Էսաեան սանուց միութեան վարչութիւնը երէկ երեկոյեան համայնքային շրջանակներու նկատառման յանձնեց պաշտօնական յայտարարութիւն մը, որ ուղարկուած է նաեւ մամուլին։ Հրապարակուած այս յայտարարութիւնը, դժբախտաբար, ջուրի երես կը հանէ Էսաեան սանուց միութեան եւ Պէյօղլուի Ս. Եկեղեցեաց թաղային խորհուրդին միջեւ վերջին շրջանին յառաջացած ցաւալի տագնապը, որու վերաբերեալ խօսակցութիւնները շրջանառութեան մէջ մտած էին վաղուց։
Գումգաբուի մէջ երէկ գումարուեցաւ Պատրիարքական Աթոռի Կրօնական ժողովը՝ նախագահութեամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։ Յուզումնախառն շարժառիթով նիստ մըն էր այս մէկը։
Գումգաբուի մէջ երէկ տեղի ունեցաւ Կեդրոնական վարժարանի ի նպաստ տարեկան մատաղօրհնութիւնը։ Ս. Աստուածածին Աթոռանիստ Մայր եկեղեցւոյ արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ տուաւ նաեւ օրուան պատգամը։
Գումգաբուի իրերայաջորդ խորհրդակցութիւնները համալրուեցան սանուց միութիւններու վարչայիններով:
Ամեն. Ս. Պատրիարք Հայրը հաւաքի ընթացքին շեշտը դրաւ երիտասարդութեան համախմբման կարեւորութեան վրայ:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ ընդունեց Ֆաթիհի քաղաքապետ Էրկիւն Թուրանը, որուն կ՚ընկերանար քաղաքապետական խորհուրդէն Պիւշրա Ունճու Էօզթէն։ Նորին Ամենապատուութեան կողքին էին Պատրիարքական փոխանորդ Տ. Գրիգոր Ա. Քհնյ. Տամատեան եւ Սամաթիոյ Ս. Գէորգ եկեղեցւոյ թաղային խորհուրդի ատենապետ Եսայի Տեմիր։
Երէկ յետմիջօրէին, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Իսթանպուլի Պապական փոխանորդի տեղակալ Մոնս. Լորենցօ Փիրեթթօ Եպիսկոպոսը, որուն կ՚ընկերանային Մոնս. Նիքոլաոս Վիրվոլ եւ Հայր Կուէնոլէ Վարդապետը։ Նորին Ամենապատուութեան կողքին էր Պատրիարքական փոխանորդ Տ. Գրիգոր Ա. Քհնյ. Տամատեան։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Գումգաբուի մէջ հիւրընկալեց յայտնի ոսկերիչ Սեւան Պըչաքճըն, որ իրեն նուիրեց «Sevan Bıçakcı, The Timekeeper» գեղատիպ հատորէն օրինակ մը։ Այցելութեան ընթացքին յայտնի վարպետին կ՚ընկերանար գործարար Տողան Էրպէք, որ Զուիցերիոյ Ժընեւ քաղաքին մէջ կը բնակի։
Ամեն. Ս. Պատրիարք Հայրը երէկ դարձեալ ընդունեց պոլսահայ նախակրթարաններու տնօրէնները:
Հայերէնի եւ կրօնի առարկաներու դասաւանդման արդիւնաւէտութեան բարձրացման համար ուշագրաւ որոնումներ:
Թոփգաբուի ընտանիքը վերջին օրերուն աւանդական ոգեւորութեամբ նշեց Ուսուցչաց օրը։ Այսպէս, Լեւոն-Վարդուհեան վարժարանի երդիքին տակ տեղի ունեցաւ հանդէս մը, որու ընթացքին աշակերտներու կողմէ կատարուած ելոյթները թէ՛ ծափահարելի էին եւ թէ ցոլացուցին անոնց կողմէ տածուած երախտագիտութիւնն ու սէրը՝ իրենց ուսուցիչներուն նկատմամբ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց պոլսահայ սարկաւագաց դասու անդամները։ Այսպէսով Ամեն. Ս. Պատրիարք Հայրը շարունակեց վերջին օրերու խորհրդակցութիւններու շարքը՝ պոլսահայ ազգային-եկեղեցական կեանքի առկայ զանազան հարցերուն շուրջ։
