Լրահոս

Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապը նոր նուիրակ մը նշանակեց Անգարայի մօտ։ Այսպէս, յառաջիկայ շրջանին Թուրքիոյ մէջ Վատիկանը պիտի ներկայացնէ Մոնս. Մարեք Սոլծինսքի՝ որպէս պապական նուիրակ։

Ատրպէյճանի նախագահ Իլհամ Ալիեւի աշխատակազմի արտաքին քաղաքականութեան վարչութեան պետ Հիքմէթ Հաճիեւ հերթական անգամ խօսեցաւ Հայաստանի հետ խաղաղութեան պայմանագրի եւ «Զանգեզուրի միջանցք»ին մասին։

Ամերիկահայ «Պայքար» շաբաթաթերթը արձագանգեց ԺԱՄԱՆԱԿ-ի հնչեցուցած ահազանգին՝ հարցազրոյց մը հրապարակելով թերթիս գլխաւոր խմբագիր Արա Գօչունեանի հետ:
«Խնդիրները, ըստ էութեան, կը յառաջանան այն կէտերէն, որոնք փոքրամասնութիւններու համար կատարուած բարեփոխումներէն օգտուելով սկսած են մեծ հարստութիւններ տնօրինել, սակայն, ժողովրդական հակակշիռէ զերծ են: Հաւաքական զօրակցութեան, համագործակցութեան մակարդակը բաղձալի մակարդակէն շատ հեռու է, իսկ այս երեւոյթի մամլոյ պարագային դրսեւորումը ահաւոր անտարբերութիւն մըն է»:

Հանրապետութեան նախագահ Էրտողանի բանբերը՝ Իպրահիմ Քալըն երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Ճօ Պայտընի Ազգային անվտանգութեան գծով աւագ խորհրդական Ճէյք Սալըվընի հետ։ Պաշտօնական աղբիւրներու հաղորդումներով, զրոյցի տեւողութեան օրակարգի վրայ եկան նաեւ Թուրքիա-Հայաստան յարաբերութիւններու բնականոնացման գործընթացին վերաբերեալ մանրամասնութիւններ։

Հանրապետութեան նախագահ Ռեճեփ Թայյիպ Էրտողան երէկ Անգարայի մէջ հիւրընկալեց Ատրպէյճանի Պաշտպանութեան նախարար Զաքիր Հասանովը, որ պաշտօնական այցելութիւն մը տուաւ Թուրքիա։ Ազգային պաշտպանութեան նախարար Հուլուսի Աքարի ներկայութեամբ Էրտողան Պեշթեփէի համալիրէն ներս տեսակցեցաւ հիւր նախարարին հետ։

Հայաստանի նախկին նախագահը հարցազրոյց մը տուաւ վարչապետ Նիկոլ Փաշինեանի վերջին պնդումներու լոյսին տակ:
Սերժ Սարգսեան. «Դուք լսա՞ծ էք պաշտօնատար անձերէն շատ յստակ պատասխան մը, թէ ի՞նչ պիտի ըլլայ, վերջապէս, Ղարաբաղի խնդիրը»:

Շարժանկար՝ պատերազմի, սիրոյ, մեր օրերու նուիրեալներու, միասնութեան, պետական մտածողութեան կերտման եւ հայրենասիրութեան մասին, երեք սերունդներու աչքերով:
Մարտ 1-ին հանրութեան պիտի ներկայացուի բեմադրիչ Ռոման Մուշեղեանի «Գարուն ա…» ժապաւէնը, որուն գլխաւոր արտադրողներն են Ալեքսանդր Խաչատրեան եւ Տիանա Աւետիսեան: 

Ճաբոնի մէջ հայ երաժշտական մշակոյթը աշխուժօրէն տարածելու գործին մէջ մեծ ներդրում ունենալուն համար Թոքիոյի մէջ «Կոմիտաս» երաժշտական միութեան համահիմնադիր, տաղանդաւոր դաշնակահար Թաքահիրօ Աքիպա պարգեւատրուեցաւ Հայաստանի Կրթութեան, գիտութեան, մշակոյթի եւ մարմնամարզի նախարարութեան մետայլով։

Մխիթարեաններու Վիեննայի վանքի գրադարանի հայ պարբերական մամլոյ հաւաքածոյի թուայնացում:
«Կիւլպէնկեան» հիմնարկի հովանաւորած ծրագրին ներգրաւուած է նաեւ Հայաստանի Գիտութիւններու ազգային ակադեմիան:

Իսթանպուլի եւ Երեւանի միջեւ ուղիղ թռիչքները վաղը պիտի վերսկսին՝ շուրջ երկուքուկէս տարուայ ընդհատումէ մը վերջ։ Այժմու նոր մեկնարկը տեղի կ՚ունենայ՝ Թուրքիա-Հայաստան յարաբերութիւններու բնականոնացման գործընթացի համայնապատկերին վրայ, եւ անոր համապատասխան իմաստ կը վերագրուի։