Գատըգիւղի Արամեան սանուց միութեան մէջ շաբաթավերջին տեղի պիտի ունենայ «Սէր» խորագրեալ ցուցահանդէս մը։ Հարկ է նշել, որ վերջին շրջանին Արամեան սանուց միութեան երդիքին տակ յախճապակի եւ կերպաս ներկելու, մշակելու ուղղեալ աշխատանոցներ կը կազմակերպուին։
Իսթանպուլի մէջ այս օրերուն տեղի կ՚ունենայ Համաշխարհային երգչախմբային երաժշտութեան գիտաժողովը (WSCM), որ պիտի եզրափակուի վաղը։ Միջազգային երգչախմբային երաժշտութեան դաշնակցութեան (IFCM) նախաձեռնութեամբ կազմակերպուած՝ համաշխարհային մակարդակով ամենամեծ ձեռնարկն է այս մէկը, որ Իսթանպուլի մէջ համախմբած է աշխարհի բազմաթիւ երկիրներէն երգչախումբեր։
Երէկ երեկոյեան, Գատըգիւղի Արամեան սանուց միութեան մէջ տեղի ունեցաւ այս տարուան Միջմիութենական գիտելիքի մրցոյթի եզրափակիչը։ Այս տարի 24-րդ անգամ կեանքի կը կոչուի այս նախաձեռնութիւնը։
Գարակէօզեան Տան խնամակալութիւնը օժանդակութեան բազմակողմանի ծրար մը պատրաստած է՝ ընկերամշակութային զօրակցութիւնը ամրապնդելու համար:
Ատենապետ Տիգրան Կիւլմէզկիլ եւ գործակից ընկերները մամլոյ ասուլիս մը սարքելով ներկայացուցին մշակուած նախագիծը. ընտրութիւններէն առաջ տրուած խոստումները յարգելու ճանապարհին շօշափելի քայլեր:
Համայնքի կարիքաւորները պիտի օգտուին նոր միջոցներէ: Կրթաթոշակներու տրամադրումն ալ կը նախատեսուի թէ՛ աշակերտները եւ թէ՛ դպրոցները քաջալերելու սկզբունքով:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Գուրուչէշմէի Երեւման Ս. Խաչ եկեղեցւոյ թաղային խորհուրդի ներկայացուցիչները՝ գլխաւորութեամբ ատենապետ Լեւոն Պերճ Գուզիքօղլուի։ Ներկայ էր նաեւ Գուրուչէշմէի եկեղեցւոյ հոգեւոր հովիւ Տ. Գէորգ Աւ. Քհնյ. Չնարեան։
Ներքին գործոց նախարարը, Իսթանպուլի կուսակալը, Ֆաթիհի գաւառապետն ու քաղաքապետը երէկ յետմիջօրէին այցելութիւն մը տուին Պատրիարքարան:
Իշխանութեան յառաջադէմ ներկայացուցիչը 14 մայիսի ընտրութիւններուն ընդառաջ Գումգաբուի մէջ մէկտեղուեցաւ համայնքային վարիչներուն հետ: Հաւաքոյթին մասնակցեցաւ նաեւ աք կուսակցութեան կողմէ երեսփոխանի թեկնածու առաջադրուած տքթ. Սեւան Սվաճըօղլու:
Ամենապատիւ Սրբազան Պատրիարք Հայրը ջերմ ելոյթով մը ողջունեց Սիւլէյման Սոյլուն, որու դրական ու շինիչ արտայայտութենէն վերջ իրեն նուիրեց գիրք մը՝ մինչ ընդգծուեցան ձեռքբերումները:
Մայրաքաղաք Անգարայի մէջ, Պեշթեփէի նախագահական համալիրէն ներս երէկ տեղի ունեցաւ պարգեւատրման արարողութիւն մը։ Այսպէս, Հանրապետութեան նախագահ Ռեճեփ Թայյիպ Էրտողան պետական գերագոյն զոհողութեան մետայլներ շնորհեց բոլոր այն տեղական կամ օտար փրկարար ծառայութիւններուն, որոնք 6 փետրուարի երկրաշարժներուն ժամանակ աշխատանք ծաւալած էին։
Ապրիլեան սուրբ նահատակներու յիշատակութիւն եւ Ս. Պատարագ՝ Ֆէրիգիւղի Ս. Վարդանանց եկեղեցւոյ մէջ:
Ամեն. Ս. Պատրիարք Հայրը քարոզի ժամանակ շնորհակալութիւն յայտնեց նախագահ Էրտողանի պատգամին համար:
Գոհունակութեամբ վերահասու կ՚ըլլանք, թէ Պաքըրգիւղի ընտանիքը այս օրերուն կ՚ապրի խանդավառութիւն մը՝ Տատեան վարժարանի հիմնադրութեան 175-ամեակին ձօնուած յուշամատեանի շնորհանդէսին ընդառաջ։
Կը տեղեկանանք, որ «Յանկարծ» թատերախումբը կը պատրաստուի ներկայացումներու յատկանշական շարքի մը։ Այսպէս, թատերախումբը յառաջիկայ շրջանին պիտի ներկայացնէ ամերիկահայ մեծանուն գրող Ուիլիըմ Սարոյեանի անգլերէն գործի հիման վրայ խաղ մը՝ «Սիրտս լեռներուն մէջ է» անուանումով։
