Արխիւ

Նոպէլեան մրցանակի առաջին հայազգի դափնեկիր Արտեմ Փաթափութեան, որ այս օրերուն կ՚այցելէ Հայաստան, երէկ Երեւանի մէջ արժանացաւ շարք մը կոչումներու։ Երեւանի Պետական բժշկական համալսարանի գիտական խորհուրդի հանդիսաւոր նիստի ընթացքին իրեն պատուակալ տոքթորի կոչում շնորհուեցաւ։

Ռուսաստանի փոխ-վարչապետ Ալեքսէյ Օվերչուք աշխատանքային այցելութիւն մը տուած է Անգարա։ Երէկ, «Ազատութիւն» ռատիօկայանի կայքէջին վրայ արձագանգ գտաւ, որ ռուս բարձրաստիճան պաշտօնատարը Հանրապետութեան նախագահ Ռեճեփ Թայյիպ Էրտողանի կողմէ ալ հիւրընկալուած է Պեշթեփէի համալիրէն ներս։

Երեւանի մեր աշխատակիցներէն Սագօ Արեան այս օրերուն կ՚այցելէ քաղաքս։ Երեւան-Իսթանպուլ ուղիղ թռիչքով ան այսօր արդէն հասած է՝ իր որդիներէն Աքսել Ղազարեանի հետ։

Շիշլի մարզակումբի ֆութսալի կազմը կը շարունակէ կայուն յաջողութիւն արձանագրել Թուրքիոյ լիկին մէջ։ Թուրքիոյ Ֆութպոլի դաշնակցութեան կողմէ կազմակերպուած մրցաշարքի Սամսունի փուլի արդիւնքներով շիշլիցիները դարձեալ յաջողեցան առաջին հորիզոնականը զբաղեցնել։

Գատըգիւղի Արամեան-Ունճեան վարժարանին մէջ տեղի ունեցաւ նախակրթարանի այս տարուայ շրջանաւարտներու հանդէսը, որով ստեղծուեցաւ մեծ ոգեւորութիւն։

Պաքըրգիւղի Տատեան վարժարանին մէջ տեղի ունեցաւ մանկապարտէզի փոքրիկներու տարեվերջի հանդէսը։ Տղաքը գոյնզգոյն տարազներով տողանցեցին այս հանդիսութեան ընթացքին, որու երեք լեզուով պատրաստուած ծրագրի շրջանակին մէջ ծափահարութիւններու արժանացան յաջող ելոյթներով:

ՏԻԳՐԱՆ ԳԱԲՈՅԵԱՆ

Մարդկային անհատական ու մանաւանդ հաւաքական շարժը շատ երկար փուլերէ անցած է, սկսեալ մեծ գաղթերէն հասնելով մեծ ներխուժումներու ու տարածքներու նուաճման, նաեւ այդ շարժերը յանգած են նպատակի կամ միջոցի ծառայեցման (նայած պատմական ու քաղաքական պատեհութիւններուն) եւ աշխարհի բոլոր ցամաքամասերու յայտնաբերման գործողութիւններուն:

ՀՐԱՅՐ ՏԱՂԼԵԱՆ

Այսօր պիտի խօսինք հայկական այլ ցաւալի իրականութեան մը մասին՝ որ կը կոչուի Հայոց Պատմութիւն. ցաւալի ո՛չ թէ իր անցեալին ունեցած ելեւէջներով, այլ իր ներկայի անյստակ ու անկանոն դրութեամբ:

Հայաստանի փոխ-վարչապետ Մհեր Գրիգորեան յայտարարեց, որ Երեւանի եւ Մոսկուայի այս շրջանի համատեղ ջանքերը ուղղուած են ռազմավարական համագործակցութեան նոր հեռանկարային ոլորտներու բացայայտման։ «Արմէնփրէս»ի հաղորդումներով, Ռուսաստանի օրուան առթիւ Երեւանի մէջ այդ երկրի դեսպանութենէն ներս կազմակերպուած ձեռնարկին մասնակցեցաւ Մհեր Գրիգորեան, որ հանդէս եկաւ շնորհաւորական խօսքով մը։