Այս շաբաթավերջին նախատեսուած է Պաքըրգիւղի Ծն. Ս. Աստուածածին եկեղեցւոյ տարեկան աւանդական մատաղօրհնութիւնը, որուն զուգահեռ յարակից Տատեան վարժարանին համար տեղի պիտի ունենայ նուիրահաւաք։ Երէկ, հաճոյքն ունեցանք խմբագրատանս մէջ հիւրընկալելու Պաքըրգիւղի թաղային խորհուրդէն Մարի Եանճըն եւ Նաիլ Թոփլայըճըն։
Ղալաթիոյ խնամակալութիւնը այս տարի 28 հոկտեմբերին կը նախատեսէ կազմակերպել Կեդրոնական վարժարանի ի նպաստ տարեկան աւանդական նուիրահաւաքը։ Մատաղօրհնութեան պատրաստութիւնները արդէն ընթացքի մէջ են եւ այս շրջանակէն ներս երէկ երեկոյեան Ղալաթիոյ մէջ տեղի ունեցաւ ժողով մը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր ընդունեց Գնալըի Ս. Գրիգոր Լուսաւորիչ եկեղեցւոյ թաղային խորհուրդը՝ գլխաւորութեամբ ատենապետ Լեւոն Շատեանի։ Ներկայ էր նաեւ Կղզեաց հոգեւոր հովիւ Տ. Յարութիւն Աբեղայ Տամատեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ ընդունեց Հիւսիսային Ամերիկայի Արեւելեան թեմի հոգեւորականաց դասէն Տ. Վազգէն Ծ. Վրդ. Գարայեանը, որ նախկին պոլսահայ մըն է։ Հայր սուրբը տխուր առիթով մը կ՚այցելէ քաղաքս՝ իր եղբօր յուղարկաւորութեան առթիւ։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Ֆէրիգիւղի Ս. Վարդանանց եկեղեցւոյ մէջ նախագահեց կիրակնօրեայ Ս. Պատարագին եւ յաջորդած սիրոյ սեղանին։ Թաղի Մէրամէթճեան վարժարանին ի նպաստ երէկ կազմակերպուած տարեկան նուիրահաւաքը եւ աւանդական մատաղօրհնութիւնը առիթ դարձան արտասովոր խանդավառութեան։
Գոհունակութեամբ վերահասու կ՚ըլլանք, թէ մեր համայնքէն հոգեբոյժ Նուրհան Ֆստըքճը արժանացած է փրոֆեսէօրի կոչման։ Այս նուաճումը վերջին օրերուն ուրախութեան առիթ դարձած է համայնքային շրջանակներէն ներս։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Գումգաբուի մէջ հիւրընկալեց Գալֆաեան Տան խնամակալութեան ատենապետուհի Տիանա Գամբարոսեանն ու իր գործակիցները։ Այսպէս, Նորին Ամենապատուութեան ներկայացան վարժարանի հիմնադրի ներկայացուցիչ Թամար Քարասու, խնամակալութեան անդամներէն Ալէն-Տիրան Ներկիզ, ինչպէս նաեւ Քոյր Գայիանէ Տուլքատիրեան եւ Տ. Յարութիւն Աբեղայ Տամատեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց պոլսահայ լիսէներու տնօրէնները։ Ինչպէս ծանօթ է, Ամեն. Ս. Պատրիարք Հայրը վերջին օրերուն իրերայաջորդ կը մէկտեղուի պոլսահայ կրթական մշակներու հետ։
Ամենապատիւ Ս. Պատրիարք Հայրը երէկ մէկտեղուեցաւ պոլսահայ միջնակարգերու տնօրէններուն հետ:
Նորին Ամենապատուութիւնը կրթական մշակներու հետ խորհրդակցեցաւ կրօնի առարկայի դասաւանդման շուրջ:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Իսթանպուլի կուսակալ Ալի Երլիքայան։ Յետմիջօրէին տեղի ունեցաւ կուսակալին այցելութիւնը, որու ընթացքին Ամեն. Ս. Պատրիարք Հօր կողքին էր Պատրիարքական փոխանորդ Տ. Գրիգոր Ա. Քհնյ. Տամատեան։
