Թրքահայ կեանք

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ ընդունեց Էյուպի Ս. Եղիա եկեղեցւոյ թաղային խորհուրդի ներկայացուցիչները։ Ներկայ էր նաեւ եկեղեցւոյ հոգեւոր հովիւ Տ. Շնորհք Աբեղայ Տօնիկեան։

Ֆէրիգիւղի «Շիրինօղլու» սրահին մէջ երէկ երեկոյեան տեղի ունեցաւ յատկանշական հաւաքոյթ մը, որ համախմբեց ինչպէս թրքահայ ազգային-եկեղեցական շրջանակներէն բազմաթիւ դէմքեր, այնպէս ալ Թուրքիոյ ոչ-իսլամ փոքրամասնութիւններու ներկայացուցիչներ։

Շիշլի մարզակումբի վարչութիւնը կը շարունակէ իրերայաջորդ կեանքի կոչել բազմաբնոյթ ծրագիրներ, որոնց բոլորն ալ կը համախմբեն մեր նոր սերունդը, նաեւ համայնքային շրջանակներու անմիջական ուշադրութեան կ՚արժանանան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ շարունակեց իր ուղեւորութիւնը դէպի աղէտի գօտի՝ շփումներ ունենալով Էլազըղի մէջ:

Ամեն. Ս. Պատրիարք Հայրը երէկ այցելեց Մալաթիա, իսկ այսօր շփումներ կ՚ունենայ Էլազըղի մէջ:
Նորին Ամենապատուութիւնը միշտ անմիջական ուշադրութիւն կը ցուցաբերէ գաւառի մեր ժողովուրդին ու ժառանգութեան նկատմամբ:

Սամաթիոյ «Աճառեան» սրահին մէջ երէկ երեկոյեան տեղի ունեցաւ թաղի Սահակեան-Նունեան վարժարանի թատերախումբին յաջող ներկայացումը։ Հարկ է նշել, որ սահակեանցիները այս շրջանին կը ներկայացնեն անմահ երգիծաբան Յակոբ Պարոնեանի նշանաւոր «Պաղտասար աղբար»ը։

Գոհունակութեամբ վերահասու կ՚ըլլանք, թէ յայտնի համայնքային գործիչ Նշան Գարա այս շրջանին կարեւոր ծրագիր մը կը հովանաւորէ Հայաստանի մէջ։ Ծանօթ է, որ Նշան Գարա՝ որպէս վարչային եւ մտաւորական տասնամեակներէ ի վեր կարեւոր ներդրում մը կը բերէ թրքահայ ազգային-եկեղեցական կեանքին:

Համաշխարհային պարի օրուան առթիւ շաբաթավերջին յատկանշական ձեռնարկ մը տեղի ունեցաւ Պէյօղլուի մէջ։ «Բերայի ձայներէն դէպի քայլեր» խորագրեալ ծրագիրը կեանքի կոչուեցաւ «Կրան Բերա»ի համալիրէն ներս, որ Սերքըլ տ՚Օրիանի պատմական շէնքն է։

Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան վերջերս հիւրընկալեց բանասէր Սեւան Տէյիրմենճեանը, որու ընտանիքը այցելեց Սուրբ Քաղաք։ Ինչպէս ծանօթ է, Սեւան Տէյիրմենճեան վերջին տարիներուն կ՚ուսուցչագործէ Երուսաղէմի Հայոց Թարգմանչաց եւ Ժառանգաւորաց վարժարաններուն մէջ։

«Բարեկամ» խմբակը երէկ Սամաթիոյ մէջ կազմակերպեց ձեռնարկ մը, որ համախմբեց համայնքային շրջանակները։ Հաւաքոյթին նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։