Ղալաթիոյ Ս. Գրիգոր Լուսաւորիչ եկեղեցւոյ մէջ երէկ Ս. Պատարագի արարողութեան հանդիսապետեց Տ. Զաքէոս Ծ. Վրդ. Օհանեան, որ խօսեցաւ նաեւ քարոզ մը։ Պատարագիչն էր Տ. Յովակիմ Աբեղայ Սերովբեան։
Գոհունակութեամբ վերահասու կ՚ըլլանք, թէ Սամաթիոյ Սահակեան-Նունեան վարժարանի միջնակարգի աշակերտները վերջերս ունեցած են գնահատելի նուաճում մը։ Այսպէս, անոնք արժանացած են «e-Twinning-21 Եւրոպա»ի առաջնութեան։
Կէտիկփաշայի «Հրանդ Տինք» վարժարանի մէջ հրաժեշտի վաղաժամ հաւաքոյթ մը տեղի ունեցաւ այս տարուայ շրջանաւարտներուն համար։
Դպրոցի աղբիւրները տեղեկացուցին, որ հակառակ տնտեսական դժուարութիւններուն՝ աշխատանքները կը շարունակուին, կրթական գործունէութիւնը կը շարունակուի կայուն թափով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ այցելեց մայրաքաղաք Անգարա։ Պեշթեփէի նախագահական համալիրէն ներս Ամեն. Ս. Պատրիարք Հայրը հրաւիրուած էր մասնակցելու Հանրապետութեան նախագահ Ռեճեփ Թայյիպ Էրտողանի հովանաւորութեան ներքեւ կազմակերպուած հաւաքոյթի մը, որու ընթացքին հրապարակուեցաւ Մարդու իրաւանց գործողութիւններու ծրագիրը։
Կաթողիկէ Հայոց Արքեպիսկոպոսարանի կողմէ հրատարակուած «Կամուրջ»ը դարձեալ ընթերցասէրներու տրամադրութեան տակ է։ Յստակ պարբերականութիւն մը չունի այս մէկը, որ կը պատրաստուի՝ որպէս Հայ կաթողիկէ հասարակութեան կողմէ պիւլթէն մը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Անգարայի մօտ Գերմանիոյ դեսպան Եուրկէն Շուլցը։ Պատրիարքարանի հանդիպման ընթացքին Շուլցին ընկերացան իր կողակիցը եւ դեսպանութեան խորհրդականներէն Փոլ Ամանն։
Երէկ յետմիջօրէին, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց «ՍԱԹ-7 ԹԻՒՐՔ» հեռուստակայանի վարչութենէն Մելիհ Էքէնէրը, Ճիւնէյթ Արըքանը, Իւմիտ Թէյմուրն ու Գրիգոր Տինչքայըքճըն։ Հանդիպման ներկայ եղան Պատրիարքական Աթոռի «ՍԱԹ-7 ԹԻՒՐՔ» հեռուստակայանի հետ յարաբերութեանց յանձնախումբի անդամները։
Գոհունակութեամբ վերահասու կ՚ըլլանք, թէ Պատրիարքական փոխանորդ Տ. Գրիգոր Ա. Քհնյ. Տամատեան պատրաստած է Պէշիկթաշի Ս. Աստուածածին եկեղեցւոյ մասին յուշամատեան մը։ Սա պատմական թաղին վերաբերեալ կարեւոր ուսումնասիրութիւն մըն է ու նոյնպէս կարեւոր ներդրում մը՝ մեր համայնքի հաւաքականութեան յիշողութեան տեսակէտէ։
Պոլսոյ մէջ տարիներ շարունակ գեղեցիկ աւանդութիւն եղած է, Մեծ պահոց շրջանի Արտաքսման կիրակիէն սկսեալ, կիրակնօրեայ Հսկում կատարել եւ Բանին Կենաց քարոզութեամբ հաւատացեալ ժողովուրդին հոգեւոր սնունդ մատակարարել։ Նման Արեւագալի արարողութիւններուն, այս ժամերգութիւններուն եւս կը հանդիսապետեն Պատրիարքարանի կողմէ նշանակուած վեղարաւորներ։
ԻՒՆԷՍՔՕ-ի ներդրումով՝ 1999 թուականէն սկսեալ ամէն տարի 21 փետրուարին աւանդութիւն դարձած է յիշատակել Մայրենի լեզուի միջազգային օրը։ Այս առիթով Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան պատգամ մը հրապարակեց եւ շնորհաւորեց Մայրենի լեզուի միջազգային օրը ու խօսեցաւ արեւմտահայերէնի գործածութեան մասին։
