Լրահոս

Հայաստանի Ազգային գրադարանը վերջերս ձեռք բերաւ երկու հազուագիւտ հրատարակութիւն։ «Արմէնփրէս»ի հաղորդումներով, անոնցմէ մին է Եփրեմ Ասորիի «Գիրք աղօթից»ը, իսկ միւսը՝ հայատառ թրքերէն Աստուածաշունչ մը։

Երէկ, Երեւանի մէջ սկսաւ «Ռէանիմանիա» փառատօնը, որ 16-րդն է իր տեսակին մէջ։ Անիմասիոն ժապաւէններու այս միջազգային փառատօնը արդէն ձեւաւորուած նախընթացներով միշտ ուշագրաւ է գեղարուեստասէրներուն համար։

Գոհունակութեամբ վերահասու կ՚ըլլանք, թէ Աստուածաշունչի ընկերութեան Արաբական ծոցի երկիրներու մասնաճիւղի ընդհանուր քարտուղար տքթ. Հրայր Ճէպէճեան վերջերս ստացած է կարեւոր պարգեւ մը։ Այսպէս, Աստուածաշունչի ընկերութեան Արաբական ծոցի երկիրներու մասնաճիւղի խնամատար մարմինը որոշած է տքթ. Հրայր Ճէպէճեանը պարգեւատրել Լապիպ Մատանաթի յիշատակին հաստատուած կոչումով։

Հանրապետութեան նախագահ Էրտողան հիւրընկալեց «3+3» հարթակի ժողովին մասնակից նախարարները:
Հաքան Ֆիտան ընդունեց Արարատ Միրզոյեանը, որ Իսթանպուլի մէջ տեսակցեցաւ նաեւ Ապպաս Արաղչիի եւ Ճէյհուն Պայրամովի հետ:

Թուրքիա եւ Գերմանիա կը շարունակեն անմիջական կապի մէջ մնալ՝ միջազգային հրատապ օրակարգի խնդիրներուն շուրջ։ Անգարա-Պերլին առանցքի համագործակցութիւնը կարեւոր նշանակութիւն ունի նաեւ տարածաշրջանային բնոյթով մարտահրաւէրներուն տեսակէտէ։

Երէկ, Պերլինի մէջ տեղի ունեցաւ Գերմանիոյ վարչապետ Օլաֆ Շոլցի, Ամերիկայի Միացեալ Նահանգներու նախագահ Ճօ Պայտընի, Ֆրանսայի Հանրապետութեան նախագահ Էմմանիւէլ Մաքրոնի եւ Անգլիոյ վարչապետ Քիր Սթարմըրի հանդիպումը։

Հայաստանի արտաքին գործոց նախարար Արարատ Միրզոյեան այսօր ժամը 18.00-ին Իսթանպուլի մէջ հանդիպում մը ունեցաւ Ատրպէյճանի արտաքին գործոց նախարար Ճէյհուն Պայրամովի հետ։ Տեսակցութիւնը տեղի ունեցաւ «3+3» հարթակի երկիրներու արտաքին գործոց նախարարներու հանդիպման ծիրէն ներս։

Արտաքին գործոց նախարար Հաքան Ֆիտան այսօր ժամը 15.00-ին ընդունեց Հայաստանի արտաքին գործոց նախարար Արարատ Միրզոյեանը։ Հանդիպումը տեղի ունեցաւ Գուրուչէշմէի «Մենտըրին Օրիէնթըլ» պանդոկին մէջ, ուր այս առաւօտ տեղի ունեցաւ «3+3» հարթակի երկիրներու արտաքին գործոց նախարարներուն երրորդ հաւաքը։

Այս առաւօտ տեղի ունեցաւ «3+3» հարթակի երկիրներու արտաքին գործոց նախարարներուն ժողովը:
Ֆիտանի տանտիրութեամբ «Մենտըրին Օրիէնթըլ» պանդոկին մէջ կազմակերպուած հաւաքին մասնակցեցաւ նաեւ Միրզոյեան:

Լուսանկարչութեան անմոռանալի հանճարներէն, մեծանուն վարպետ երջանկայիշատակ Արա Կիւլէր երէկ ոգեկոչուեցաւ իր մահուան վեցերորդ տարելիցին առթիւ։ Արա Կիւլէրի գործերը ժամանակի մէջ որքան որ կ՚արժեւորուին՝ իրեն նկատմամբ կարօտն ալ այնքան բազմապատիկ կը մեծնայ եւ յետ պահու իրեն նկատմամբ յարգանքն ալ այնքան կ՚աւելնայ։