Թրքահայ կեանք

ԼԻՍԷԱԿԱՆ ՍԱՆԵՐՈՒ ՀԱՄԱՐ ՇՐՋԱՊՏՈՅՏ

Կը տեղեկանանք, որ այս ուրբաթ համայնքային հինգ լիսէներու աշակերտութեանց համար նախատեսուած է պտոյտ մը։ Երբ 2022-2023 կրթական շրջանը կը մօտենայ իր աւարտին, Պիւյիւքտէրէի Ս. Հռիփսիմեանց եկեղեցւոյ թաղային խորհուրդի անդամներէն Լենա Ենիեորկանի նախաձեռնութեամբ նախատեսուած է շրջագայութիւն մը՝ դէպի Վոսփորի Եւրոպական ափի մեր եկեղեցիները։

ՍԱՄԱԹԻՈՅ ՄԷՋ ՏԱՐԵՎԵՐՋԻ ՀԱՆԴԷՍ

Սամաթիոյ Սահակեան-Նունեան վարժարանէն ներս, անցեալ շաբթուան մէջ տեղի ունեցաւ մանկապարտէզի փոքրիկներու տարեվերջի հանդէսը, որով ստեղծուեցաւ տօնական մթնոլորտ։ Հանդէսին մասնակցեցան վարժարանի նախակրթարանի բաժնի տնօրէնուհի Պելինտա Մխճըօղլու, Սամաթիոյ ընտանիքէն վարիչներ, կրթական մշակներ, ծնողներ եւ հիւրեր։

ՏԱՏԵԱՆՑԻՆԵՐՈՒ ՈԳԵՒՈՐ ՕՐԸ

Պաքըրգիւղի ընտանիքը շաբաթավերջին մեծ ոգեւորութիւն ապրեցաւ՝ Տատեան վարժարանի շրջանաւարտից հաւաքին առթիւ։ Դպրոցի զանազան սերունդներէ շրջանաւարտները համախմբեց այս ձեռնարկը, որուն ներկայ գտնուեցան նաեւ Պաքըրգիւղի ընտանիքէն վարիչներ եւ բազմաթիւ հիւրեր։

ԼՈՒՍԱՒՈՐԻՉ ՄԱՆԿԱՆՑ ԵՐԳՉԱԽՈՒՄԲԻ ԽԱՆԴԱՎԱՌ ՀԱՄԵՐԳԸ

Երէկ երեկոյեան, Շիշլիի «Ճեմիլ Ճանտաշ-Քենթ» մշակոյթի կեդրոնէն ներս տեղի ունեցաւ Լուսաւորիչ մանկանց երգչախումբին համերգը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էին բազմաթիւ հոգեւոր հայրեր։ Լուսաւորիչ դպրաց դաս-երգչախումբի մօտաւոր անցեալին դիմագրաւած ծանր վերիվայրումներէն վերջ, այս համերգը նոր էջ մը բնորոշեց ընդհանուր գործունէութեան տեսակէտէ։

ՇԻՇԼԻ ՄԱՐԶԱԿՈՒՄԲԻՆ ՆԱԽԱՁԵՌՆՈՒԹԵԱՄԲ ՀԱՄԱՅՆՔԱՅԻՆ ՎԱՐԻՉՆԵՐՈՒՆ ՀԱՄԱՐ ՔԱՅԼԱՐՇԱՒ ԵՒ ՆԱԽԱՃԱՇ ՊԻՒՅԻՒՔՏԷՐԷԻ ԵԿԵՂԵՑՒՈՅ ՄԷՋ

Շիշլի մարզակումբին նախաձեռնութեամբ, շաբաթավերջին քայլարշաւ մը կազմակերպուեցաւ համայնքային վարիչներուն համար։ Ծրագիրը կեանքի կոչուեցաւ՝ հովանաւորութեամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։

ԳԱՏԸԳԻՒՂԻ ԱՐԱՄԵԱՆ-ՈՒՆՃԵԱՆ ՎԱՐԺԱՐԱՆԻ ՇՐՋԱՆԱՒԱՐՏԻՑ ՀԱՒԱՔԸ ՓԱՅԼՈՒՆ ԱՆՑԱՒ

Գատըգիւղի ընտանիքը երէկ ոգեւոր օր մը ապրեցաւ թաղի Արամեան-Ունճեան վարժարանի շրջանաւարտից տարեկան հաւաքին առթիւ։ Առաւօտուն Գատըգիւղի Ս. Թագաւոր եկեղեցւոյ մէջ մատուցուեցաւ Ս. Պատարագ՝ ձեռամբ Տ. Յարութիւն Վրդ. Տամատեանի, որ խօսեցաւ նաեւ քարոզ մը։

ՊՈՒՐՈՒՆՔԸՇԼԱՑԻՆԵՐՈՒ ԱՒԱՆԴԱԿԱՆ ՀԱՒԱՔԸ ԵՒ ՀՈԳԵՃԱՇԸ՝ ՍԱՄԱԹԻՈՅ ՍՈՒՐԲ ԳԷՈՐԳ ԵԿԵՂԵՑՒՈՅ ՄԷՋ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ արարողութիւններուն նախագահեց Սամաթիոյ Ս. Գէորգ եկեղեցւոյ մէջ, ուր տեղի ունեցաւ նաեւ պուրունքըշլացիներու (Եոզղատ) աւանդական հաւաքը։ Ս. Պատարագը մատոյց Տ. Զօհրապ Քհնյ. Ճիվանեան։

ՓԱՌԱՊԱՆԾ ՃԱՆԱՊԱՐՀՈՐԴՈՒԹԻՒՆ

Թրքահայ ազգային-եկեղեցական կեանքէն ներս Համբարձման տօնը բնորոշուեցաւ Սուրբ Փրկիչ Ազգային հիւանդանոցի հիմնադրութեան 191-րդ տարեդարձով:
Գթութեան յարկի բազմակողմանի ծառայութեան շղթային վրայ նոր օղակ մը աւելցաւ՝ մինչ Ամեն. Ս. Պատրիարք Հայրը շեշտեց, որ հաստատութիւնը ոսկեդարը կ՚ապրի ատենապետ Պետրոս Շիրինօղլուի եւ գործակից ընկերներուն պաշտօնավարութեան շրջանին:
Հոգաբարձութեան գործունէութեան մանրամասն տեղեկագիրը ունկնդրուեցաւ ուշադրութեամբ: Համայնքային շրջանակները խանդավառութեամբ ողջունեցին նորընտիր երեսփոխան տքթ. Սեւան Սվաճըօղլուն:

Էջեր