Լրահոս

Պոլսահայ մշակութասէրներուն տեսակէտէ շաբաթավերջին եզակի ու հաճելի իրադարձութիւն մը եղաւ «Կիկօ-ի հետ առաջ ու յետ» խորագրեալ ցուցահանդէսին բացումն ու նոյն առթիւ պատրաստուած գիրքին շնորհանդէսը։ Երէկ յետմիջօրէին, Գարակէօզեան տան համալիրէն ներս, «Նատիա եւ Տիգրան Կիւլմէզկիլ» գեղարուեստից աշխատանոցի երդիքին տակ տեղի ունեցաւ ձեռնարկը, որ մեծանուն բանաստեղծ Զահրատի վիթխարի ժառանգութեան վառ հետքերուն հետեւելու առումով ինքնուրոյն հնարաւորութեան մը վերածուեցաւ

Հանրապետութեան նախագահ Ռեճեփ Թայյիպ Էրտողան երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Տանըլտ Թրամփի հետ։ Անգարա-Ուաշինկթըն առանցքին վրայ սա եղաւ Սպիտակ տան նոր շրջանի առաջին ամենաբարձր մակարդակի շփումը։

Հայաստանի վարչապետ Նիկոլ Փաշինեան շաբաթավերջին հեռախօսազրոյցներ ունեցաւ Ֆրանսայի Հանրապետութեան նախագահ Էմմանիւէլ Մաքրոնի եւ Իրանի նախագահ Մեսուտ Փեզեշքիանի հետ։

Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Ռուսաստանի նախագահ Վլատիմիր Փութինի հետ։ Պաշտօնական աղբիւրներու հաղորդումներով, երկու ղեկավարներու շփումը տեղի ունեցաւ՝ Հայաստան-Ատրպէյճան ենթադրեալ խաղաղութեան պայմանագրի բովանդակութեան շուրջ բանակցութիւններու աւարտին կապակցութեամբ։

Էյուպի Ս. Եղիա եկեղեցւոյ մէջ սկսած են բարեկարգման աշխատանքներ։ Վերանորոգութեան ծրագրին մասին այսօր տեղեկութիւններ փոխանցեցին Պատրիարքական Աթոռի աղբիւրները, որոնք հաղորդեցին նաեւ, որ աշխատանքներուն բերումով Էյուպի Ս. Եղիա եկեղեցւոյ մէջ Մեծ պահոց շրջանին տեղի պիտի չունենան Արեւագալի ժամերգութիւններ։

Օրհնութեամբ Ամենապատիւ Սրբազան Պատրիարք Հօր, հովանաւորութեամբ Լիզպոնի Գալուստ Կիւլպէնկեան հիմնարկի, հիւրընկալմամբ Գարակէօզեան տան:
Ի յիշատակ Զահրատի. Կիկօ-ի հետ առաջ ու յետ:
«Ֆակտում» փաստագրական կեդրոնի, «ԺԱՄԱՆԱԿ» օրաթերթի եւ «Ակտուալ արվեստ» հրատարակչութեան ջանքերով:
Մեծ բանաստեղծին ձօնուած շաբաթավերջի ցուցահանդէսն ու գրքի շնորհանդէսը մշակութային անկրկնելի հնարաւորութիւն մը պիտի ըլլայ՝ մասնաւորապէս գրասէր շրջանակներուն համար:

Ատրպէյճանի գլխաւոր պայմանը մնալ կը շարունակէ Հայաստանի Սահմանադրութեան փոփոխութիւնը:
Երեւան եւ Պաքու թէեւ համաձայնեցուցին ենթադրեալ խաղաղութեան պայմանագրի բովանդակութիւնը, սակայն, նոյնիսկ այդ տարբերակը չի ստորագրուիր: Հաշտութեան ջանքերու բեկումնային պահուն Անգարային ուղղեալ պատգամներ:

Մինչ Սուրիոյ մէջ անցումային շրջանը թափով կը շարունակուի, Թուրքիա կը շարունակէ անմիջական ուշադրութիւն ցուցաբերել իրադարձութիւններուն նկատմամբ։ Անգարայէն բարձրաստիճան պատուիրակութիւն մը երէկ այցելեց Դամասկոս, ուր հիւրընկալուեցաւ ամենաբարձր մակարդակի վրայ:

Հայկական գիտական աշխարհը երէկ ցաւալի կորուստ մը ունեցաւ։ Ոչ եւս է ակադեմիկոս Ալպերթ Ղուլեան, որ մահացաւ 86 տարեկան հասակին։

Մշակոյթի եւ զբօսաշրջութեան նախարար Մեհմէտ Նուրի Էրսոյի մասնակցութեամբ, երէկ երեկոյեան, Պոմոնթիի «Հիլթըն» պանդոկին մէջ տեղի ունեցաւ իֆթարի հաւաքոյթ մը, որ համախմբեց քաղաքական գործիչներ, բարձրաստիճան դիւանակալներ, դիւանագէտներ եւ Թուրքիոյ ոչ-իսլամ փոքրամասնական համայնքներու հոգեւոր եւ աշխարհական առաջնորդները։