Արխիւ

ԱՆՈՒՇ ԹՐՈՒԱՆՑ

Երեւանի Պատմութեան թանգարանը իր պահոցներէն հանած է եզակի փաստաթուղթ մը եւ Խրիմեան Հայրիկի 205-ամեակի առթիւ կարեւորած զայն։ 
Ապրիլի սկիզբին լրացաւ Ամենայն Հայոց 125-րդ կաթողիկոս, հասարակական-քաղաքական եւ հոգեւոր-մշակութային գործիչ, մտաւորական ու գրող Մկրտիչ Խրիմեանի ծննդեան 205-ամեակը:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սուրբ Օգոստինոս Աւրելիոս կ՚ըսէ, թէ՝ պէ՛տք է հաւատքով հասկնալ եւ հասկնալով հաւատալ։ Այս կը նշանակէ՝ միտքը եւ սիրտը միացնել, քանի որ միտքը եւ սիրտը իրար կ՚ամբողջացնեն եւ կը կատարելագործուի կեանքը իր ամենալայն իմաստով։

«Արաս» եւ «Իսթոս» հրատարակչութիւնները, որոնք հայ եւ հրեայ համայնքներու մտաւորական պաշարը արժեւորելու ուղղեալ գործունէութիւն կը ծաւալեն, կը խորացնեն նաեւ համատեղ ծրագրեր կեանքի կոչելու աւանդութիւնը։

Պէյօղլուի Ս. Երրորդութիւն եկեղեցւոյ մէջ երէկ տեղի ունեցան Ծաղկազարդի տօնակատարութիւններ եւ Մանուկներու օրհնութեան կարգ՝ հանդիսապետութեամբ Տ. Յարութիւն Վրդ. Տամատեանի, որ պատարագեց եւ տուաւ օրուան պատգամը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Ծաղկազարդի տօնակատարութիւններուն նախագահեց Սամաթիոյ Ս. Գէորգ եկեղեցւոյ մէջ, ուր պատարագեց Տ. Գասպար Աբեղայ Կարապետեան։

ՎԱՐԱՆԴ ՔՈՐԹՄՈՍԵԱՆ

Մեր տրտնջացող եւ ամէն ինչէ բողոքող բնաւորութեան պատճառով, յաճախ Աստուծմէ մեզի տրուած պատգամները, զգաստացումի կոչերը չենք նկատեր եւ կ՚անտեսենք, որովհետեւ շուտով բորբոքելով ու բարկանալով, կը դադրինք ճիշդ կերպով մտածելէ եւ ճիշդ որոշումներ ու եզրայանգումներ կատարելէ, նաեւ մեր զգացումներուն ու բարկութեան յանձնուելով, փոխանակ մեր սխալները սրբագրելու եւ մեր վիճակը բարելաւելու, ա՛լ աւելի սխալներ կը սկսինք գործել ու մեր վիճակը ա՛լ աւելի կը բարդացնենք:

ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ

Ուրախ եղէ ես ոյք ասէին ցիս,
ի տուն Տեառն երթիցուք մեք։
(Սաղմոսք, 121.1)

Ծաղկազարդ է այսօր կամ ժողովրդական անունով «Ծառզարդար», նաեւ Սահակ Ձորափորեցի Կաթողիկոսի կոչմամբ «Արմաւենեաց կիրակի», որ ընդհանրացած է քոյր եկեղեցիներու մէջ եւս։ Տօնակատարութիւն մը, որուն արտաքին երեւոյթը կը ներկայանայ ձիթենիի եւ արմաւենիներու ճիւղերով։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Պէշիկթաշի Ս. Աստուածածին եկեղեցւոյ վերջին Արեւագալին, որու ընթացքին խօսեցաւ նաեւ քարոզ մը։ Արարողութեան ներկայ էին նաեւ Տ. Սարգիս Աւ. Քհնյ. Գույումճեան եւ Տ. Զաքար Քհնյ. Քոփարեան։

Խոր ցաւով վերահասու եղանք, թէ յայտնի համայնքային գործիչ ՅակոբՏուրսուն երէկ կնքած է իր մահկանացուն։ Բօթը խոր ցաւ ստեղծած է՝ նկատիունենալով, որ Յակոբ Տուրսուն երկար տարիներէ ի վեր բարի կամեցողութեամբ իրնպաստը կը բերէր թրքահայ ազգային-եկեղեցական կեանքէն ներս։