Երէկ, Տեառնընդառաջի առթիւ, Մայր Աթոռ Սուրբ Էջմիածնի մէջ տեղի ունեցան հանդիսաւոր արարողութիւններ՝ նախագահութեամբ Տ.Տ. Գերագին Բ. Ամենայն Հայոց Կաթողիկոսի։ Սուրբ Էջմիածնի Մայր Տաճարին մէջ մատուցուած Ս. Պատարագէն վերջ, Վեհափառ Հայրապետի հանդիսապետութեամբ տեղի ունեցաւ նորապսակներու օրհնութեան կարգ, որու ընթացքին ստեղծուեցաւ հոգեւոր ուրախութեան մթնոլորտ։
Տեառնընդառաջի տօնին առթիւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ առաւօտ նախագահեց Ղալաթիոյ Ս. Գրիգոր Լուսաւորիչ եկեղեցւոյ արարողութիւններուն։ Օրուան պատարագիչն էր Պատրիարքական փոխանորդ Տ. Գրիգոր Աւ. Քհնյ. Տամատեան։
ՄԱՇՏՈՑ ՔՀՆՅ. ԳԱԼՓԱՔՃԵԱՆ
«Տօներուն նպատակը հանդէս կատարել չէ բնաւ, հանդիսակատարութիւնը միջոց մըն է լոկ, նպատակ ունենալով ոգեւորութիւն արթնցնել եւ այդ կերպով անձը ընդունակ ընել հոգեւոր օգուտի եւ շնորհներու, աստուածային տնօրինութեանց, սրբոց բարեխօսութեան եւ աղօթանուէր ինքնամփոփման միջոցաւ», կ՚ըսէ Թորգոմ Պատրիարք Գուշակեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց վերապատուելի Գրիգոր Աղապալօղլուն, որուն ընկերացան Կէտիկփաշայի հայ աւետարանական եկեղեցւոյ թաղային խորհուրդէն անդամներ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Տ. Եղիշէ Վրդ. Ուչքունեանը, որ վերջին տարիներուն ծառայութիւնը կը շարունակէ Երուսաղէմի մէջ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ երեկոյեան Ֆէրիգիւղի Ս. Վարդանանց եկեղեցւոյ մէջ նախագահեց Տեառնընդառաջի նախատօնակի արարողութեան։ Երեկոյեան ժամերգութեան աւարտին կատարուեցաւ տարուան առաջին անդաստանը՝ աշխարհի չորս ծագերու օրհնութեամբ։
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ ընդունեց Հին քաղաքի նորանշանակ ոստիկանապետ Թվիր Թամիմը, որուն ընկերացան Սուրբտեղեաց ոստիկանապետ Էյալ Աւրահամ, Հին քաղաքի ոստիկանութեան քրիստոնեաներու բաժնի պատասխանատու Օլէկ Վասկեւից եւ Սուրբ Յարութեան տաճարի պատասխանատու ոստիկան Անան Շանան։
Արեւմտեան Եւրոպայի հայրապետական պատուիրակ Տ. Խաժակ Արք. Պարսամեան շաբաթավերջին այցելեց Հոլանտա, ուր նշուեցաւ Մաստրիխտ քաղաքի Ս. Կարապետ հայկական եկեղեցւոյ օծման 12-րդ տարեդարձը՝ կրօնական եւ աշխարհիկ արարողութիւններով։
Տ.Տ. Գարեգին Բ. Ամենայն Հայոց Կաթողիկոսի օրհնութեամբ, Մայր Աթոռ Սուրբ Էջմիածնի Միջեկեղեցական յարաբերութիւններու բաժնի տնօրէն Տ. Գարեգին Վրդ. Համբարձումեան Ուաշինկթընի մէջ մասնակցեցաւ Միջազգային կրօնական ազատութեան գագաթաժողովին, որու ընթացքին ներկայացուց Հայաստանեայց Առաքելական Եկեղեցին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ արարողութեան նախագահեց Պէշիկթաշի Ս. Աստուածածին եկեղեցւոյ մէջ, ուր պատարագեց Տ. Սարգիս Աւ. Քհնյ. Գույումճեան։
