Գնալը կղզիի մէջ կը շարունակուի «Մենք երգենք եւ պարենք» համերգաշարը։ Նախընթաց օր այս ծրագրի երկրորդ ձեռնարկը տեղի ունեցաւ՝ մասնակցութեամբ Առէն Քոճապայի, Նարէ Էօզտաղի եւ Քամի Պիւյիւքիշմանի, որոնք իրենց երաժշտական յաջող կատարումներով արժանացան ծափահարութիւններու։
Արդէն հրապարակուած են այս տարուան համալսարանի մտից քննութեան (YKS) արդիւնքները։ Շուրջ 3 միլիոն 500 հազար աշակերտ մասնակցած է քննութեան, որու արդիւնքներու հրապարակման զուգահեռ վերջին երկու օրերուն արդէն յայտնի են մասնակիցներու ունեցած նիշերը, ինչ որ վճռորոշ պիտի ըլլայ անոնց յաճախելիք համալսարաններու յստակեցման առումով։
Կը տեղեկանանք, որ Լուսաւորիչ դպրաց դաս-երգչախումբը այս ուրբաթ դարձեալ հանդէս պիտի գայ «Կոմիտաս» ներկայացումներու շարքի շրջանակին մէջ։ «Եոլճու» թատերախումբը հերթական անգամ պիտի բեմադրէ այս գործը։
Գարակէօզեան Տան Գնալը կղզիի Կազդուրման կայանէն ներս երէկ ոգեւոր օր մը ապրուեցաւ՝ Տ. Արամ Արք. Աթէշեանի այցելութեամբ։ Նորին սրբազնութիւնը այս առթիւ հայրական գուրգուրանքին առարկայ դարձուց կայանի փոքրիկները։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց խումբ մը ակադեմականներ։ Հանդիպման ընթացքին Նորին Ամենապատուութեան կողքին էր Պատրիարքական փոխանորդ Տ. Գրիգոր Աւ. Քահանայ Տամատեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Ամերիկայի Հայ աւետարանչական ընկերակցութեան գործադիր տնօրէն վերապատուելի Զաւէն Խանճեանն ու կողակիցը՝ Սօնա Խանճեանը։ Հիւրերուն ընկերացաւ Կէտիկփաշայի Հայ աւետարանական ժողովարանի հովիւ վերապատուելի Գրիգոր Աղապալօղլու։
Գարակէօզեան Տան Գնալը կղզիի Կազդուրման կայանի տղաքը այս շաբաթավերջին բացառիկ խանդավառ պահեր ապրեցան Հէյպէլի կղզիի մէջ։ Այսպէս, «Մեր հայեր» խումբի նախաձեռնութեամբ տղաքը այցելեցին «Ճեւահիր-Աքուափարք», ուր կազմակերպուած զբօսանքը անմոռանալի դարձաւ անոնց յիշողութեան մէջ։
Երէկ, Գնալը կղզիի Ս. Գրիգոր Լուսաւորիչ եկեղեցւոյ մէջ, Ս. Առաքելոց յիշատակութեան առթիւ արարողութիւններուն հանդիսապետեց եւ Ս. Պատարագը մատոյց կղզեաց հոգեւոր հովիւ Տ. Յարութիւն Վրդ. Տամատեան։ Ս. Սեղանին սպասարկեցին Ռոպէր Սրկ. Քիւչիւքաքպուլութ, Ռոյ Սրկ. Քիւչիւքաթէշ, Կարպիս Սրկ. Չիչէք եւ դպիրներ։ Երգեցողութիւնները կատարուեցան Ս. Ներսէսեան դպրաց դասուն կողմէ՝ առաջնորդութեամբ Արթուն Սրկ. Թէքիրօղլուի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հովանաւորութեամբ, շաբաթավերջին տեղի ունեցաւ Գանտիլլիի Ս. Երկոտասան Առաքելոց եկեղեցւոյ տարեկան անուան տօնախմբութիւնը։ Վոսփորի Ասիական ափի մեր այս գողտրիկ սրբավայրի շրջափակէն ներս հերթական անգամ եռուզեռ ստեղծուեցաւ այս արարողութիւններուն առթիւ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Հանրապետութեան նախագահ Ռեճեփ Թայյիպ Էրտողանին շնորհաւորական մը ուղղարկեց՝ 15 յուլիսի Ժողովրդավարութեան եւ ազգային միասնականութեան օրուան առթիւ։ Գումգաբուի աղբիւրներու հաղորդումներով, Ամեն. Ս. Պատրիարք Հայրը այս առթիւ նշած է, որ գիտակից կեցուածք որդեգրած հայրենակիցներ վեց տարի առաջ այսօր պաշտպանած են պետութեան գոյատեւումը եւ Ազգային մեծ ժողովի գերիշխանութիւնը, ինչ որ ժողովրդավարութեան առհաւատչեան է։
