Թրքահայ կեանք

ԱՅԳՈՒՆ ԱՆԴՐԱՆԻԿ ՆԵՐՍԷՍԵԱՆ ԱՐՁԱՆԱԳՐՈՒԵՑԱՒ ՌՈՊԵՐԹ ՔՈԼԷՃ

Եշիլգիւղի վարժարանի շրջանաւարտներէն Այգուն Անդրանիկ Ներսէսեան, որ լիսէներու մտից քննութեան մէջ բացառիկ յաջողութիւն մը արձանագրած էր, արդէն արձանագրուած է Ռոպերթ քոլէճ։ Ինչպէս հաղորդած էինք, LGS-ի մէջ ան ապահոված էր հնարաւոր առաւելագոյնը՝ 500 նիշ ու դասուած՝ Թուրքիոյ առաջիններու շարքին։

ERVAB-Ի ԱՅՍՕՐՈՒԱՆ ԺՈՂՈՎԸ ՏԵՂԻ Կ՚ՈՒՆԵՆԱՅ ՖԷՐԻԳԻՒՂԻ ՄԷՋ

Թրքահայ վաքըֆներու միութիւնը (ԹՎՄ-ERVAB) այսօր ժողով մը կը գումարէ Ֆէրիգիւղի Ս. Վարդանանց եկեղեցւոյ «Շիրինօղլու» սրահին մէջ։ Անցեալ երկուշաբթի Սուրբ Փրկիչ Ազգային հիւանդանոցի «Կոմիտաս» սրահի երդիքին տակ տեղի ունեցած ժողովի ընթացքին որոշուած էր այսօր խորհրդակցութեան ընդգրկել նորաստեղծ ընտրական մարմինները, որոնք կազմուած են՝ փոքրամասնութեանց վաքըֆներու ընտրութեան նոր կանոնադրութեան հրապարակման զուգահեռ։

ԿԱԶԴՈՒՐՄԱՆ ԿԱՅԱՆԻ ՄԷՋ ԵՐԱԺՇՏԱԿԱՆ ԽԱՆԴԱՎԱՌ ԵՐԵԿՈՅԹ

Գարակէօզեան Տան Գնալը կղզիի Կազդուրման կայանին մէջ երէկ տեղի ունեցաւ երաժշտական ձեռնարկ մը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Կղզեբնակ հոծ թիւով երաժշտասէրներ մասնակցութիւն բերին այս երեկոյթին, կայանի տղոց եւ պատասխանատուներու առընթեր։

ԳՆԱԼԸԻ ՄԷՋ ՆԱԽԱՏՕՆԱԿ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս շաբաթավերջին կը նախագահէ Գնալը կղզիի Ս. Գրիգոր Լուսաւորիչ եկեղեցւոյ անուան տօնախմբութեան։ Երէկ, Ամեն. Ս. Պատրիարք Հայրը այս եկեղեցւոյ մէջ նախագահեց երեկոյեան ժամերգութեան եւ նախատօնակի։

ԱՅԳՈՒՆ ԱՆԴՐԱՆԻԿ ՆԵՐՍԷՍԵԱՆ ԹՈՒՐՔԻՈՅ ՄԷՋ LGS-Ի ԱՌԱՋԻՆ

2021-2022 կրթական շրջանի եզրափակիչ փուլը մեծ յաջողութեամբ մը, արդար հպարտութիւնը պարգեւեց պոլսահայ կրթական համակարգին։ Այսպէս, Եշիլգիւղի վարժարանի շրջանաւարտներէն Այգուն Անդրանիկ Ներսէսեան հանդիսացած է լիսէներու մտից քննութեան (LGS) առաջինը։

ԼՈՒՍԱՒՈՐԻՉ ԵՐԳՉ.Ի ՄԱՍՆԱԿՑՈՒԹԵԱՄԲ CRR-Ի ՄԷՋ ՓԱՌԱՇՈՒՔ ԵՐԵԿՈՅԹ

Երէկ երեկոյեան, Հարպիյէի «Ճեմալ Ռեշիտ Ռէյ» (CRR) համերգասրահին մէջ տեղի ունեցաւ իսկապէս փառաշուք երեկոյթ մը, որուն մասնակցեցաւ նաեւ Լուսաւորիչ դպրաց դաս-երգչախումբը՝ խմբավար Յակոբ Մամիկոնեանի մականին ներքեւ։ Այսօրուան դրութեամբ Չեխիա դարձած է Եւրոմիութեան շրջանային նախագահ երկիրը։

ԵՇԻԼԳԻՒՂԻ ՎԱՐԺԱՐԱՆԻ ՇՐՋԱՆԱՒԱՐՏՆԵՐԸ

Եշիլգիւղի վարժարանին մէջ 2021-2022 տարեշրջանի եզրափակիչ փուլը բնորոշուեցաւ շրջանաւարտութեան խանդավառ հանդէսով մը։ Դպրոցի հունձքը հրաժեշտ առաւ՝ առարկայ դառնալով Եշիլգիւղի ընտանիքի ամենաջերմ զգացումներուն։

Էջեր