Թրքահայ կեանք

Գոհունակութեամբ վերահասու կ՚ըլլանք, թէ Երեւանի մեր սիրեցեալ բարեկամներէն Մասիս եւ Աննա Վարդանեան-Չերմէ ամոլը բախտաւորուած է անդրանիկ զաւակով մը, որ լոյս աշխարհ եկած է 17 մարտ 2023 թուականին, Նիւ Եորքի մէջ։

Տօնական բարձր տրամադրութիւնը շաբաթավերջին ամբողջութեամբ համակեց թրքահայ ազգային-եկեղեցական կեանքը: Ամեն. Սրբազան Պատրիարք Հայրը Սուրբ Յարութեան տաղաւարին առթիւ պատարագեց Աթոռանիստ Մայր եկեղեցւոյ մէջ: Գումգաբուի աւանդական ընդունելութեան ժամանակ համայնքային շրջանակները ջերմօրէն զիրար ողջունեցին՝ փոխանակելով բարեմաղթութիւններ:

Ամենապատիւ Սրբազան Պատրիարք Հայրը երէկ համայնքային ընդունելութեան ընթացքին կարեւորութեամբ անդրադարձաւ, որ մօտաւոր ապագային երկրի մէջ տեղի ունենալիք ընտրութիւններուն ընդառաջ համայնքային շրջանակները ինչպէս միշտ, պիտի հիւրընկալեն քաղաքական շրջանակներէ գործիչներ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի տնօրինութեամբ, Ս. Զատկի տաղաւարի առթիւ Ս. Պատարագ մատուցուեցաւ Վաքըֆլըգիւղի եւ Տիարպաքըրի մեր եկեղեցիներուն մէջ։

ՍԱՀԱԿ Բ. ՊԱՏՐԻԱՐՔ

Ահաւասիկ մեր եկեղեցիներու զանգերը զատկական ցնծութեամբ նորէն կ՚աւետեն Քրիստոսի հրաշափառ Սուրբ Յարութիւնը: Եօթը շաբաթներէ ի վեր աղօթքով, ապաշխարութեամբ, ծոմապահութեամբ, բազմաթիւ եկեղեցիներ տրուած ուխտի այցելութիւններով, ողորմութիւններով, նուիրատուութեամբ եւ նման հոգեւոր վարժութիւններով պատրաստուեցանք Սուրբ Զատկին՝ մեր Տիրոջ եւ Փրկչին Յիսուս Քրիստոսի հրաշափառ Սուրբ Յարութեան փառաշուք տօնին:

Համահայկական խաղերը այսուհետեւ պիտի կազմակերպուին երկու տարին անգամ մը՝ ամրան եւ ձմրան:
Զաքարեան. «Մասնակիցներուն ջախջախիչ մեծամասնութիւնը մրցումներուն ժամանակ առաջին այցը կու տայ Հայաստան»:

Պաքըրգիւղի Տատեան վարժարանին մէջ Սուրբ Զատկի առթիւ ստեղծուեցաւ մեծ խանդավառութիւն։ Աշակերտները տօնական շրջանը արժեւորեցին զանազան ձեռնարկներով։

Թոփգաբուի Ս. Նիկողայոս եկեղեցւոյ մէջ երէկ տեղի ունեցաւ Ոտնլուայի արարողութիւն, որուն հանդիսապետեց Տ. Յովակիմ Աբեղայ Սերովբեան։ Թաղի Լեւոն-Վարդուհեան վարժարանէն սաներ մասնակցեցան այս հոգեպարար արարողութեան, որուն ներկայ գտնուեցան նաեւ Տ. Տրդատ Աւ. Քհնյ. Ուզունեան, Տ. Նաթան Քհնյ. Արապեան եւ Տ. Մելքոն Քհնյ. Փընարճեան։

Համահայկական խաղերու համաշխարհային կոմիտէի նախագահը այցելութիւն մը կու տայ Իսթանպուլ:
Ամեն. Ս. Պատրիարք Հայրը երէկ հիւրընկալեց Իշխան Զաքարեանը, որ կը մէկտեղուի համայնքի մարզական գործիչներուն հետ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Մայր Աթոռ Սուրբ Էջմիածնէն երկու միաբան՝ Տ. Ներսեհ Վրդ. Խալաթեանն ու Տ. Մինաս Աբեղայ Հախվերտեանը։