Թրքահայ կեանք

Թուր­քիոյ Հայ Կա­թո­ղի­կէ հա­սա­րա­կու­թիւ­նը ե­րէկ մե­ծա­րեց իր վաս­տա­կա­ւոր վի­ճա­կա­ւո­րը՝ Տ. Յով­հան­նէս Արք. Չո­լա­քեա­նը։ Այս առ­թիւ Գա­տը­գիւ­ղի Ս. Լե­ւոն հայ կա­թո­ղի­կէ ե­կե­ղեց­ւոյ մէջ տե­ղի ու­նե­ցած կրօ­նա­կան եւ աշ­խար­հիկ ա­րա­րո­ղու­թիւն­նե­րուն նա­խա­գա­հեց Թուր­քիոյ Հայ Կա­թո­ղի­կէ Հա­սա­րա­կու­թեան Վի­ճա­կա­ւոր Տ. Լե­ւոն Արք. Զէ­քիեան։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան նա­խըն­թաց օր հիւ­րըն­կա­լեց Օր­թա­գիւ­ղի Ս. Աս­տուա­ծա­ծին ե­կե­ղեց­ւոյ թա­ղա­յին խոր­հուր­դի ա­տե­նա­պետ Իս­քէն­տէր Շա­հին­կէօզն ու իր ըն­կեր­նե­րը։ Խում­բին հետ էին նաեւ Տ. Մա­ղա­քիա Ա­բե­ղայ Պես­քի­սի­զեան եւ Տ. Զա­քար Քհնյ. Քո­փա­րեան։

Օր­թա­գիւ­ղի Թարգ­ման­չաց վար­ժա­րա­նի շրջա­նա­ւար­տից օ­րը ա­ռիթ դար­ձաւ, որ­պէս­զի հին ու նոր թարգ­ման­չաց­ցի­ներ ի մի հա­ւա­քուին ի­րենց կրթօ­ճա­խի յար­կին տակ։ Խան­դա­վառ հա­ւա­քոյ­թին ըն­թաց­քին ներ­կա­նե­րը ող­ջու­նեց սա­նուց միու­թեան վար­չու­թե­նէն Մե­լի­սա Ֆե­րա­հեան։

Գա­տը­գիւ­ղի ըն­տա­նի­քը ե­րէկ տօ­նա­կան օր մը ապ­րե­ցաւ թա­ղի Ա­րա­մեան-Ուն­ճեան վար­ժա­րա­նի շրջա­նա­ւարտ­նե­րու օ­րուան առ­թիւ։ Հո­գե­գալս­տեան տօ­նին օ­րուան զու­գա­դի­պած հա­ւա­քին շրջագ­ծով գա­տը­գիւղ­ցի­նե­րը նախ կի­րակ­նօ­րեայ Ս. Պա­տա­րա­գի մաս­նակ­ցե­ցան թա­ղի Ս. Թա­գա­ւոր ե­կե­ղեց­ւոյ մէջ, ուր տե­ղի ու­նե­ցաւ նաեւ հո­գե­հանգս­տեան պաշ­տօն։

Սա­մա­թիոյ ըն­տա­նի­քը ե­րէկ խան­դա­վառ օր մը ապ­րե­ցաւ թա­ղի Սա­հա­կեան-Նու­նեան վար­ժա­րա­նի շրջա­նա­ւար­տից հա­ւա­քին առ­թիւ։ Այս առ­թիւ վար­ժա­րա­նը հիւ­րըն­կա­լեց իր զա­նա­զան սե­րունդ­նե­րէ շրջա­նա­ւարտ­նե­րը, ո­րոնք հա­մա­կուած էին տօ­նա­կան տրա­մադ­րու­թեամբ։

Է­սաեան սա­նուց միու­թեան «Մա­րալ» եր­գի-պա­րի հա­մոյ­թի փոք­րիկ­նե­րը շա­բա­թա­վեր­ջին ի­րա­կա­նա­ցու­ցին ան­մո­ռա­նա­լի պտոյտ մը դէ­պի Սկիւ­տար։ Է­սաեան սա­նուց միու­թեան վար­չա­յին­նե­րուն եւ պա­րու­սոյց Կար­պիս Չափ­քա­նի գլխա­ւո­րու­թեամբ խում­բը Գալ­ֆաեան Տան ննջա­րա­նի բաժ­նի պար­տէ­զին մէջ հա­մախմ­բուե­ցաւ դաշ­տա­հան­դէ­սի մը առ­թիւ։

Աթագիւղի «Եունուս Էմրէ» մշակոյթի կեդրոնին մէջ խանդավառ հաւաքոյթ՝ Պատրիարքական Ընդհանուր Փոխանորդ Տ. Արամ Արք. Աթէշեանի մասնակցութեամբ:
ZİBEÇ-ի տարեվերջի հանդիսութիւնը եւ զուգահեռաբար կազմակերպուած քէրմէսը ստեղծեցին մեծ խանդավառութիւն՝ արդարացնելով կառոյցի յաջող երթը:

Ֆէ­րի­գիւ­ղի Մէ­րա­մէթ­ճեան վար­ժա­րա­նի տնօ­րէ­նու­թեան նա­խա­ձեռ­նու­թեամբ վեր­ջին եր­կու օ­րե­րուն կազ­մա­կեր­պուած ֆութ­պո­լի մրցա­շար­քը ստեղ­ծեց մեծ խան­դա­վա­ռու­թիւն։ Միջ­վար­ժա­րա­նա­յին այս մրցա­շար­քը ձօ­նուած էր մեր մար­զա­կան աշ­խար­հի խորհրդան­շա­կան ա­նուն­նե­րէն Ա­լեք­սան Տա­տեա­նի յի­շա­տա­կին։

ԱՔ կու­սակ­ցու­թեան Սկիւ­տա­րի մաս­նա­ճիւ­ղի ղե­կա­վա­րու­թիւ­նը ե­րէկ ե­րե­կո­յեան նա­ւապ­տոյտ մը կազ­մա­կեր­պեց Վոս­փո­րի մէջ։ Յու­նիս 7-ին կա­յա­նա­լիք խորհր­դա­րա­նա­կան ընտ­րու­թիւն­նե­րու նա­խօ­րեա­կին զու­գա­դի­պած այս ծո­վապ­տոյ­տին ներ­կայ գտնուե­ցաւ նաեւ նոյն կու­սակ­ցու­թեան կող­մէ ե­րես­փո­խա­նի թեկ­նա­ծու ա­ռա­ջադ­րուած Մար­գար Է­սաեան։

Է­սաեան սա­նուց միու­թեան վար­չու­թեան նա­խա­ձեռ­նու­թեամբ ե­րէկ պտոյտ մը կազ­մա­կեր­պուե­ցաւ դէ­պի Պահ­չէ­գիւղ։ Տեղ­ւոյն զբօ­սա­րան­նե­րէն մէ­կուն մէջ մե­ծա­մաս­նու­թիւ­նը Է­սաեան վար­ժա­րա­նէ շրջա­նա­ւարտ խումբ մը տի­կին­ներ ան­ցու­ցին հա­ճե­լի օր մը։