Պաքըրգիւղի ընտանիքը շաբաթավերջին համայնքային շրջանակները հիւրընկալեց՝ «Ակադեմիա Տատեան» խորագրեալ հաւաքոյթի մը շրջանակներէն ներս։ Ձեռնարկի պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Գումգաբուի ընտանիքը յատկանշական շաբաթավերջ մը ապրեցաւ՝ Պէզճեան Մայր վարժարանի շրջանաւարտից տարեկան աւանդական հաւաքին առթիւ։ Պէզճեանցի զանազան սերունդներէ սաներ երէկ առաւօտ Ս. Աստուածածին Աթոռանիստ Մայր եկեղեցւոյ մէջ մասնակցեցան Ս. Պատարագին, որու աւարտին հոգեհանգստեան պաշտօնով վերյիշուեցան դպրոցի բարեյիշատակ հիմնադիրները, տնօրէնները, կրթական մշակները, սատարողներն ու բոլոր սաները։
Թուրքիոյ Հայոց Պատրիարք Ամենապատիւ Տ. Սահակ Սրբազան Արքեպիսկոպոս Մաշալեան երէկ յետմիջօրէին այցելեց Էսաեան սանուց միութիւնը, ուր մասնակցեցաւ «Մարալ» համոյթի հերթական փորձին։ Գեղարուեստական ղեկավար Կարպիս Չափքանի գլխաւորութեամբ մարալցիները խանդավառութեամբ դիմաւորեցին Ամենապատիւ Սրբազան Պատրիարք Հայրը, որու կողքին էր Տ. Յարութիւն Վարդապետ Տամատեան։
Սահակեան-Նունեան վրժ.ի սաներուն հայերէն թատերական ներկայացումը ծափահարութիւններու արժանացաւ: Պատուոյ հիւրն էր Ամեն. Ս. Պատրիարք Հայրը:
Թոփգաբուի Լեւոն-Վարդուհեան վարժարանի սաները վերջին օրերուն այցելեցին «Ուսողութեան գիւղը», Շիրինճէ։ Խումբը առաջնորդեց տնօրէնուհի Անիթա Թումայեան։ Աշակերտներուն տեսակէտէ հետաքրքրական էր ծանօթանալ յայտնի մասնագէտ փրոֆ. Ալի Նեսինի հետ, որ ջերմ վերաբերմունք ցոյց տուաւ անոնց նկատմամբ։
Ամեն. Ս. Պատրիարք Հայրը տեսակցեցաւ պոլսահայ դպրոցներու տնօրէններուն կամ ներկայացուցիչներուն հետ:
Համայնքային վարժարաններէ ներս կրօնագիտութեան առարկայի դասաւանդման արդիւնաւէտութեան շուրջ քննարկում:
Թոփգաբուի ընտանիքը վերջին օրերուն մեծ խանդավառութիւն ապրեցաւ՝ թաղի Լեւոն-Վարդուհեան վարժարանի առաջին դասարանի ընթերցման տօնին առթիւ։
Ս. Նիկողայոս եկեղեցւոյ յարակից «Իլքքան» սրահին մէջ տեղի ունեցաւ առաջին դասարանի փոքրիկներուն հանդէսը, որու ընթացքին անոնք իրենց յաջող ելոյթներով արժանացան ծափահարութիւններու։
Պատրիարքարանի աղբիւրները հաղորդեցին, որ նախընթաց օր իր մահկանացուն կնքած է՝ Անգարայի փոքրաթիւ հայ համայնքի երիցագոյն դէմքերէն Կարապետ Սէօքելի։ Յառաջացած տարիքին բերումով ան կը տառապէր առողջական խնդիրներէ, իսկ շուրջ երկու տարիէ ի վեր, դժբախտաբար, անկողնոյ կը ծառայէր:
Փրոֆ. Թորոս Ալճանի գլխաւորած համախոհներու խումբը կը պատրաստուի ներկայանալ համայնքին:
Սուրբ Փրկիչ Ազգային հիւանդանոցի հոգաբարձութեան ենթադրեալ ընտրութիւններուն կապակցութեամբ թրքահայ կեանքէն ներս նոր խմորումներ: Պատրիարքարանի մէջ խորհրդակցութեան մասնակցեցան թեկնածուները՝ մինչ կը սպասուի պետական պատկան իշխանութիւններուն կողմէ ընտրական կանոնադրութեան պաշտօնապէս հրապարակման:
Երէկ, Գալֆաեան տան մէջ ուրախ մթնոլորտով հիւրընկալւեցաւ Տ. Յարութիւն Վրդ. Տամատեան, որ տեսակցեցաւ տնօրէնուհի Թամար Ներկիզի եւ վաստակաւոր կրթական մշակ Արուսեակ Մկրտիչեանի հետ։ Այցելութեան ընթացքին հայր սուրբը դպրոցի գրադարանին համար նուիրեց՝ իր վարդապետական թեզին հիման վրայ հրատարակուած գիրքէն մակագրուած օրինակ մը։
