Գոհունակութեամբ վերահասու կ՚ըլլանք, թէ մեր արժէքաւոր իրաւաբաններէն Սառա Պարըն փայլուն վերելք կ՚արձանագրէ ասպարէզին մէջ։ Սառա Պարըն, որ կ՚աշխատի Լոնտոնի մէջ, վերջերս արժանի դասուած է մաս կազմելու լաւագոյն փաստաբաններու ցուցակին վրայ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր ընդունեց «Մարալ» երգի-պարի համոյթի ներկայացուցիչները՝ գլխաւորութեամբ գեղարուեստական ղեկավար Կարպիս Չափքանի եւ վարչութեան ատենապետուհի Վարդուհի Մսըրլեանի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Գումգաբուի մէջ հիւրընկալեց Աթոռի Ընկերային օժանդակութեան յանձնախումբի երիտասարդ անդամները։ Ամեն. Ս. Պատրիարք Հայրը այս առթիւ ջերմօրէն ողջունեց կամաւոր երիտասարդները։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վերջին օրերուն Գումգաբուի մէջ հիւրընկալեց Պէյքոզի Ս. Նիկողայոս եկեղեցւոյ թաղային խորհուրդի ատենապետ Վարուժան Մաղաքեանն ու ժրաջան անդամներէն Արէտ Չիչէքէքէրը։ Ներկայ էր նաեւ հոգեւոր հովիւ Տ. Յուսիկ Քհնյ. Հերկելեան։
Պատրիարքական Աթոռի հոգելոյս նախկին գահակալը՝ երանաշնորհ պատրիարք Տ. Մեսրոպ Արք. Մութաֆեան երէկ երեկոյեան ոգեկոչման ու յարգանքի ձեռնարկով մը վերյիշուեցաւ Ֆէրիգիւղի մէջ։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի կողմէ հովանաւորուած հանդիսութիւնը տեղի ունեցաւ «Շիրինօղլու» սրահի երդիքին տակ։
Թրքահայ Ուսուցչաց հիմնարկը արդէն հրատարակած է 2022 թուականի օրացոյցը։ Սա հիմնարկի աւանդական նախաձեռնութիւնն է։
TET AJANDA առցանց հարթակին վրայ այսօր երեկոյեան ուղիղ եթերով հարցազրոյցի մը հրաւիրուած է ԺԱՄԱՆԱԿ-ի գլխաւոր խմբագիր Արա Գօչունեան։ Յիշեալ հարթակի Instagram-ի հաշիւէն պիտի սփռուի այս զրոյցը, զոր պիտի վարէ Շահնուր Գազանճը։
Երէկ, հաճոյքն ունեցանք խմբագրատանս մէջ հիւրընկալելու Գալֆաեան Տան խնամակալութեան սիւներէն Տանիէլ Անթիքաճեանն ու Յարութիւն Շէշէթեանը։ Յառաջիկայ 21 նոյեմբերին պիտի նշուի Գալֆաեան Տան հիմնադրութեան 155-րդ տարեդարձը։
ԺԱՄԱՆԱԿ-ի ընտանիքի երիցագոյն նուիրեալներէն Տ. Մաշտոց Քհնյ. Գալփաքճեան վերջին օրերուն վիրահատութեան մը ենթարկուեցաւ։ Ուրախ ենք մեր ընթերցողներուն տեղեկացնել, որ գործողութիւնը անցած է բարեյաջող։
