Պոլսահայ հոգեւորականաց դասու երիտասարդ ու խոստմնալից անդամներէն Տ. Մաղաքիա Աբեղայ Պեսքիսիզեան այս առաւօտ արտասահման մեկնեցաւ՝ կատարելագործելու համար իր բարձրագոյն ուսումը։ Հայր սուրբը Իսթանպուլէն մեկնեցաւ Պրիւքսել՝ օդային ճանապարհով, անհրաժեշտ բոլոր պայմանները բաւարարած ըլլալով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի նախագահութեամբ, երէկ, յետմիջօրէին, Պատրիարքարանի մէջ տեղի ունեցաւ հանդիպում մը, որու ընթացքին Պատրիարքական Աթոռոյ հովանիին ներքեւ համակարգիչներ յանձնուեցան վարժարաններու ներկայացուցիչներուն։
Սամաթիոյ Սուրբ Գէորգ եկեղեցւոյ թաղային խորհուրդը միշտ անմիջական ուշադրութեան առարկայ կը դարձնէ Պալըքլըի պատմական ազգային գերեզմանատունը:
Իսթանպուլի գլխաւոր քաղաքապետութիւնը վերակառուցած է ընդարձակ համալիրի պարիսպներն ու ցանկապատերը, կը վերականգնուի նաեւ մուտքի բաժինը:
Ծառայութիւնները պիտի կատարելագործուին՝ շնորհիւ նոր շինուած սրահին՝ յարակից խոհանոցով հանդերձ: Սուրբ Սարգիս մատուռն ալ ենթարկուած է բարեզարդման աշխատանքներու:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հրաւէրով, երէկ, յետմիջօրէին, Պատրիարքարանի մէջ տեղի ունեցաւ խորհրդակցական ժողով մը, որու ընթացքին Պատրիարքական Աթոռոյ «Մենթի-Մենթոր» ծրագրի մասին խորհադածութիւններ տեղի ունեցան։ Ժողովին մասնակցեցան Կեդրոնական վարժարանի տնօրէնուհի Սիլվա Գույումճեան, Ս. Խաչ դպրեվանքի տնօրէն Արմէն Սարուխանեան, Սահակեան-Նունեան վարժարանի տնօրէնուհի Տիանա Եըլանճըօղլու, Մխիթարեան վարժարանի տնօրէնուհի Եւա Օրագեան, վաստակաւոր տնօրէնուհի Սաթենիկ Նշան, Մերի Թաքսի Տեւեճեան, Ժպիտ Էօղէր, Քարոլին Իւչէր Իչլիիւրէք, տոչ. տքթ. Քոզէթ Աւանուս, Արաս Եոլուսեւէր, Լեռնա Մեզիրճիեան, Մկրտիչ Արծիւեան եւ Շահնուր Գազանճը։
Կը տեղեկանանք, որ մեր ազգայիններէն Վազգէն Պարըն երէկ ենթարկուած է սրտի գործողութեան մը։ Համայնքային շրջանակներու ամենահամակրելի դէմքերէն մին է Վազգէն Պարըն, որ կ՚անդամակցի նաեւ Շիշլիի Քաղաքապետական խորհուրդին։
Հայաստանի ֆութպոլի ազգային հաւաքականի թրքահայ խաղացողներէն Արաս Էօզպիլիզ կեանքի կոչեց բարեգործական ծրագիր մը։ Էօզպիլիզ, որ մօտաւոր անցալին Պէշիկթաշի մարզաշապիկով հանդէս եկած էր եւ ներկայիս Երեւանի «Փիւնիկ» ակումբին մաս կը կազմէ, Հայաստանի մէջ կառուցել տուած է ֆութպոլի դաշտ մը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ, Պատրիարքարանի մէջ ընդունեց Սամաթիոյ Ս. Գէորգ եկեղեցւոյ թաղային խորհուրդի անդամները՝ գլխաւորութեամբ ատենապետ Եսայի Տեմիրի։ Ներկայ էր նաեւ եկեղեցւոյ երէց Տ. Զօհրապ Քհնյ. Ճիվանեան։
Գնալըի Ս. Գրիգոր Լուսաւորիչ եկեղեցւոյ մէջ, շաբաթավերջին, Խաչվերացի տաղաւարի առթիւ Հսկման արարողութիւն կատարուեցաւ՝ հանդիսապետութեամբ եկեղեցւոյ հոգեւոր հովիւ Տ. Յարութիւն Աբեղայ Տամատեանի։ Արարողութեան մասնակցեցան նաեւ Պատրիարքական փոխանորդ Տ. Գրիգոր Ա. Քհնյ. Տամատեան, Լեւոն Սրկ. Գույումճեան եւ Ալէն Տիրան Սրկ. Ներկիզեան։
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Սուրբ Աւետարանը, ապաշխարող մեղաւորի մը կեանքէն ներս իրականացած սրբակենցաղ ապրելակերպի վերադարձին ու անոր յառաջացուցած ուրախութեան մասին կը խօսի։
Մեծ պահոց Քառասնորդաց Գ. կիրակին կը ներկայանայ իր խորիմաստ ու տպաւորիչ պատգամով, որ Քրիստոսի պատմած առակներու ընդմէջէն կը յայտնուի։
Գարեգին Քայա Քալայճըի նմոյշներու ներկայացումը հետաքրքրութեան առարկայ:
Սկիւտարի քաղաքապետարանի նախաձեռնութեամբ ցուցահանդէս՝ «Նեւմեքան» սրահի երդիքին տակ:
