Լրահոս

Ամերիկահայ շրջանակներ քննադատաբար կը վերաբերին Հայաստանի վարչապետ Նիկոլ Փաշինեանի լծակիցներէն Լիլիթ Մակունցի Ուաշինկթընի մօտ դեսպան նշանակուելուն:
Հրատարակիչ Յարութ Սասունեան. «Ես չեմ լսած որեւէ կազմակերպութիւն, որ համամիտ ըլլայ Վարուժան Ներսէսեանի փոխարինման։ Նախագահ Ճօ Պայտընի վարչախումբը կը ձգտի լաւ յարաբերութիւններ մշակել Հայաստանի հետ։ Ճիշդ հիմա էր ժամանակը՝ կարող եւ փորձառու դիւանագէտ մը ունենալու համար, թէ՛ Սպիտակ տան եւ թէ համայնքին հետ աշխատելու տեսանկիւնէն»:

Ամերիկահայ շրջանակներ վերջերս ողջերթի երեկոյթ մը կազմակերպեցին ի պատիւ դեսպան Վարուժան Ներսէսեանին, որ այս շրջանին Ուաշինկթընի մէջ կ՚աւարտէ իր առաքելութիւնը եւ իրեն պիտի փոխարինէ Հայաստանի վարչապետ Նիկոլ Փաշինեանի լծակիցներէն Լիլիթ Մակունց, որ ցարդ դիւանագիտական աշխատանքի որեւէ փորձառութիւն չէ ունեցած։

Ուքրայնոյ անվտանգութեան համակարգէն ներս հայազգի պաշտօնատար մը նշանակուեցաւ բարձր պաշտօնի մը գլուխը։ Այսպէս, Մերի Յակոբեան յառաջիկայ շրջանին պիտի զբաղեցնէ Ուքրայնոյ ներքին գործոց փոխ-նախարարի պաշտօնը:

Հայաստանի վարչապետ Նիկոլ Փաշինեան այսօր աշխատանքային այցելութիւն մը կու տայ Թեհրան, ուր կը մասնակցի Իրանի նորընտիր նախագահ Իպրահիմ Ռաիսիի երդման արարողութեան։ Սա յուլիսի 20-ի արտահերթ ընտրութենէն վերջ Նիկոլ Փաշինեանի երկրորդ արտասահմանեան ուղեւորութիւնն է։

Նախկին պաշտպանութեան նախարար, այժմ ընդդիմադիր երեսփոխան Սէյրան Օհանեան վերապահ է տարածքաշրջանի ապաշրջափակման շուրջ:
«Պիտի գան լեցուին Սիւնիքի մէջ, մեզ տնտեսական ճնշման պիտի ենթարկեն։ Այլ անուններով կալուածներ պիտի գնեն, ինչ որ որեւէ օգուտ պիտի չբերէ մեզի»:

Հայաստանի մէջ օրէնսդիր եւ գործադիր իշխանութիւններու նոր վերնախաւի ձեւաւորման գործընթացը գրեթէ հասած է իր աւարտին։ Երէկ, Ազգային ժողովի փոխ-նախագահ ընտրուեցաւ Յակոբ Արշակեան, որ նախորդ շրջանի կառավարութեան նախարարներէն մին էր։

ՄԱԿ-ի ընդհանուր ժողովի նոր՝ 76-րդ նստաշրջանի բացման ընդառաջ Ռուսաստանի Արտաքին գործոց նախարարութիւնը հանդէս եկաւ յայտարարութիւնով մը։ Այս առթիւ Մոսկուա մատնանշեց Լեռնային Ղարաբաղի հակամարտութեան գօտիէն ներս իրավիճակի կարգաւորման կարեւորութիւնը։

Ատրպէյճանի Պաշտպանութեան նախարար Զաքիր Հասանով երէկ այցելեց՝ Արցախի վերջին պատերազմէն յետոյ իր երկրի վերահսկողութեան տակ անցած տարածքներէ ներս կառուցուած զօրամասերը։ «Ազատութիւն» ռատիօկայանի հաղորդումներով, Զաքիր Հասանով հրամանատարներէն պահանջեց բարձրացնել զինուորներու մարտունակութեան մակարդակը։

 Նախագահ Արմէն Սարգսեանէն կարեւոր դիտարկումներ. «Ապագան մենք ենք՝ որպէս մէկ ամբողջութիւն, միաւորուած ընդհանուր պատմական յիշողութեամբ,
ինչպէս նաեւ մեր երեխաներու եւ նախնիներու նկատմամբ պարտքով։ Անոնք դարեր շարունակ պայքարած են սեփական անկախ պետութիւն ունենալու համար։ Մենք պարտաւոր ենք խորապէս գիտակցիլ եւ արժեւորել միջազգայնօրէն ճանչցուած մեր պետականութեան գոյութեան փաստը։ Պէտք է ամէն ինչ ընել մեր պետութիւնը պաշտպանելու եւ պահպանելու համար՝ որպէս հիմնական համազգային գաղափարախօսութիւն, որպէս կարեւորագոյն համահայկական արժէք»:
«Սահմանափակ աշխարհաքաղաքական եւ բնական պաշարներով, փոքր երկիրներու գոյատեւումը եւ զարգացումը առաւելապէս կախեալ են պետութեան որակէն, պետական կառավարման որակէն եւ մարդկային ներուժի հետ որակեալ, համակարգուած աշխատանքէ։ Մենք պէտք է հրաժարինք աճպարարական գործունէութենէ եւ պէտք է անցնինք բովանդակային գործունէութեան»:

Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Ֆրանսայի Հանրապետութեան նախագահ Էմմանիւէլ Մաքրոնի հետ։ Այս առթիւ Մաքրոն Փաշինեանը շնորհաւորեց վարչապետ վերանշանակուելու կապակցութեամբ։