Թրքահայ կեանք

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Եոզղատի Պուրունքըշլա գիւղի հայերու ներկայացուցիչները՝ Յովսէփ Արզումանը եւ Յակոբ Թորոսօղլուն։

Գարակէօզեան տան խումբ մը սաներ երէկ այցելեցին Պէյօղլուի Ս. Երրորդութիւն եկեղեցին։ Սա յատկանշական ուղեւորութիւն մըն էր տղոց տեսակէտէ՝ գլխաւորութեամբ ուսուցչուհի Գարին Պալ-Տեմիրի։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Եշիլգիւղի Ս. Ստեփանոս եկեղեցւոյ թաղային խորհուրդի անդամները։ Ներկայ էր նաեւ թաղի հոգեւոր հովիւը՝ Տ. Նաթան Քհնյ. Արապեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Գուրուչէշմէի Երեւման Ս. Խաչ եկեղեցւոյ թաղային խորհուրդի ատենապետ Լեւոն Քուզիքօղլուն եւ գործակից ընկերները։ Հանդիպման ներկայ էր նաեւ Տ. Յովակիմ Վրդ. Սերովբեան, որ այս եկեղեցւոյ հոգեւոր հովիւն է։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Գերմանիայէն Պերճ Քէօշէեանը, որ եղած է նախկին պոլսահայ մը։ Գերմանաբնակ հիւրին ընկերացաւ վաստակաւոր կրթական մշակ Նուարդ Էտիրնէ։

Սուրբ Խաչ դպրեվանքի սաները անցեալ շաբթուան մէջ այցելեցին Փարիզ, ուր ունեցան շուրջ հինգ օրուան կեցութիւն մը։ Վարժարանի անգլերէնի ակումբէն խումբ մը աշակերտներ մասնակցեցան այս ուղեւորութեան՝ գլխաւորութեամբ տնօրէն Սերքան Քըյըճըի։

Երէկ, հաճոյքն ունեցանք խմբագրատանս մէջ հիւրընկալելու Սամաթիոյ Սահակեան-Նունեան վարժարանի ուսուցչուհիներէն Ժպտուն Զուռնաճըն եւ Լիանա Պենլին, որոնց միացած էին լիսէի բաժնի աշակերտներէն Թայիս Տողանճըօղլուն, Օլիվիա Աչըքկէօզն ու Միքայէլ Յովհաննիսեանը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Անգարայի մօտ Ֆինլանտիոյ դեսպան Փիրքքօ Միրիամին։ Դեսպան Միրիամիին կ՚ընկերանային Իսթանպուլի մէջ Ֆինլանտիոյ պատուոյ հիւպատոս Ճէֆ Հաքքօ եւ իր օգնականը։

Հարպիյէի «Ճեմալ Ռեշիտ Ռէյ» համերգասրահին մէջ այս առաւօտ մեր համայնքի արժէքաւոր իրաւաբաններէն Սեդրակ Տավութհանին շնորհուեցաւ յուշամետայլ մը։

Վերջին տեղական ինքնակառավարման մարմիններու ընտրութիւններով ձեւաւորուած Շիշլիի նոր քաղաքապետական խորհուրդը վերջերս գումարեց իր անդրանիկ նիստը։ Քաղաքապետական խորհուրդի այս առաջին ժողովին ընթացքին ձեւաւորուեցան զանազան յանձնախումբերը։