Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ ընդունեց ՃՀՓ-ի Շիշլիի շրջանի ներկայացուցիչները՝ կուսակցապետի օգնական Եունուս Էմրէն, Հիւսէյին Սարըն, Թարքան Էլլէրկեզէնը եւ Պիւլենտ Թալանայը, որոնց ընկերացաւ Յարութիւն Արիֆ Էրկիւնէշ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին ընդունեց լիբանանահայ գործարար Սեդրակ Քիւրէճեանը, որ երանաշնորհ Տ. Մեսրոպ Արք. Մութաֆեանի օրերէն իսկ, իր գործին բերմամբ բազմիցս այցելած է քաղաքս։
Շիշլի մարզակումբի վարչութիւնը երէկ կազմակերպեց թենիսի մրցաշարք մը, որ առիթ հանդիսացաւ մեծ ոգեւորութեան։ Այս մրցաշարքը կազմակերպուած էր ի յիշատակ ակումբի բարեյիշատակ հիմնադիրներէն հոգելոյս Գրիգոր Միսաքեանի։
Պաքըրգիւղի ընտանիքը շաբաթավերջին մեծ խանդավառութիւն ապրեցաւ թաղի Տատեան վարժարանի հիմնադրութեան 175-ամեակին ձօնուած յուշամատեանի շնորհանդէսին առթիւ։ Համավարակի հետեւանքով յապաղումով կազմակերպուած ձեռնարկը հովանաւորեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Գուրուչէշմէի Երեւման Ս. Խաչ եկեղեցւոյ մէջ երէկուան արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, նաեւ տուաւ օրուան պատգամը։ Ծանօթ է, որ ամէն տարի Երեւման Ս. Խաչի տօնին օրը կը կատարուի Վոսփորի մեր այս եկեղեցւոյ անուան տօնախմբութիւնը։
Գումգաբուի ընտանիքը երէկ յատկանշական օր մը ապրեցաւ Պէզճեան Մայր վարժարանի շրջանաւարտից տարեկան հաւաքին առթիւ։ Դպրոցի զանազան սերունդներէ ընթացաւարտները զիրար վերագտան խանդավառ մթնոլորտի մը մէջ։
«Արաս» հրատարակչութիւնը ներկայիս լոյս ընծայած է շատ շահեկան ալպոմ-գիրք մը, որ կը կոչուի «Pulun Kanadında İstanbul'dan Dünyaya» եւ ունի փաստավաւերագրական մեծ նշանակութիւն։
Գատըգիւղի Արամեան սանուց միութեան հաւաքատեղիին մէջ երէկ երեկոյեան բացուեցաւ «Սէր» խորագրեալ ցուցահանդէս մը, որ պիտի շարունակուի մինչեւ մայիսի 7-ը։ Ինչպէս ծանօթ է, Արամեան սանուց միութեան երդիքին տակ կը կազմակերպուին կանանց համար աշխատանոցներ, որոնց մասնակիցները յախճապակիներ կամ կերպասներ կը բանին։
Շիշլի մարզակումբի վարչութեան ատենապետ Ալէն Թեքպըչաք եւ իր գործակից ընկերները վերջին օրերուն յարգանքի այցելութիւն մը տուին հոգելոյս Նազար Հանչէրի ընտանիքին։ Այս առթիւ անոնք լուսահոգի Նազար Հանչէրի այրիին՝ Էլմոն Հանչէրին յանձնեցին Շիշլի մարզակումբի վարչութեան կողմէ առնուած որոշման հիման վրայ պատրաստուած «Մարմնամարզի դեսպան» կոչման վկայականը։
Կը տեղեկանանք, որ համակրելի մեներգչուհի Սիպիլ կը պատրաստուի այցելել Թեհրան։ Այսպէս, եօթ տարի վերջ իրանահայ երաժշտասէրները դարձեալ հնարաւորութիւն պիտի ունենան Սիպիլը ողջունելու բեմին վրայ։
