Ս. Խաչ եկեղեցւոյ մէջ նախագահեց Խաչվերացի տօնի արարողութիւններուն եւ տարեկան անուան տօնախմբութեան։ Ինչպէս ամէն տարի, այս տարի եւս Սկիւտարի բարձունքին հոգեւոր հրճուանքի մթնոլորտ ստեղծուեցաւ։ Օրուան պատարագիչն էր Տ. Պետրոս Քհնյ. Պուլտուքեան։ Ներկայ էին նաեւ Տ. Յովակիմ Աբեղայ Սերովբեան եւ եկեղեցւոյ հոգեւոր հովիւ Տ. Յուսիկ Քհնյ. Հերկելեան։

Patrik Sahak II Hazretleri 10.09.2022 tarihinde Sayın İçişleri Bakanı Süleyman Soylu başkanlığında cemaat vakıfları seçim yönetmeliğine ilişkin istişarelerde bulunmak üzere bir toplantıya katılmışlardır. Azınlık cemaatleri’nin dini ve sivil temsilcilerinin hazır bulunduğu toplantıda Surp Pırgiç Ermeni Hastanesi Vakfı Başkanı Sn. Bedros Şirinoğlu ve AK Parti MKYK üyesi Sn. Dr. Sevan Sıvacıoğlu da hazır bulunmuşlardır.

Ներքին գործոց նախարար Սոյլու շաբաթավերջին ամբողջ երկու ժամ ծաւալուն խորհրդակցութիւն մը ունեցաւ Թուրքիոյ ոչ-իսլամ փոքրամասնութիւններու հոգեւոր առաջնորդներուն եւ համայնքային վաքըֆներու աշխարհական վարիչներուն հետ՝ խումբ մը բարձրաստիճան դիւանակալներու ներկայութեամբ:
Ամենապատիւ Ս. Պատրիարք Հօր եւ Պետրոս Շիրինօղլուի մասնակցութեամբ առնուած որոշումները ընտրական նոր կանոնադրութեան հրապարակումէն վերջ յառաջացած խնդիրներուն մեծամասնութիւնը կրնան հարթել: Ժողովի ընթացքին գոյացած լայնախարիսխ փոխըմբռնումը կ՚ապահովէ նաեւ թրքահայ կեանքէն ներս յառաջացած տարակուսանքներու յաղթահարումը, նաեւ կրնայ կանխել զարտուղի, ինքնագլուխ նախաձեռնութիւնները: Այժմ կը սպասուի բանաւոր պայմանաւորուածութիւններու գրաւոր պաշտօնական բանաձեւման: