«Անատոլու» գործակալութիւնը երէկ տեղեկեցուց, որ վերջին երկու ամսուայ ընթացքին 34 հազար 500 հոգի այցելած է պատմական Անի քաղաքը։ Պաշտօնական գործակալութեան կողմէ «Քաղաքակրթութիւններու օրրան» որակուած է միջնադարեան հոյակերտ քաղաքի այժմու աւերակները, որոնք ներկայիս սպիտակ քօղի տակ մնացած են։
Անթալիայի Դիւանագիտական ֆորումի շրջանակէն ներս շաբաթավերջին տեղի ունեցաւ Թուրքիոյ եւ Հայաստանի արտաքին գործոց նախարարներուն տեսակցութիւնը:
Մեւլիւտ Չավուշօղլու եւ Արարատ Միրզոյեան հանդիպման յաջորդած յայտարարութիւններուն մէջ վերահաստատեցին Անգարա-Երեւան առանցքին վրայ կարգաւորման հասնելու պատրաստակամութիւնը:
Հայաստանի Հանրապետութեան նորընտիր նախագահ Վահագն Խաչատուրեան երէկ երդուելով պաշտօնապէս ձեռնարկեց իր առաքելութեան։ Ըստ Սահմանադրութեան, նորընտիր նախագահին երդման արարողութիւնը տեղի ունեցաւ Հայաստանի Ազգային ժողովի յատուկ նիստի ձեւաչափին մէջ։
Հանրապետութեան նախագահ Ռեճեփ Թայյիպ Էրտողան երէկ Իսթանպուլի մէջ հիւրընկալեց Յունաստանի վարչապետ Քիրիաքոս Միցոթաքիսը։ Անգարա-Աթէնք առանցքի վերջին շրջաններու իրերայաջորդ ցնցումներէն վերջ, այս գագաթնային հանդիպումը երկու հարեւաններու յարաբերութիւններուն մէջ նոր էջ մը բանալու տեսակէտէ կը նկատուի շատ կարեւոր։
Գերմանիոյ վարչապետ Օլաֆ Շոլց այսօր շփումներ կ՚ունենայ Անգարայի մէջ։ Անցեալ տարեվերջին պաշտօնի ձեռնարկած շանսէօլիէն առաջին անգամ կ՚այցելէ Թուրքիա։ Հանրապետութեան նախագահ Ռեճեփ Թայյիպ Էրտողանի կողմէ կը հիւրընկալուի Օլաֆ Շոլց, որու այցը միօրեայ է։
Արտաքին գործոց նախարար Մեւլիւտ Չավուշօղլու այս առաւօտ Անթալիայի մէջ հիւրընկալեց Հայաստանի Արտաքին գործոց նախարար Արարատ Միրզոյեանը։
Համակրելի մեներգչուհի Սիպիլ այս շաբաթավերջին կը գտնուի Պէյրութի մէջ, ուր Համազգայինի կողմէ կազմակերպուած է իր համերգը։ Վերջին օրերուն Սիպիլ հարցազրոյցներ տուաւ լիբանանահայ զանազան լրատուամիջոցներու. ինչպէս՝ «Ազդակ» օրաթերթ եւ «Վանայ Ձայն» ռատիօկայան։
Կեանքը լի է դժուարութիւններով։ Փորձութիւններու ժամանակաշրջան մը, արդարեւ, որ մարդ արարածը ինչ-ինչ վիճակներու դէմ յանդիման կը թողու։ Յաճախ փորձաքարերու առջեւ յայտնուելով՝ մարդ կը պարտաւորուի նախ ինքզինքը կառավարելու, յետոյ ալ ուրիշներու հետ յարաբերութիւնները այնպէս մը կարգի դնելու, որ կամքէն անկախ յաւելեալ դժուարութիւններու չմատնուի։
Հայաստանի Արտաքին գործոց նախարար Արարատ Միրզոյեան երէկ Անթալիայի մէջ հանդիպում մը ունեցաւ Ռուսաստանի Արտաքին գործոց նախարար Սերկէյ Լաւրովի հետ։ Այս տեսակցութիւնը տեղի ունեցաւ Անթալիայի Դիւանագիտական ֆորումի շրջանակներէն ներս։
Թուրքիոյ տանտիրութեամբ Ռուսաստանի եւ Ուքրայնայի արտաքին գործոց նախարարները՝ Լաւրովն ու Քուլեպան երէկ տեսակցեցան Անթալիայի մէջ:
Նախագահ Էրտողան «շինիչ ու երկարատեւ» հեռախօսազրոյց մը ունեցաւ Պայտընի հետ:
