Թրքահայ կեանք

ՏԽՐՈՒՆԻ

Թրքահայ կեանքէն ներս վերջին օրերուն ողբերգութեան համազօր իրադարձութիւն մը եղաւ մեր համայնքի արժէքաւոր երիտասարդուհիներէն՝
ՆԻՔՈԼ ՕՏԱՊԱՇԸԻ
անժամանակ կորուստը։ Ան իր բնակարանին մէջ ցաւալի արկածի մը զոհ գնաց, ինչ որ խոր սուգի մատնեց թէ՛ իր ընտանիքը եւ թէ ամբողջ սիրելիներու շրջանակը։

ՊԷՅՕՂԼՈՒԻ ՍՈՒՐԲ ԵԿԵՂԵՑԵԱՑ ԹԱՂԱՅԻՆ ԽՈՐՀՈՒՐԴԻ ԸՆՏՐՈՒԹԵԱՆ ԱՐԴԻՒՆՔԸ ՎԱՒԵՐԱՑՈՒԱԾ

Վաքըֆներու ընդհանուր տնօրէնութիւնը արդէն հաստատած է Պէյօղլուի սուրբ եկեղեցեաց թաղային խորհուրդի ընտրութեան արդիւնքը։ Ինչպէս ծանօթ է, ատենապետ Խաչիկ Սարըլըի գլխաւորած ընտրական մարմնին կողմէ, անցեալ մարտի 12-ին տեղի ունեցած էր քուէարկութիւնը։

ՇԻՇԼԻՑԻՆԵՐԸ ՄԵՏԱՅԼՆԵՐ ՆՈՒԱՃԵՑԻՆ ՄԱՐՄՆԱՄԱՐԶԻ ՄԻՋՎԱՐԺԱՐԱՆԱՅԻՆ ԱՌԱՋՆՈՒԹԵԱՆ ՄԷՋ

Շիշլի մարզակումբէն Լիա Ասաթուր, Արտա Արատ եւ Արաս Պուլկուր վերջերս մասնակցութիւն բերին Իսթանպուլի միջվարժարանային մարմնամարզի նահանգային առաջնութեան։ Մրցաշարքի տեւողութեան անոնք լաւագոյնս ներկայացուցին Շիշլի մարզակումբը։

ՀԱՆԳՈՒՑԵԱԼ ԲԱՐՍԵՂ ՍԱՐԱՅԼԸԻ ՓԱՌԱՇՈՒՔ ՅՈՒՂԱՐԿԱՒՈՐՈՒԹԻՒՆԸ

Երէկ, Գումգաբուի Ս. Աստուածածին Աթոռանիստ Մայր եկեղեցւոյ մէջ տեղի ունեցաւ նորոգ հանգուցեալ յայտնի գործարար եւ համայնքային բարերար Բարսեղ Սարայլըի յուղարկաւորութեան փառաշուք արարողութիւնը, որ համախմբեց հոծ թիւով սգաւորներ։

ՄԽԻԹԱՐԵԱՆ ՍԱՆՈՒՑ ՄԻՈՒԹԵԱՆ ՆՈՐ ՀԱՒԱՔԱՏԵՂԻԻՆ ՊԱՇՏՕՆԱԿԱՆ ԲԱՑՄԱՆ ՀԱՆԴԻՍՈՒԹԻՒՆԸ

Երէկ երեկոյեան Մխիթարեանի ընտանիքին տեսակէտէ յատկանշական ձեռնարկ մը տեղի ունեցաւ՝ սանուց միութեան նոր հաւաքատեղիի պաշտօնական բացումով։ Սա, ինչպէս Մխիթարեանի ընտանիքին, այնպէս ալ թրքահայ ազգային-եկեղեցական կեանքին տեսակէտէ յատկանշական իրադարձութիւն մըն է՝ մանաւանդ, որ Մխիթարեան սանուց միութիւնը միշտ եղած է համայնքային ընկերամշակութային կեանքի մղիչ ուժերէն մին։

ՈՉ ԵՒՍ Է ԲԱՐՍԵՂ ՍԱՐԱՅԼԸ

Խոր ցաւով վերահասու եղանք, թէ իր մահկանացուն կնքած է յայտնի գործարար եւ համայնքային բարերար Բարսեղ Սարայլը։ Այս կորուստը մեծ ցաւ յառաջացուցած է թրքահայ ազգային-եկեղեցական կեանքէն ներս՝ քանի նորոգ հանգուցեալ Բարսեղ Սարայլը հետեւողականօրէն իր ներդրումը կը բերէր համայնքային կեանքին՝ մասնաւորապէս խրախուսելով կրթական հաստատութիւններն ու անոնց աշակերտներուն յաջողութիւնները։

Ս. ԽԱՉ ԴՊՐԵՎԱՆՔԻ ՄԷՋ ՈՂԲԱՑԵԱԼ ՎԱՀԱՆ ԱՃԷՄԵԱՆԻ ՅԻՇԱՏԱԿԻՆ ՁՕՆՈՒԱԾ «ԳԻՏՈՒԹԵԱՆ ՕՐ»

Սուրբ Խաչ դպրեվանքի մէջ վերջերս տեղի ունեցաւ գիտական հետաքրքրական ձեռնարկ մը։ «Գիտութեան օր» կոչուած էր այս ծրագիրը, որու ընթացքին աշակերտները մանրակերտ կամուրջներ արտադրեցին։

ՀՐԱԺԵՇՏԻ ՀԱՆԴԻՊՈՒՄ

Պատրիարքական Աթոռի միաբաններէն Տ. Յարութիւն Վրդ. Տամատեան արդէն աւարտեց իր կեցութիւնը Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն ներս։ Ինչպէս ծանօթ է, հայր սուրբը վերջին քանի մը ամիսներէն ի վեր կը գտնուէր Նիւ Եորքի մէջ։

Տ. ՅԱՐՈՒԹԻՒՆ ՎՐԴ. ՏԱՄԱՏԵԱՆ ՊԻՏԻ ԱՆՑՆԻ ԳԱՆԱՏԱ

Պատրիարքական Աթոռի միաբաններէն Տ. Յարութիւն Վրդ. Տամատեան, որ վերջին ամիսներուն կը գտնուի Հիւսիսային Ամերիկայի Արեւելեան թեմէն ներս, արդէն դէպի այս ամսավերջ պիտի աւարտէ Նիւ Եորքի մէջ իր կեցութիւնը։

ԴԱՏԱՒՈՐԻ ԿԻՐԱԿԻՆ ԳԱՏԸԳԻՒՂԻ ԵԿԵՂԵՑՒՈՅ ՄԷՋ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ Գատըգիւղի Սուրբ Թագաւոր եկեղեցւոյ մէջ նախագահեց Դատաւորի կիրակիի արարողութիւններուն։ Ս. Պատարագը մատոյց Հաթայի սուրբ եկեղեցեաց հոգեւոր հովիւ եւ գաւառի համայնքներու տեսուչ Տ. Աւետիս Քհնյ. Թապաշեան։ Արարողութեանց մասնակցեցաւ սուրբ եկեղեցւոյ երէց Տ. Գրիգոր Աւ. Քհնյ. Տամատեան։

Էջեր